ആഗ്രഹിച്ചതെന്തും നടക്കും, പുത്തന്വീടും കാറും സ്വന്തമാക്കും; ഈ രാശിക്കാരാണോ?
ജ്യോതിഷത്തില് എല്ലാ ഗ്രഹങ്ങള്ക്കും അവയുടെ രാശി മാറ്റങ്ങള്ക്കും വലിയ പ്രാധാന്യമാണ് കല്പിച്ച് നല്കിയിരിക്കുന്നത്. എല്ലാ ഗ്രഹങ്ങളും കാലാകാലങ്ങളില് രാശിയിലേക്കും നക്ഷത്രത്തിലേക്കും മാറാറുണ്ട്. ഗ്രഹ സംക്രമണം എന്നാണ് ഗ്രഹങ്ങളുടെ ഈ സഞ്ചാരത്തെ വിശേഷിപ്പിക്കുന്നത്. ഗ്രഹ സംക്രമണം എല്ലാ രാശിക്കാരേയും ബാധിക്കും. എന്നാല് വ്യത്യസ്ത തരത്തിലായിരിക്കും എന്ന് മാത്രം.
ചില രാശിക്കാര്ക്ക് ഗ്രഹ സംക്രമണം ഏറെ ഗുണം ചെയ്യും. എന്നാല് മറ്റ് ചില രാശിക്കാരെ സംബന്ധിച്ചിടത്തോളം ഇത് വിപരീത ഫലമായിരിക്കും സമ്മാനിക്കുന്നത്. ജ്യോതിഷ പ്രകാരം ഗ്രഹങ്ങള് ഒമ്പത് എണ്ണമാണ് ഉള്ളത്. സൂര്യന്, ചന്ദ്രന്, ചൊവ്വ, ബുധന്, വ്യാഴം, ശുക്രന്, ശനി, രാഹു, കേതു എന്നിവയാണ് അവ. ഇവയില് ആദ്യത്തെ ഏഴ് ഗ്രഹങ്ങള് ഭൗതികമായി നിലവിലുള്ളവയാണ്.
രാഹുവും കേതുവും ജ്യോതിഷപരമായ സങ്കല്പ്പങ്ങളാണ്. ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കിടകം എന്നിങ്ങനെയാണ് 12 രാശികള്. അശ്വതി, ഭരണി, കാര്ത്തിക, രോഹിണി, മകയിരം, തിരുവാതിര, പുണര്തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിവയാണ് 27 നക്ഷത്രങ്ങള്.
ജ്യോതിഷ പ്രകാരം ഏറെ സവിശേഷതകളുള്ള ഗ്രഹങ്ങളാണ് കേതുവും ശുക്രനും. കേതു ഒരാളുടെ ജാതകത്തില് ശുഭസ്ഥാനത്താണെങ്കില് അവര്ക്ക് വലിയ നേട്ടങ്ങള് കൈവരിക്കാനാകും. സമ്പത്തിന്റേയും ഐശ്വര്യത്തിന്റേയും സമൃദ്ധിയുടേയും കാരകനായ ശുക്രന് ജാതകത്തില് ശുഭ സ്ഥാനത്ത് വന്നാലും ഇതേ ഫലമാണ് പ്രകടമാകുക. അപ്പോള് ഈ രണ്ട് ഗ്രഹങ്ങളും ഒരേ രാശിയില് സംഗമിച്ചാലോ.
അത്തരമൊരു സാഹചര്യമാണ് ഇപ്പോള് രൂപപ്പെട്ടിരിക്കുന്നത്. ചിങ്ങം രാശിയില് ആണ് 18 വര്ഷത്തിന് ശേഷം കേതു ശുക്ര സംയോഗം ഉണ്ടാകുന്നത്. ഇത് എല്ലാ വ്യക്തികളുടേയും ജീവിതത്തെ സ്വാധീനിക്കും. എന്നാല് ചില രാശിക്കാര്ക്ക് ഇത് വലിയ ഭാഗ്യം കൊണ്ടുവരും. ഏതെല്ലാം രാശിക്കാര്ക്കാണ് ഈ ഭാഗ്യം ഉണ്ടാകുന്നതെന്നും അത് അങ്ങനെ പ്രതിഫലിക്കും എന്നും നോക്കാം...
വൃശ്ചികം
ചിങ്ങം രാശിയിലെ കേതു ശുക്ര സംയോഗം വൃശ്ചികം രാശിക്കാര്ക്ക് അനുകൂലമായിരിക്കും. ജോലിയില് സ്ഥാനക്കയറ്റവും ശമ്പള വര്ധനവും ഉറപ്പിക്കാം. ആഗ്രഹിച്ച സ്ഥലത്തേക്ക് ട്രാന്സ്ഫറും പ്രതീക്ഷിക്കാം. ജോലി സംബന്ധമായ ആവശ്യങ്ങള്ക്കായി വിദേശ യാത്രകള് നടത്തേണ്ടി വന്നേക്കാം. കരിയറില് വലിയ ഉയരത്തിലെത്തും. കലാ കായിക മേഖലകളില് പ്രവര്ത്തിക്കുന്നവര്ക്ക് ആഗ്രഹിച്ച പേരും പ്രശസ്തിയും വന്നെത്തും.
കര്ക്കടകം
ചിങ്ങം രാശിയിലെ കേതു ശുക്ര സംയോഗം കര്ക്കടകം രാശിക്കാര്ക്ക് ശുഭകരമായിരിക്കും. ഏറെ നാളത്തെ പ്രണയ ബന്ധം വിവാഹ ജീവിതത്തിലേക്ക് വഴി മാറും. അപ്രതീക്ഷിത സാമ്പത്തിക നേട്ടങ്ങള് നിങ്ങളെ തേടിയെത്തും. മുന്കാല നിക്ഷേപങ്ങളില് നിന്ന് വലി. ലാഭം ഉണ്ടാകും. ഇത് നിങ്ങളുടെ ആസ്തി വര്ധിക്കാന് കാരണമാകും. കുടുംബത്തിലെ മുതിര്ന്ന അംഗങ്ങളുടെ ആരോഗ്യം സ്ഥിരമായിരിക്കും.
ഇടവം
ഇടവം രാശിക്കാര്ക്ക് ചിങ്ങം രാശിയിലെ കേതു ശുക്ര സംയോഗം ഗുണം ചെയ്യും. ഏത് കാര്യം ചെയ്യുമ്പോഴും ഭാഗ്യദേവതയുടെ കടാക്ഷമുണ്ടാകും. അതിനാല് ലോട്ടറി പോലുള്ള ഭാഗ്യപരീക്ഷണങ്ങളില് ഏര്പ്പെടാവുന്നതാണ്. പഴയ വാഹനം മാറ്റി പുതിയ വാഹനം സ്വന്തമാക്കും. കുടുംബത്തില് വിവാഹം പോലുള്ള മംഗള കര്മ്മങ്ങള് നടക്കാന് സാധ്യത കാണുന്നു. ആസ്തിയില് വര്ധനവുണ്ടാകും.
ധനു
ചിങ്ങം രാശിയിലെ കേതു ശുക്ര സംയോഗം ധനു രാശിക്കാര്ക്ക് അനുകൂലമായിരിക്കും. പുതിയ വരുമാന സ്രോതസുകള് രൂപപ്പെടും. പലവഴിക്ക് പണം കൈയിലെത്തും. വസ്തു സംബന്ധമായ ഇടപാടുകളില് നിന്ന് നേട്ടം കൊയ്യാം. സാമ്പത്തിക സുരക്ഷിതത്വം ഉണ്ടാകും. ബിസിനസില് ഉയര്ച്ചയുണ്ടാകും.
Click it and Unblock the Notifications
Sign in with Google