ഭാഗ്യദേവത കൂടെയുണ്ടാകും.. ഈ രാശിക്കാര്ക്കിനി 2 മാസത്തേക്ക് ആഡംബര ജീവിതം
ജ്യോതിഷത്തില് സൗഭാഗ്യത്തിന്റെയും അറിവിന്റെയും ഐശ്വര്യത്തിന്റെയും പ്രതീകമായാണ് വ്യാഴത്തെ കണക്കാക്കുന്നത്. ദേവഗുരു ബൃഹസ്പതിയാണ് വ്യാഴത്തിന്റെ പ്രതീകം. രാശിയിലേക്ക് മാറി മാറി സഞ്ചരിക്കുന്നത് പോലെ വ്യാഴം നക്ഷത്ര സംക്രമണവും നടത്താറുണ്ട്. വ്യാഴത്തിന്റെ ഓരോ നക്ഷത്രമാറ്റവും എല്ലാ രാശിക്കാരുടെയും വ്യക്തിജീവിതത്തിലും കരിയറിലും വലിയ സ്വാധീനം ചെലുത്താറുണ്ട്.
അത്തരത്തില് ഏറെ ദീര്ഘകാല ഫലങ്ങള് നല്കുന്ന ഒരു സുപ്രധാന നക്ഷത്ര സംക്രമണമാണ് ജൂണ് 18-ന് സംഭവിച്ചിരിക്കുന്നത്. പൂയം നക്ഷത്രത്തിലേക്ക് പ്രവേശിച്ചിരിക്കുകയാണ് വ്യാഴമിപ്പോള്. ഓഗസ്റ്റ് 18 വരെ വ്യാഴം പൂയം നക്ഷത്രത്തില് തന്നെ തുടരും. കര്മ്മത്തിന്റെയും നീതിയുടെയും ദേവനായ ശനി ഭരിക്കുന്ന നക്ഷത്രമാണ് പൂയം. അതുകൊണ്ട് തന്നെ വ്യാഴത്തിന്റെ ഈ പൂയം നക്ഷത്ര പ്രവേശം പരോക്ഷമായ ശനി-വ്യാഴ സംഗമത്തിനും വഴിതെളിയിക്കും.
ജ്യോതിഷത്തില് ഏറ്റവും ഐശ്വര്യപൂര്ണ്ണമായ നക്ഷത്രങ്ങളിലൊന്നായാണ് പൂയം കണക്കാക്കപ്പെടുന്നത്. ഈ പശ്ചാത്തലത്തില് ശനിയും വ്യാഴവും തമ്മിലുള്ള സംയോജനം ജ്യോതിഷപരമായി വലിയ പ്രാധാന്യമര്ഹിക്കുന്നുണ്ട്. ഭൗതിക സുഖങ്ങള്ക്കൊപ്പം ആത്മീയമായ വലിയ ഉണര്വും നല്കാന് ഈ കാലയളവില് ചില രാശിക്കാര്ക്ക് സാധിക്കും. ഏതൊക്കെയാണ് ആ ഭാഗ്യരാശികള് എന്ന് നമുക്ക് നോക്കാം.
മിഥുനം
വ്യാഴത്തിന്റെ പൂയം നക്ഷത്രത്തിലേക്കുള്ള സംക്രമണം മിഥുനം രാശിക്കാര്ക്ക് അനുകൂലമായിരിക്കും. ഈ രാശിക്കാരുടെ വരുമാന സ്രോതസുകള് വര്ധിക്കുകയും അപ്രതീക്ഷിതമായി കൈകളില് ധനം വന്നുചേരുകയും ചെയ്യും. ബിസിനസ് ആരംഭിക്കാന് ആഗ്രഹിക്കുന്നവര്ക്ക് ഏറ്റവും അനുയോജ്യമായ സമയമാണിത്. ഈ രാശിക്കാരുടെ കുടുംബജീവിതത്തില് വലിയ രീതിയിലുള്ള സമാധാനവും സന്തോഷവും അനുഭവപ്പെടും.
കുടുംബാംഗങ്ങള് തമ്മിലുള്ള ഒത്തൊരുമ വര്ധിക്കുകയും ദീര്ഘകാലത്തെ ഭിന്നതകള് പരിഹരിക്കപ്പെടുകയും ചെയ്യും. സമൂഹത്തില് നിങ്ങള്ക്കുള്ള ബഹുമാനവും പദവിയും വര്ധിക്കും. ദീര്ഘകാലമായി മുടങ്ങിക്കിടന്ന ചില സുപ്രധാന ജോലികള് രണ്ട് മാസത്തിനുള്ളില് വിജയകരമായി പൂര്ത്തിയാക്കാന് സാധിക്കുന്നതാണ്.
കര്ക്കടകം
കര്ക്കടകം രാശിക്കാര്ക്ക് വ്യാഴത്തിന്റെ പൂയം നക്ഷത്രത്തിലേക്കുള്ള സംക്രമണം ഗുണം ചെയ്യും. ജോലിയില് സ്ഥാനക്കയറ്റത്തിനും ശമ്പള വര്ധനവിനും സാധ്യത കാണുന്നു. പുതിയ ജോലി തേടുന്ന ഉദ്യോഗാര്ത്ഥികള്ക്ക് ഈ സമയത്ത് മികച്ച അവസരങ്ങള് വന്ന് ചേരും. കര്ക്കടക രാശിക്കാരുടെ ദാമ്പത്യ ജീവിതത്തിലേക്ക് ഒട്ടേറെ നല്ല മാറ്റങ്ങള് കടന്നുവരുന്ന സമയമാണിത്.
ഏറെ നാളായി കുട്ടികളില്ലാതെ വിഷമിക്കുന്ന ദമ്പതികള്ക്ക് സന്താനഭാഗ്യം വന്നുചേരും. പുതിയ വീടോ മറ്റ് വസ്തുവകകളോ വാങ്ങാന് അനുയോജ്യമായ സമയമാണ് എന്ന് കാണുന്നു. ഏത് കാര്യം ചെയ്യുമ്പോഴും കുടുംബക്കാരുടെയും സുഹൃത്തുക്കളുടെയും ഭാഗത്തുനിന്നും മികച്ച പിന്തുണ ലഭിക്കും.
മകരം
മകരം രാശിക്കാര്ക്ക് വ്യാഴത്തിന്റെ പൂയം നക്ഷത്രത്തിലേക്കുള്ള സംക്രമണം അനുകൂലമായിരിക്കും. ഇവരുടെ ദാമ്പത്യ ജീവിതത്തില് സമാധാനവും പോസിറ്റീവായ നല്ല മാറ്റങ്ങളും കൊണ്ടുവരാന് വ്യാഴത്തിന്റെ ഈ സംക്രമണം സഹായിക്കും. ദമ്പതികള് തമ്മിലുള്ള അഭിപ്രായവ്യത്യാസങ്ങള് അവസാനിക്കുകയും പരസ്പര ബന്ധം കൂടുതല് ശക്തിപ്പെടുകയും ചെയ്യും. പങ്കാളിത്ത ബിസിനസുകളില് പ്രവര്ത്തിക്കുന്നവര്ക്ക് സാമ്പത്തിക നേട്ടങ്ങള് കൊയ്യാന് സാധിക്കും.
ഈ രണ്ട് മാസക്കാലയളവിനുള്ളില് കുടുംബാംഗങ്ങളോടൊപ്പം സുഖയാത്രകളോ തീര്ത്ഥ യാത്രകളോ പ്ലാന് ചെയ്യാന് സാധിക്കുന്നതാണ്. കുടുംബത്തോടൊപ്പം ദീര്ഘ സമയം ചെലവഴിക്കുന്നതിന് സാധിക്കും. സാമ്പത്തിക ഭദ്രത ഉറപ്പാക്കാന് സഹായിക്കുന്ന മികച്ച നിക്ഷേപങ്ങള് ഇപ്പോള് നടത്താവുന്നതാണ്. പ്രണയ ബന്ധങ്ങളില് അനുകൂലമായ മാറ്റങ്ങള് ഈ കാലയളവില് ഉണ്ടാകും.
മീനം
വ്യാഴത്തിന്റെ പൂയം നക്ഷത്രത്തിലേക്കുള്ള സംക്രമണം മീനം രാശിക്കാര്ക്ക് ഗുണം ചെയ്യും. ഏറെ കാലമായി ആഗ്രഹിക്കുന്ന സ്വന്തമായി ഒരു വീട് എന്ന സ്വപ്നം സാക്ഷാത്കരിക്കപ്പെടും. ഉന്നത വിദ്യാഭ്യാസത്തിനായി വിദേശത്തേക്ക് പോകാന് ശ്രമം നടത്തുന്ന വിദ്യാര്ത്ഥികള്ക്ക് ആഗ്രഹിച്ച കോഴ്സുകളില് പ്രവേശനം ലഭിക്കും.
Click it and Unblock the Notifications
Sign in with Google