ചിങ്ങം രാശിയില്‍ ജനിക്കുന്ന കുട്ടികളില്‍ ആധിപത്യ മനോഭാവം അധികമായിരിക്കും: കുട്ടികളുടെ പ്രത്യേകതകള്‍!

ചിങ്ങം രാശിയില്‍ ജനിക്കുന്ന കുട്ടികള്‍ എപ്പോഴും ശ്രദ്ധാകേന്ദ്രമായി മാറുന്നവരായിരിക്കും. ചെയ്യുന്ന എല്ലാക്കാര്യങ്ങളും ശ്രദ്ധിക്കപ്പെടുകയും പ്രശംസിക്കപ്പെടുകയും ചെയ്യുന്നുവെന്നതാണ് ഈ രാശിയില്‍ ജനിക്കുന്ന കുട്ടികളുടെ ഒരു പ്രധാന പ്രത്യേകത. ചുറ്റിലുമുള്ള ആരോടും എളുപ്പത്തില്‍ ഇണങ്ങിച്ചേരുന്ന ഈ രാശിക്കാര്‍ എല്ലാവരോടും സൗഹൃദ മനോഭാവം പുലര്‍ത്തുന്നവര്‍ കൂടിയായിരിക്കും. ഒരു പാട് സ്വാതന്ത്ര്യം ആഗ്രഹിക്കുന്ന ഇവര്‍ ആവിഷ്കാര സ്വാതന്ത്ര്യം വേണമെന്ന് ശഠിക്കുന്നവരുമാണ്. പുതിയ കാര്യങ്ങള്‍ പഠിക്കാന്‍ തല്‍പ്പരരായിരിക്കുന്ന ഈ കുട്ടികള്‍ ഇക്കാര്യം എളുപ്പത്തില്‍ മറ്റുള്ളവര്‍ക്ക് മുമ്പില്‍ തെളിയിക്കാനുള്ള കഴിവുള്ളവരുമായിരിക്കും.

ഒരു ഗ്രൂപ്പിന്‍റെ നേതാവായിരിക്കാന്‍ ആഗ്രഹിക്കുന്ന ചിങ്ങം രാശിക്കാര്‍ മത്സരങ്ങളെ നേരിടേണ്ട സാഹചര്യം വരുമ്പോള്‍ ആക്രമണ സ്വഭാവം പ്രകടിപ്പിക്കുന്നവരുമായിരിക്കും. സ്നേഹം, അടുപ്പം, ആത്മാര്‍ത്ഥത എന്നീ കാര്യങ്ങള്‍ക്ക് പ്രധാന്യം നല്‍കുന്ന ഈ രാശിക്കാര്‍ മറ്റുള്ളവര്‍ക്ക് മേല്‍ ആധിപത്യം സ്ഥാപിക്കുന്ന സ്വഭാവമായിരിക്കും പ്രകടിപ്പിക്കുക. ഇത്തരം കുട്ടികളില്‍ ആധിപത്യ മനോഭാവം പുലര്‍ത്തുന്നത് ഒരു തരത്തിലുള്ള സന്തോഷമാണ് നല്‍കുന്നത്. ഈ രാശിയില്‍ ജനിക്കുന്ന കുട്ടികളെ അനുസരിപ്പിക്കാന്‍ അടിക്കുകയോ വേദനിപ്പിക്കുകയോ ചെയ്യുന്നതുകൊണ്ട് കാര്യമില്ലെന്ന് ഇവര്‍ തന്നെ തെളിയിക്കുകയും ചെയ്യും.

സഹായ മനോഭാവം

ഒരുനിമിഷം പോലും അടങ്ങിയിരിക്കാന്‍ ഇഷ്ടപ്പെടാത്തവരായിരിക്കും ഈ രാശിയില്‍ ജനിക്കുന്ന കുട്ടികളിലെ ഒരു വിഭാഗം. എല്ലാവരെയും സഹായിക്കാനുള്ള മനോഭാവവും ഈ കുട്ടികള്‍ക്ക് ഉണ്ടായിരിക്കും. സാഹസപ്രവൃത്തികള്‍ ഇഷ്ടപ്പെടുന്ന ഈ രാശിക്കാരായ കുട്ടികള്‍ കളികളിലും ശാരീരിക അധ്വാനം ആവശ്യമായ പ്രവൃത്തികളിലും ഏര്‍പ്പെടാനാണ് ആഗ്രഹിക്കുന്നത്. തങ്ങളുടെ സാധനങ്ങള്‍ക്ക് മറ്റുള്ളവര്‍ക്ക് നല്‍കാന്‍ തയ്യാറാവുന്നവര്‍ കൂടിയായിരിക്കും ഈ രാശിക്കാര്‍.

എളുപ്പത്തില്‍ പഠിച്ചെടുക്കും

ബുദ്ധിശക്തി കൂടുതലുള്ളവരായിരിക്കും ചിങ്ങം രാശിയില്‍ ജനിക്കുന്ന കുട്ടികള്‍. ബുദ്ധിമുട്ടുള്ള കാര്യങ്ങള്‍ പോലും എളുപ്പത്തില്‍ ചെയ്ത് തീര്‍ക്കാനുള്ള കഴിവ് ഈ രാശിക്കാരായ കുട്ടികള്‍ക്ക് ഉണ്ടായിരിക്കും. ദൈനംദിന കാര്യങ്ങളേക്കാള്‍ അല്ലാത്ത കാര്യങ്ങള്‍ക്ക് ചെയ്യാന്‍ ഇഷ്ടപ്പെടുന്നവര്‍ കൂടിയായിരിക്കും ഈ രാശിക്കാര്‍.

കരുത്തരായിരിക്കും

സ്വയം നിയന്ത്രിക്കാനുള്ള കഴിവുള്ളവരായിരിക്കും ചിങ്ങം രാശിയില്‍ ജനിക്കുന്ന കുട്ടികള്‍. ചെയ്യുന്ന ജോലികളും കാര്യങ്ങളും അനുവദിച്ച സമയത്തിനുള്ളില്‍ പൂര്‍ത്തിയാക്കാന്‍ ഈ രാശിക്കാര്‍ മിടുക്കരായിരിക്കും. ഒഴിവുവേളകള്‍ വെറുതെ കളായതെ വായിക്കാനുള്ള സമയവും ഈ രാശിയില്‍ ജനിക്കുന്ന കുട്ടികള്‍ കണ്ടെത്തും. മറ്റെന്തിനേക്കാളും കൂടുതല്‍ പുസ്തകങ്ങള്‍ വായിക്കുന്നതിനായിരിക്കും ഈ രാശിക്കാര്‍ പ്രാധാന്യം നല്‍കുക. എല്ലാ മത്സരങ്ങളിലും ജയിക്കാന്‍ ഇഷ്ടപ്പെടുന്നവരായിരിക്കുമെങ്കിലും എപ്പോഴും മറ്റുള്ളവര്‍ക്ക് മേല്‍ അധികാരം സ്ഥപിക്കാനാണ് ഈ രാശിക്കാര്‍ ശ്രമിക്കുക.

അഹങ്കാരികളായിരിക്കും

ചിങ്ങം രാശിയില്‍ ജനിക്കുന്ന കുട്ടികളുടെ ഒരു പ്രത്യേകത അഹങ്കാരം അല്‍പ്പം കൂടുതലായിരിക്കുമെന്നതാണ്. ഒരു അവസരം ലഭിച്ചാല്‍ വഴക്ക് ഉണ്ടാക്കാനുള്ള പ്രവണതയും ഈ രാശിക്കാരില്‍ അധികമായിരിക്കും. മറ്റുള്ളവരുടെ കാഴ്ച്ചപ്പാടുകളേക്കാള്‍ മികച്ചതായിരിക്കും ഈ രാശിയില്‍ ജനിക്കുന്ന കുട്ടികളുടെ കാഴ്ചപ്പാടുകള്‍. മറ്റുള്ളവരെ ബഹുമാനിക്കുന്ന ഈ രാശിക്കാര്‍ മറ്റുള്ളവരില്‍ നിന്ന് ബഹുമാനം തിരികെ ലഭിക്കണമെന്നും ആഗ്രഹിക്കും.

പ്രശ്നങ്ങള്‍ പങ്കുവെയ്ക്കില്ല

പ്രശ്നങ്ങള്‍ മറ്റുള്ളവരുമായി പങ്കുവയ്ക്കാന്‍ ഇഷ്ടപ്പെടാത്തവരായിരിക്കും ചിങ്ങം രാശിയില്‍ ജനിക്കുന്ന കുട്ടികള്‍. ഈ കുട്ടികളോട് എപ്പോഴും തുറന്ന് സംസാരിക്കേണ്ടത് അനിവാര്യമാണ്. രക്ഷിതാക്കളോട് മാത്രം മനസ്സുതുറന്ന് സംസാരിക്കുന്ന പ്രകൃതക്കാരായിരിക്കും ഈ രാശിയില്‍ ജനിക്കുന്ന കുട്ടികള്‍.

English summary

Know all about the Leo kids in Kannada. Read about children who belongs to zodiac sign Leo in Child Astrology here. Leo children are very playful and can always be found on the move.