മെയ് മാസഫലം: ഏത് രീതിയിലും ആഗ്രഹപൂര്‍ത്തീകരണം, സാമ്പത്തിക പുരോഗതി, ബിസിനസ്സിലൂടെ നേട്ടങ്ങള്‍

മേടക്കൂറ് (അശ്വതി, ഭരണി, കാര്‍ത്തിക 1/4)

ഉദ്ദേശിക്കുന്ന രീതിയില്‍ കാര്യങ്ങള്‍ വേഗത്തില്‍ നടക്കണമെന്നില്ല. ഏതു കാര്യത്തിലും ഒരു മന്ദഗതി അനുഭവപ്പെട്ടേക്കാം. വിവാഹാദി വിഷയങ്ങളില്‍ കാലതാമസം കാണുന്നു. സംഭാഷണത്തിലൂടെ ചില അസ്വസ്ഥതകളോ കലഹമോ ഉടലെടുക്കാതെ ശ്രദ്ധിക്കുക. ധനപരമായ കാര്യങ്ങളില്‍ കൂടുതല്‍ ജാഗ്രത ആവശ്യമാണ്. വളരെ സൂക്ഷ്മതയോടെ ഇടപാടുകള്‍ നടത്തുക. ആലോചനക്കുറവും അശ്രദ്ധയും കാരണമായി ധനനഷ്ടമുണ്ടാകാനിടയുണ്ട്. നൂതന സംരംഭങ്ങള്‍ തുടങ്ങുന്നതിന് അനുകൂല സമയമല്ല. കടബാധ്യതകള്‍ ഉണ്ടാകാതെ ശ്രദ്ധിക്കേണ്ടതാണ്. ആരോഗ്യപരമായ കാര്യങ്ങള്‍ വളരെ ശ്രദ്ധിച്ചു നടത്തുക. അവിചാരിത രോഗക്ലേശങ്ങള്‍ക്ക് സാധ്യത. മധ്യപ്രായം പിന്നിട്ടവര്‍ അതീവ ശ്രദ്ധയില്‍ കാര്യങ്ങള്‍ ചെയ്യേണ്ട താണ്. സമഗ്രമായി സൂര്യരാശി വിചിന്തനം നടത്തി, ഉചിത പ്രതിവിധി ചെയ്യുന്നത് ഉത്തമം.

ഇടവക്കൂറ് (കാര്‍ത്തിക 1/2, രോഹിണി, മകയിരം 3/4)

മനസ്സിന് ആനന്ദകരമായ അനുഭവങ്ങള്‍ ഉണ്ടാകുന്നതാണ്. ദീര്‍ഘനാളായി ചിന്തിക്കുന്ന പ്രയാസകരമായ കാര്യങ്ങള്‍ സാധിക്കുന്നതാണ്. പ്രണയ വിവാഹസാധ്യത കാണുന്നു. സംഭാഷണത്തില്‍ വേണ്ടത്ര കരുതലും മിതത്വവും ശീലിക്കുക. നൂതന പ്രണയ ബന്ധങ്ങള്‍ ഉടലെടുക്കുന്നതിനും സാധ്യതയുണ്ട്. ധനകാര്യങ്ങളില്‍ ഗുണകരമായ പരിണാമങ്ങള്‍ ഉണ്ടാകും. പുതിയ പ്രവൃത്തി മേഖലകളില്‍ പ്രവേശിക്കും. ഏതുവിധ ശ്രമത്താലും വിജയം ലഭ്യമാകുന്നതാണ്. ഗൃഹനിര്‍മ്മാണം പൂര്‍ത്തീകരിക്കും. സാമ്പത്തിക പുരോഗതി ഉണ്ടാകും. കച്ചവടക്കാര്‍ക്ക് തങ്ങളുടെ പ്രവൃത്തിമേഖല വിപുലീകരിക്കുന്നതിനു സാധിക്കുന്നതായി കാണുന്നു. ബിസിനസ്സ് കൂടുതല്‍ വിജയകരമായിത്തീരും. ആരോഗ്യ കാര്യങ്ങളില്‍ അസ്വസ്ഥ തയുടെ ആവശ്യമില്ല. രോഗശമനങ്ങള്‍ ഉണ്ടാകും. ശ്രദ്ധ കൈവിടരുത്. മധ്യപ്രായം പിന്നിട്ടവല്‍ കൂടുതലായി ജാഗ്രത പാലിക്കുക. പൊതുവെ ദോഷശാന്തിക്കായി ഒരു ഗണപതിഹോമം, ഭഗവതി സേവ, മൃത്യുഞ്ജയം നടത്തുക.

മിഥുനക്കൂറ് (മകയിരം 3/4, തിരുവാതിരം, പുണര്‍തം 1/2)

ധനപരമായ കാര്യങ്ങളില്‍ ഗുണദോഷ സമ്മിശ്രസ്ഥിതിയാണ് കാണുന്നത്. പുതിയ കച്ചവടങ്ങള്‍ തുടങ്ങാന്‍ അനുകൂലമായ സ്ഥിതിയല്ല. പ്രവര്‍ത്തനരംഗത്ത് പാഴ്ചിലവുകള്‍ ഒഴിവാക്കുക. നൂതനമായ ആശയങ്ങള്‍ സാവധാനം ആവിഷ്‌ക്കരിച്ചു നടപ്പിലാക്കേണ്ടതാണ്. ഏതു കാര്യത്തിലും വളരെ ശ്രദ്ധയോടുകൂടി മുന്നോട്ടു പോവുക. പ്രണയ കാര്യങ്ങള്‍ പൊതുവെ അനുകൂലമായിരിയ്ക്കും. ഉദ്ദേശിക്കുന്ന രീതിയില്‍ കാര്യങ്ങള്‍ നടക്കും. സന്തോഷകരമായി ദിനങ്ങള്‍ ഉണ്ടാകും. പുതിയ പ്രേമബന്ധങ്ങള്‍ ഉടലെടുക്കുന്നതിനുള്ള സാധ്യതയും കാണുന്നു. പ്രണയ സംബന്ധമായ ലക്ഷ്യങ്ങളില്‍ തീരുമാനമുണ്ടാകാനിടയുണ്ട്. വിവാഹാദികാര്യങ്ങള്‍ക്ക് അനുകൂലമായ സന്ദര്‍ഭം കാണുന്നു. ആരോഗ്യകാര്യങ്ങള്‍ സാമാന്യമായി തൃപ്തികരമായിരിയ്ക്കും. മധ്യപ്രായം പിന്നിട്ടവര്‍ കൂടുതല്‍ ശ്രദ്ധ പാലിക്കുക. നാഡീ മര്‍മ്മ സംബന്ധമായ ചില വിഷമങ്ങള്‍ ഉണ്ടാകുവ്‌നതിനുള്ള സാധ്യതയും ഉണ്ട്. ദോഷശാന്തിയ്ക്കായി ഒരു മഹാമൃത്യുഞ്ജയ ഹവനം നടത്തുക.

കര്‍ക്കടകക്കൂറ് (പുണര്‍തം 1/4, പൂയം, ആയില്യം)

പൊതുവേ പ്രേമകാര്യങ്ങളില്‍ വളരെ അനുകൂലമായി മാറ്റങ്ങള്‍ ഉണ്ടാകും. സംസാരത്തിലൂടെ അസ്വസ്ഥതകള്‍ ഉണ്ടാകാതെ ശ്രദ്ധിക്കണം. പ്രണയവിഷയത്തില്‍ മനസ്സിന്റെ ഉദ്ദേശലക്ഷ്യങ്ങള്‍ സാധിക്കുന്നതിനു സാധ്യതയുണ്ട്. വിവാഹാദി കാര്യങ്ങളില്‍ അധികം വൈകാതെ തീരുമാനമുണ്ടാകുന്നതാണ്. ധനപരമായ കാര്യങ്ങള്‍ പൊതുവെ അനുകൂലമായിരിക്കും. ധനമിടപാടുകള്‍ ശ്രദ്ധിച്ചു നടത്തുക. ബിസിനസ്സിലൂടെ നേട്ടങ്ങള്‍ ഉണ്ടാകും. പുതിയ മേഖലകളിലേക്ക് ബിസിനസ്സ് വ്യാപിപ്പിക്കുന്നതിനു സാധിക്കും. പാഴ്ചിലവുകള്‍, അപ്രതീക്ഷിതമായ ധനനഷ്ടങ്ങള്‍ ഇവ ഒഴിവാക്കുന്നതിനു ശ്രദ്ധിക്കുക. ആരോഗ്യപരമായ അഭിവൃദ്ധിയാണു കാണുന്നത്. അസ്വസ്ഥതകള്‍ ഉള്ളവര്‍ക്ക് അതിനു ശമന മുണ്ടാകും. മധ്യപ്രായക്കാര്‍ കൂടുതലായി ജാഗ്രത പാലിക്കുക. സകലദോഷശാന്തിയ്ക്കായി ഒരു വലിയ ഭഗവതി സേവ നടത്തുക.

ചിങ്ങക്കൂറ് (മകം, പൂരം, ഉത്രം 1/4)

വിവാഹകാര്യത്തില്‍ തീരുമാനമുണ്ടാകുന്നതിനു സാധ്യത കാണുന്നു. ധനപരമായ കാര്യങ്ങളില്‍ വളരെ ശ്രദ്ധാപൂര്‍വ്വമായി തീരുമാനങ്ങള്‍ എടുക്കേണ്ടതാണ്. ഗുണദോഷസമ്മിശ്രമായ ഫലമാണ് കാണുന്നതെങ്കിലും അശ്രദ്ധയോ ആലോചനക്കുറവോ നിമിത്തം പ്രയാസങ്ങള്‍ ഉടലെടുക്കുന്നതിനു സാധ്യതയുണ്ട്. പുതിയ മേഖലകളിലേക്ക് നിങ്ങളുടെ ബിസിനസ്സ് വ്യാപിപ്പിക്കുവാന്‍ അവസരമുണ്ടാകും. സാമ്പത്തിക പുരോഗതി കൈവരിക്കുന്നതിനുള്ള സാഹചര്യമുണ്ടാകും. നൂതനമായ പ്രണയ ബന്ധങ്ങള്‍ ഉടലെടുക്കുന്നതിനു സാധ്യത കാണുന്നു. പൊതുവെ സന്തോഷകരമായ ദിനങ്ങള്‍ കടന്നുപോകും. ഉദ്ദേശിക്കുന്ന രീതിയില്‍ കാര്യങ്ങള്‍ നടക്കും. പ്രണയകാര്യങ്ങളില്‍ സാഫല്യമുണ്ടാകും. ആരോഗ്യ കാര്യങ്ങളില്‍ കൂടുതല്‍ ശ്രദ്ധ നല്‍കുക. ഉദരവൈഷമ്യ സാധ്യതയുണ്ട്. മറ്റ് അസ്വസ്ഥതകളുള്ളവര്‍ വളരെ ശ്രദ്ധാപൂര്‍വ്വം എല്ലാ കാര്യങ്ങളും ചെയ്തു മുന്നോട്ടു പോവുക. പരിഹാരമായി നവഗ്രഹശാന്തി നടത്തുന്നത് നല്ലത്.

കന്നി (ഉത്രം 1/2, അത്തം, ചിത്തിര 3/4)

പൊതുവെ പ്രണയകാര്യങ്ങള്‍ ഗുണകരമായിരിയ്ക്കും. ഉദ്ദേശിക്കുന്ന രീതിയില്‍ കാര്യങ്ങള്‍ നടക്കും. പുതിയ പ്രേമബന്ധങ്ങള്‍ ഉണ്ടാകുന്നതിനു സാധ്യതയുണ്ട്. മനസ്സിനു സന്ദോഷകരമായ അവസ്ഥകളിലൂടെ കടന്നുപോകുന്നതാണ്. ഏത് രീതിയിലും നിങ്ങളുടെ ആഗ്രഹപൂര്‍ത്തീകരണത്തിനുള്ള സാഹചര്യമുണ്ടാകുന്നതാണ്. വിവാഹാദികാര്യങ്ങളില്‍ വൈകാതെ തീരുമാനമുണ്ടാകുന്നതാണ്. ധനപരമായ കാര്യങ്ങളില്‍ വളരെ ഗുണാത്മക മാറ്റങ്ങള്‍ വന്നുചേരും. ബിസിനസ്സുകാര്‍ക്ക് വളരെ നേട്ടങ്ങള്‍ ഉണ്ടാകും. നൂതനമായ ആശയങ്ങള്‍ ആവിഷ്‌ക്കരിച്ചു നടപ്പിലാക്കുവാന്‍ അവസരമുണ്ടാകും. സ്വന്തം കഴിവും പരിശ്രമവും കൊണ്ട് ജീവിതത്തില്‍ വലിയ ഉയർച്ച, പുരോഗതി ഇവയൊക്കെ ഉണ്ടാകുന്നതാണ്. ആരോഗ്യകാര്യങ്ങളിലും ഗുണാത്മക മാറ്റങ്ങള്‍ കാണുന്നു. അസുഖങ്ങള്‍ ഉള്ളവര്‍ക്ക് ശമന സാധ്യതയാണു കാണുന്നത്. മധ്യപ്രായമെത്തിയവര്‍ കൂടുതലായി ശ്രദ്ധാജാഗ്രതകള്‍ പാലിക്കുന്നത് നല്ലത്. ദോഷപരിഹാരമായി സത്യനാരായണ പൂജ നടത്തുക.

തുലാം (ചിത്തിര 3/4, ചോതി, വിശാഖം 1/2)

അവിചാരിത തടസ്സങ്ങള്‍ പല കാര്യത്തിലും ഉണ്ടാകാം. ഉദ്ദേശിക്കുന്നതുപോലെ എല്ലാ കാര്യങ്ങളും നടക്കാനിടയില്ല. മനഃക്ലേശകരമായ ചില അവസരങ്ങള്‍ വരാം. സംഭാഷണത്തില്‍ വേണ്ട കരുതലും മിതത്വവും ശീലിക്കുക. ആലോചനയില്ലാതെയുള്ള സംസാരം പ്രണയകലഹങ്ങള്‍ക്ക് കാരണമാകാം. ധനപരമായ കാര്യങ്ങളില്‍ ശ്രദ്ധ വേണം. നഷ്ടങ്ങള്‍ വരാം. പുതിയ കാര്യങ്ങള്‍ തുടങ്ങാവുന്ന സമയമല്ല. ബിസിനസ്സുകാര്‍ വളരെ ശ്രദ്ധിക്കുക. ആരോഗ്യ പ്രശ്‌നങ്ങള്‍ കൊണ്ടും നിങ്ങളുടെ പ്രവൃത്തിമണ്ഡലത്തില്‍ മന്ദതകള്‍ അനുഭവപ്പെടാം. ധനനഷ്ടങ്ങള്‍, പാഴ്ചിലവുകള്‍ ഇതിനൊക്കെ സാധ്യത കാണുന്നതിനാല്‍ വളരെ ശ്രദ്ധയോടെ കാര്യങ്ങള്‍ ചെയ്യുക. ആരോഗ്യകാര്യങ്ങളിലും നല്ല ശ്രദ്ധ വേണം. തലവേദന, മൈഗ്രേന്‍ തുടങ്ങിയ അസ്വസ്ഥതകള്‍, നാഢീസംബന്ധമായ പ്രയാസങ്ങള്‍ ഇവ ഉണ്ടായേക്കാം. മദ്ധ്യപ്രായം പിന്നിട്ടവര്‍, അസുഖങ്ങള്‍ക്ക് ചികിത്സയുള്ളവര്‍ ഇവര്‍ ശ്രദ്ധിക്കണം. സഞ്ജീവനി പൂജ നടത്തുന്നത് ഉത്തമം.

വൃശ്ചിക കൂറ് (വിശാഖം 1/4, അനിഴം, തൃകേട്ട)

പ്രണയ കാര്യങ്ങളില്‍ തടസ്സങ്ങള്‍ കാണുന്നു. ഉദ്ദേശിക്കുന്ന രീതിയില്‍ എല്ലാ കാര്യങ്ങളും നടക്കണമെന്നില്ല. മനസ്സിന് ക്ലേശകരമായ ചില സാഹചര്യങ്ങളുണ്ടാകാം. പ്രണയ കലഹമുണ്ടാകാതെ സൂക്ഷിക്കുക. അഭിപ്രായ ഭിന്നതകള്‍ വാക്കുതര്‍ക്കത്തിലെത്താതെ സൂക്ഷ്മത പാലിക്കുക. സംഭാഷണങ്ങളില്‍ വളരെ കരുതലും മിതത്വവും ശീലിക്കുന്നത് നന്നായിരിക്കും. ധനപരമായ കാര്യങ്ങളില്‍ കൂടുതലായി ജാഗ്രത പാലിക്കണം. ധനനഷ്ടങ്ങള്‍ക്ക് സാധ്യത. കച്ചവടരംഗത്തുള്ളവര്‍ വളരെ ശ്രദ്ധാജാഗ്രതകള്‍ വച്ചുപുലര്‍ത്തുക. സാഹചര്യങ്ങള്‍ സൂക്ഷ്മമായി പഠിച്ചു മനസ്സിലാക്കു വേണം എന്തും ചെയ്യേണ്ടത്. പുതിയ കാര്യങ്ങള്‍ തുടങ്ങുന്നതിന് അനുകൂല സമയമല്ല. പാഴ്ചിലവുകള്‍ ഒഴിവാക്കുന്നതിനും ശ്രദ്ധിക്കുക. ആരോഗ്യകാര്യങ്ങളില്‍ അതീവ ജാഗ്രത വച്ചുപുലര്‍ത്തുക. അവിചാരിത രോഗദുരതങ്ങള്‍ക്ക് സാധ്യത കാണുന്നുണ്ട്. വാതസംബന്ധമായ അസ്വസ്ഥതകള്‍ ഉടലെടുക്കുന്നതിനിടയുണ്ടാകാം. മഹാമൃത്യുഞ്ജയ ഹോമം നടത്തുക.

ധനുക്കൂറ് (മൂലം, പൂരാടം, ഉത്രാടം 1/4)

ധനപരമായി എല്ലാ കാര്യങ്ങളിലും കൂടുതലായി ശ്രദ്ധിക്കുക. സാമ്പത്തികമായി നല്ല പുരോഗതി കൈവരിക്കുക. ഏതു കാര്യത്തിലും നന്നായി ശ്രദ്ധ വച്ചുപുലര്‍ത്തുക. പുതിയ സംരംഭങ്ങള്‍ തുടങ്ങുന്നതിന് അവസരമുണ്ടാകും. യാത്രാക്ലേശം, അലച്ചില്‍ ഇവ നിങ്ങളുടെ തൊഴിലിനെ ബാധിക്കാതെ ശ്രദ്ധിക്കണം. ആരോഗ്യപരമായ കാര്യങ്ങളില്‍ നല്ല ശ്രദ്ധ ഉണ്ടായിരിക്കുക. നൂതനമായ ചികിത്സകള്‍ സ്വീകരിക്കും. അസുഖങ്ങള്‍ക്ക് ചികിത്സ നടത്തുന്നവര്‍ ഒരു മാറ്റത്തെപറ്റി നന്നായി ആലോചിച്ചേക്കാം. എല്ലാ രീതിയിലും നല്ല ഗുണങ്ങള്‍ തീര്‍ച്ചയായും കൈവരുന്നതാണ്. പ്രണയ കാര്യങ്ങളില്‍ അനുകൂലമായ മാറ്റങ്ങള്‍ ഉണ്ടാകും. ഉദ്ദേശിക്കുന്ന രീതിയില്‍ കാര്യങ്ങള്‍ നടക്കും. സര്‍വ്വകാര്യങ്ങളിലും ഗുണാത്മകമായ പരിവര്‍ത്തനങ്ങള്‍ കാണും. സന്തോഷകരമായ സന്ദര്‍ഭങ്ങള്‍ വന്നുചേരും. പ്രണയസാഫല്യം ഉണ്ടാകുന്നതിനിടയുണ്ട്. വിവാഹാദി കാര്യങ്ങളില്‍ തീരുമാനമുണ്ടാകും. സത്യനാരായണ പൂജ നടത്തുക.

മകരക്കൂറ് (ഉത്രാടം 1/2, തിരുവോണം, അവിട്ടം 3/4)

പൊതുവെ അനുകൂലമായ മാറ്റങ്ങള്‍ എല്ലാ കാര്യത്തിലും ഉണ്ടാകും. പ്രേമകാര്യങ്ങളില്‍ പുരോഗതി കൈവരും. പുതിയ പ്രണയ ബന്ധങ്ങള്‍ക്ക് സാധ്യത കാണുന്നു. സംസാരത്തിലൂടെ അസ്വസ്ഥത ഉണ്ടാകാതെയിരിക്കുന്നതിന് നിങ്ങള്‍ കരുതലെടുക്കുക. വിവാഹാദി കാര്യങ്ങളില്‍ വൈകാതെ തന്നെ തീരുമാനമുണ്ടാകുന്നതിന് സാധ്യതയുണ്ട്. ധനപരമായി വളരെ ശ്രദ്ധ വച്ചുപുലര്‍ത്തുക. കര്‍മ്മരംഗത്ത്, പരാജയം, നഷ്ടം ഇവ ഉണ്ടാകാം. പാഴ്ചിലവുകള്‍ വര്‍ദ്ധിച്ചുവരുന്നതിനു സാധ്യത. പുതിയ മേഖലയില്‍ പ്രവര്‍ത്തനം വ്യാപിപ്പിച്ചേക്കും. എങ്കിലും അത് വളരെ സൂക്ഷ്മതയോടെ ചെയ്യേണ്ടതാണ്. വളരെ നന്നായി പഠിച്ചുവേണം ധനപരമായി പുതിയ സംരംഭം തുടങ്ങേണ്ടത്. ആരോഗ്യകാര്യങ്ങളില്‍ വളരെ ശ്രദ്ധ വച്ചുപുലര്‍ത്തുക. അവിചാരിതമായ രോഗവിഷമതകള്‍ വരാം. ഉദരവൈഷമ്യം, വാതസംബന്ധമായ പ്രയാസങ്ങള്‍ ഇവയൊകകെ വരാനിടയുണ്ട്, ശ്രദ്ധിക്കുക. ദോഷപരിഹാരമായി നവഗ്രഹശാന്തി നടത്തുക.

കുംഭക്കൂറ് (അവിട്ടം 3/4, ചതയം, പൂരുരുട്ടാതി 1/2)

അവിചാരിതമായ ചില പ്രയാസങ്ങള്‍ ഉടലെടുക്കുന്നതിനിടയുണ്ട്. സംസാരത്തിലെ പിശകുകള്‍ തെറ്റിദ്ധാരണയ്ക്കും മനോവേദനയ്ക്കും ഇടയാകാതെ ശ്രദ്ധിയ്ക്കുക. സംഭാഷണങ്ങളില്‍ നല്ല കരുതലും മിതത്വവും ശീലിക്കുക. വിവാഹാദികാര്യങ്ങളില്‍ കുറച്ചു മന്ദഗതി വരാം. ധനപരമായ കാര്യങ്ങള്‍ അതീവ ശ്രദ്ധയോടെ നടത്തുക. പുതിയ ചില ബിസിനസ്സുകള്‍ തുടങ്ങാനാലോചിക്കും. ശ്രദ്ധിച്ചു ചെയ്യണം. നഷ്ടങ്ങള്‍ക്കും, പ്രവര്‍ത്തനമാന്ദ്യത്തിനും സാധ്യത കാണുന്നു. ധനമിടപാടുകളില്‍ ജാഗ്രത പാലിച്ചില്ലെങ്കില്‍ ചില അബദ്ധങ്ങള്‍ സംഭവിച്ചേക്കാന്‍ സാധ്യത കാണുന്നു. നൂതനമായ ആശയങ്ങള്‍ ആവിഷ്‌ക്കരിച്ചു നടപ്പാക്കുന്നത് നല്ലതാണ്. ആരോഗ്യകാര്യങ്ങളില്‍ വളരെ ശ്രദ്ധ പാലിക്കുക. അസുഖങ്ങളുള്ളവര്‍ ശ്രദ്ധയോടെ പുതിയ ചികിത്സാരീതികള്‍ സ്വീകരിക്കുക. മധ്യപ്രായമെത്തിയവര്‍ വളരെ ജാഗ്രത പാലിക്കുക. ഒരു മഹാസഞ്ജീവനി പൂജ നടത്തുന്നത് ഉത്തമം.

മീനക്കൂറ് (പൂരുരുട്ടാതി 1/4, ഉതൃട്ടാതി, രേവതി)

സന്തോഷകരമായ അനുഭവങ്ങള്‍ ഉണ്ടാകും. ആഗ്രഹിക്കുന്ന രീതിയിലുള്ള പ്രണയ പുരോഗതി കൈവരിക്കും. പുതിയ പ്രേമ ബന്ധങ്ങള്‍ ഉണ്ടാകുന്നതിനും സാധ്യത. വിവാഹാദികാര്യങ്ങളിലെല്ലാം, ഉടനെ പ്രണയ സാഫല്യമുണ്ടാകുന്നതിനു സാധ്യത കാണുന്നുയ ധനപരമായ കാര്യങ്ങളില്‍ വളരെ ഗുണാത്മകമായ മാറ്റമുണ്ടാകും. സാമ്പത്തിക പുരോഗതി വന്നു ചേരും. കര്‍മ്മരംഗത്ത് നേട്ടങ്ങള്‍ ലഭിക്കും. പുതിയ പ്രവൃത്തി മേഖലയില്‍ പ്രവേശിക്കും. പുതിയ സംരംഭങ്ങള്‍ തുടങ്ങും. ബിസിനസ്സുകാര്‍ക്ക് കൂടുതല്‍ പുരോഗതിയിലേയ്ക്ക് വഴിതുറക്കാന്‍ കഴിയും. ധനമിടപാടുകളില്‍ വളരെ ശ്രദ്ധയുണ്ടായിരിക്കണം. ആരോഗ്യപരമായ കാര്യങ്ങളില്‍ അനുകൂലമായ മാറ്റങ്ങള്‍ കാണുന്നു. ശമനലക്ഷണങ്ങള്‍, ആശ്വാസ പ്രതീക്ഷകള്‍ ഇവ ഉണ്ടാകും. ആരോഗ്യകരമായ മാനസികാവസ്ഥ ശീലമാക്കും. മദ്ധ്യപ്രായമെത്തിയവര്‍ കൂടുതലായി ശ്രദ്ധ പാലിക്കുക. സകലവിധ ദോഷങ്ങളുടെയും പരിഹാരമായി ഒരു മഹാമൃത്യുഞ്ജയം നടത്തുക.