അടിപൊളി നേട്ടങ്ങൾ ഉടനടയെത്തും: പണം പെരുകും; ബിസിനസിൽ മികച്ച നേട്ടങ്ങൾ; കുടുംബത്തിൽ സമാധാനം !

By Desk

Updated: Tuesday, July 19, 2022, 14:56 [IST]

Astrology: ജ്യോതിഷത്തിൽ സൂര്യഗ്രഹത്തിനും ബുധൻ ഗ്രഹത്തിനും ഏറെ പ്രാധാന്യങ്ങളാണ് ഉള്ളത്. ഈ രണ്ട് ഗ്രഹങ്ങളുടെയും രാശിമാറ്റം പല രാശിക്കാരുടെയും ജീവിതത്തെ ഏറെ സ്വാധീനിക്കുന്നതാണ്. ഗ്രഹങ്ങളുടെ രാജാവ് എന്നാണ് സൂര്യനെ അറിയപ്പെടുക.

ഗ്രഹങ്ങളുടെ രാജകുമാരൻ എന്ന് പറയപ്പെടുന്ന ബുധന് സാമ്പത്തികമായി ഏറെ സ്വാധീനം മറ്റു വ്യക്തികളുടെ ജീവിതത്തിൽ ഉണ്ടാക്കാൻ കഴിയും. കർക്കടക രാശിയിലെ ഈ രണ്ട് ഗ്രഹങ്ങളുടെയും കൂടിച്ചേരൽ ഇപ്പോൾ നടക്കുകയാണ്. ഇത് പല രാശിക്കാർക്കും അവരുടെ ജീവിതത്തിൽ സാമ്പത്തികമായും തൊഴിൽ മേഖലകളിലും നിരവധി ഭാഗ്യം ലഭിക്കാൻ കാരണമാകും. ഇതിലൂടെ ബുദ്ധാദിത്യയോഗം രൂപപ്പെടുകയും ചെയ്യും.

ജൂൺ 17 - ന് ബുധൻ മിഥുന രാശിയിൽ നിന്നും കർക്കടക രാശിയിലേക്ക് സ്ഥാനമാറ്റം നടത്തിയിരുന്നു. അതേസമയം ഗ്രഹങ്ങളുടെ രാജാവ് എന്ന് വിശേഷിപ്പിക്കുന്ന സൂര്യൻ ജൂലൈ 16 - ന് കർക്കടക രാശിയിൽ പ്രവേശിച്ചു.

ഇരുവരുടെയും ഈ സ്ഥാനം മാറ്റം ഭാഗ്യ നേട്ടങ്ങൾക്ക് കാരണമാകും എന്നാണ് ജ്യോതിഷികൾ പറയുന്നത്. ചില രാശിക്കാർക്ക് ഈ രണ്ടു ഗ്രഹങ്ങളുടെയും കൂടിച്ചേരൽ ഗുണകരമാകുമ്പോൾ മറ്റ് ചില രാശിക്കാർക്ക് ദോഷങ്ങൾ ഉണ്ടാകാനും കാരണമാകും. ഏതൊക്കെ രാശിക്കാർക്കാണ് മികച്ച ഫലങ്ങൾ കിട്ടുന്നത്. ആർക്കൊക്കെ ദോഷങ്ങൾ ഉണ്ടാകും. അറിയാം.

മേടം: ബുധൻ മേടം രാശിയിൽ നാലാം ഭാവത്തിൽ സംക്രമിച്ചിരിക്കുകയാണ്. ഈ സംക്രമണത്തിലൂടെ പ്രത്യേക നേട്ടങ്ങൾ ഓരോ രാശിക്കാർക്കും ഉണ്ടാകും എന്ന് ജ്യോതിഷികൾ പറയുന്നു. ഇനി വരുന്ന 15 ദിവസങ്ങളാണ് ശുഭകരമായി മാറുന്നത്. ബിസിനസ് മേഖലകളിൽ പ്രവർത്തിക്കുന്ന വ്യക്തികൾക്ക് ലാഭത്തിന് സാധ്യത കാണുന്നു.

എന്തെങ്കിലും നിക്ഷേപങ്ങൾ നടത്താൻ ആഗ്രഹിക്കുന്ന വ്യക്തികൾ ഈ 15 ദിവസത്തിനുള്ളിൽ അവ ചെയ്യുന്നത് മികച്ച ഭാഗ്യം ഇങ്ങോട്ട് കിട്ടാൻ കാരണമാകും. തൊഴിൽ മേഖലകളിൽ പ്രവർത്തിക്കുന്ന വ്യക്തികൾക്ക് പ്രമോഷൻ ലഭിക്കും. എന്നാൽ മത്സര പരീക്ഷയ്ക്ക് വേണ്ടി തയ്യാറെടുക്കുന്ന വിദ്യാർത്ഥികൾ ആണെങ്കിൽ നിങ്ങൾക്ക് പൂർണ്ണ വിജയമാണ് കാണുന്നത്.

ഇടവം : ബുധനും സൂര്യനും കൂടിച്ചേർന്നത് ഇടവ രാശിക്കാർക്ക് കൂടുതൽ പ്രയോജനങ്ങൾ ലഭിക്കാൻ കാരണമാകും. യാത്രകൾക്ക് ഉള്ള കാലയളവാണ് ഇത്. അതായത് ഇടവം രാശിക്കാരിൽ ബുധൻ മൂന്നാം ഭാവത്തിൽ സംക്രമിച്ചിരിക്കുകയാണ്. ഈ കാലയളവിൽ എന്തെങ്കിലും തരത്തിലുള്ള യാത്രകൾ വേണ്ടി വന്നേക്കാം. വിൽപ്പന വിപണനം എന്നീ മേഖലകളിലൊക്കെ വലിയ നേട്ടങ്ങൾ ഇടവരാശിക്കാരെ കാത്തിരിക്കുന്നു. കരിയറിൽ നിങ്ങൾക്ക് മികച്ച നേട്ടം ലഭിക്കും. എന്നാൽ നിങ്ങളുടെ സഹോദരങ്ങൾക്കിടയിൽ നിങ്ങൾക്ക് ഈ കാലയളവിൽ നല്ല ബന്ധം ഉണ്ടാക്കിയെടുക്കാനും ഇതിലൂടെ സന്തോഷം ലഭിക്കാനും കാരണമാകും.

കന്നി : ബിസിനസ് മേഖലകളിൽ പ്രവർത്തിക്കുന്ന വ്യക്തികൾക്ക് ബുധൻ ഗ്രഹത്തിന്റെയും സൂര്യഗ്രഹത്തിന്റെയും അനുഗ്രഹം ഏറെയുണ്ടാകും. നിങ്ങൾക്ക് സാമ്പത്തിക നേട്ടമാണ് ഇനിയുള്ള കാലയളവ്. ബുധൻ പതിനൊന്നാം ഭാവത്തിലാണ് കന്നി രാശിക്കാരിൽ സംക്രമിച്ചിരിക്കുന്നത്. ഈ കാലയളവ് ധന ലാഭത്തിനും ബിസിനസ് മേഖലകളിലെ ഉന്നതിക്കും കാരണമാകും. തൊഴിൽ മേഖലകളിൽ ആധിപത്യം ഉണ്ടാകും. നിങ്ങൾ നിങ്ങളുടെ ജോലിയിൽ ഏറെ വിലമതിക്കപ്പെടും. ചെയ്യുന്ന എല്ലാ കാര്യങ്ങളിലും കുടുംബത്തിന്റെ പിന്തുണ ഉള്ളതിനാൽ തന്നെ പ്രതിസന്ധി ഘട്ടങ്ങൾ ഉണ്ടാകില്ല.

മിഥുനം : സൂര്യനും ബുധനും തമ്മിൽ കൂടിച്ചേരുന്നത് മിഥുന രാശിക്കാരുടെ അടിപൊളി സമയം എന്നാണ് പറയുന്നത്. ബുദ്ധാദിത്യയോഗം ഉണ്ടാകാൻ കാരണമാകും. ജോലിയുള്ള വ്യക്തികൾ ആണെങ്കിലും ബിസിനസ് ചെയ്യുന്ന വ്യക്തികൾ ആണെങ്കിലും ഈ കാലയളവിൽ ഭാഗ്യത്തിന്റെ പൂർണ്ണ പിന്തുണ കാണുന്നു. നിങ്ങൾ ചെയ്യുന്ന എല്ലാ പ്രവർത്തികളിലും എല്ലാ മേഖലകളിലും മികച്ച വിജയം ഉണ്ടാകും. കുടുംബത്തിനുള്ളിൽ സമാധാനവും സന്തോഷവും വർധിക്കും. ഒരുപാട് സമയം കുടുംബത്തിനൊപ്പം ആസ്വദിക്കാം.

മീനം: സൂര്യന്റെയും ബുധന്റെയും സംക്രമണം മീന രാശിക്കാർക്ക് കുടുംബാന്തരീക്ഷത്തിൽ ഏറെ ഗുണം ചെയ്യും. അതായത് ഈ കാലയളവിൽ തന്റെ കുടുംബത്തോടൊപ്പം ഏറ്റവും കൂടുതൽ സമയം ചിലവഴിക്കും. മീന രാശിക്കാരുടെ അഞ്ചാം ഭാവത്തിലാണ് ബുധൻ സംക്രമിക്കുന്നത്. അതിനാൽ തന്നെ ഇരു ഗ്രഹങ്ങളുടെയും സംയോജനം കൂടുതൽ പണം നിങ്ങളിലേക്ക് എത്തുന്നതിന് കാരണമാകും. വിദ്യാർഥികൾക്കും അനുകൂല സമയമാണ്. അതായത് നിങ്ങൾ നേരിടാൻ പോകുന്ന മത്സരം പരീക്ഷകളിൽ പൂർണ്ണ വിജയം ഉണ്ടാകും.