കേള്ക്കാന് മാത്രമല്ല ഈ ചെവികള്ക്ക് പറയാനും കഴിയും.. അതും നിങ്ങളുടെ സ്വഭാവ ഗുണങ്ങള് !!
നമ്മുടെ ശരീരത്തിന്റെ ഓരോ ഭാഗങ്ങള്ക്കും അതിന്റേതായ പ്രത്യേകതകള് ഉണ്ട്. ഈ പ്രത്യേകതകളൊക്കെ നമ്മുടെ ജീവിതവുമായും സ്വഭാവവുമായും ഭാഗ്യവും നിര്ഭാഗ്യവുമായൊക്കെ ബന്ധപ്പെട്ട് കിടക്കുന്നുണ്ട്. ചൈനീസ് ശാസ്ത്ര പ്രകാരം നമ്മുടെ ചെവിയുടെ ആകൃതി നമ്മുടെ സ്വഭാവവുമായി ഏറെ ബന്ധപ്പെട്ട് കിടക്കുന്നുണ്ട്. ചെവിയുടെ ആകൃതി നോക്കി നമ്മുടെ സ്വഭാവം എങ്ങനെ ബന്ധപ്പെട്ടിരിക്കുന്നെന്ന് നോക്കാം.
ഡയമണ്ട് ആകൃതിയിലുള്ള ചെവി
വളരെ ക്രിയേറ്റീവ് ആയ ആളുകളുടെ ചെവി ശ്രദ്ധിച്ചാല് മനസ്സിലാകും അവ ഡയമണ്ടിന്റെ ആകൃതിയിലുള്ളവയാണെന്ന്. കാര്യങ്ങളില് വളരെ ക്രിയേറ്റീവ് ആണെങ്കിലും ഇവരെ മനസ്സിലാക്കുക എന്നത് വളരെ കുഴപ്പം പിടിച്ച പണിയാണ്. മൂഡിനനുസരിച്ച് സ്വഭാവം മാറുന്ന ഇവര് എങ്ങനെ പ്രതികരിക്കുമെന്നു പറയാനും സാധിക്കില്ല. മറ്റുള്ളവരെക്കാള് അധികം തങ്ങളെത്തന്നെ സ്നേഹിക്കുന്ന തരക്കാര് കൂടിയാണ് ഇവര്.
സമചതുരത്തിലുള്ള ചെവി
എല്ലാ കാര്യങ്ങളിലും വളരെയധികം വിശ്വസ്തത പുലര്ത്തുന്ന ആളുകളായിരിക്കും സമചതുരാകൃതിയില് ചെവിയുള്ളവര്. തങ്ങളുടെ വാക്കുകളും വാഗ്ദാനങ്ങളും പാലിക്കുവാന് ഇവരെ കഴിഞ്ഞേയുള്ളു ആളുകള്. എല്ലാ കാര്യങ്ങളും തികഞ്ഞ പൂര്ണ്ണതയോടെ ചെയ്തു തീര്ക്കണമെന്ന നിര്ബന്ധ ബുദ്ധിയുള്ളവരാണ് ഇവര്. അതുകൊണ്ടുതന്നെ ഇത്തരം പൂര്ണ്ണത ഇവര് മറ്റുള്ളവരില് നിന്നും പ്രതീക്ഷിക്കുന്നുണ്ട്. തന്റെ ചുറ്റും നടക്കുന്ന ചെറിയ കാര്യങ്ങള് പോലും ഇവരെ വല്ലാതെ അസ്വസ്ഥതപ്പെടുത്തുകയും ചെയ്യും.
വൃത്താകൃതിയില് ചെവിയുള്ളവര്
എല്ലാവരില് നിന്നും എല്ലായിടത്തു നിന്നും ശ്രദ്ധ പിടിച്ചു പറ്റുവാന് ശ്രമിക്കുന്ന ആലുകളായിരിക്കും വൃത്താകൃതിയില് ചെവിയുള്ളവര്. ശ്രദ്ധ പിടിച്ചുപറ്റുക മാത്രമല്ല, എല്ലായിടത്തു നിന്നും അഭിനന്ദനവും നല്ല വാക്കുകളും ഇവര് പ്രതീക്ഷിക്കുന്നുണ്ട്. ഒട്ടേറെ നല്ല സുഹൃത്തുക്കള് ഉള്ള ഇവര് ഭാവിയെക്കുറിച്ച് ചിന്തിക്കാതെ വളരെ സന്തോഷത്തോടെ ജീവിക്കുന്നവര് ആയിരിക്കും . വളരെയധികം ശുഭാപ്തി വിശ്വാസികളായ ഇവര് പ്രണയ ജീവിതത്തില് വളരെ സാഹസികര് ആയിരിക്കും. ഇവരുടെ ധീരതയ്ക്കും സാഹസികതയ്ക്കും ഒട്ടേറെ ആരാധകര് ഉണ്ടായിരിക്കും.
വളരെ ചെറിയ ചെവി
സാധാരണ ചെവികളില് നിന്നും വ്യത്യസ്തമായി വളരെ ചരിയ ചെവിയുള്ള ആളുകള് വളരെ വിനയത്തോടു കൂടി മാത്രം പെരുമാറുന്നവര് ആയിരിക്കും. മാത്രമല്ല, കാര്യങ്ങളിലെല്ലാം വളരെ ജാഗ്രതയോടെ ഇടപെടുന്ന ഇവര് എല്ലായ്പ്പോഴും സേഫ് സോണില് നില്ക്കാന് താല്പര്യപ്പെടുന്നവര് ആയിരിക്കും. ചെവിയുടെ താഴ്ഭാഗം വളരെ മാംസളമായിരിക്കും.
താഴേക്ക് തൂങ്ങി നില്ക്കുന്ന ചെവി
ചിലരുടെ ചെവിയുടെ താഴെ ഭാഗം മാത്രം തൂങ്ങിക്കിടക്കുന്നത് ശ്രദ്ധിച്ചിട്ടില്ലേ...ഇത്തരക്കാര് ആത്മീയ കാര്യങ്ങളില് ഏറെ ശ്രദ്ധയുള്ളവര് ആയിരിക്കുമത്രെ. മാത്രമല്ല, സമൂഹത്തില് നല്ല പേരുള്ള ഇവര് എല്ലാത്തിലും പടിപടിയായി മാത്രം മുന്നേറുന്നവര് കൂടിയാണ്. ഇത്തരക്കാര് ജീവത്തില് വളരെ ഫോക്കസ്ഡ് ആയിട്ടുള്ളവര് ആയിരിക്കും എന്നാണ് പറയുന്നത്. ജീവിത പങ്കാളിയെ ഇവര് തന്നെ കണ്ടെത്തുകയും വളരെ സന്തോഷത്തോടെ ജീവിക്കുകയും ചെയ്യുമത്രെ. സ്വയം സ്നേഹിക്കുന്ന കാര്യത്തിലും ഇവര് മുന്പന്തിയിലാണ്.