ഡിസംബർ നിങ്ങളുടെ ഭാഗ്യ മാസമാണോ? ഈ നാളുകാർക്ക് ഗുണവും ദോഷവും, മാസഫലം അറിയാം
2022 വർഷം അവസാനിക്കാൻ ഇനി ദിവസങ്ങൾ മാത്രമാണ് ബാക്കിയുളളത്. 2022 ചിലർക്ക് സന്തോഷത്തിന്റെ വർഷമായിരുന്നിരിക്കാം. ചിലർക്ക് പ്രതീക്ഷിച്ചത് പോലെ കാര്യങ്ങൾ നടന്ന് കാണില്ല. അവർ 2023ലേക്ക് ഉറ്റുനോക്കുന്നുണ്ടാകും പുതിയ പ്രതീക്ഷകളോടെ.
2022 അവസാനിക്കുമ്പോൾ ഈ അവസാന മാസമായ ഡിസംബർ നാൾ പ്രകാരം നിങ്ങൾക്ക് എങ്ങനെ ഉണ്ടാകും എന്ന് അറിയണ്ടേ? ഡിസംബർ മാസഫലം വിശദമായി വായിക്കാം.
മേടക്കൂറ് (അശ്വതി, ഭരണി, കാര്ത്തിക 1/4)
പൊതുവെ ഗുണദോഷ സമ്മിശ്രമായിരിക്കും. സാമ്പത്തികമായി മന്ദത അനുഭവപ്പെടും. പുതിയ തൊഴിലിനു ശ്രമിക്കുന്നത് ഫലപ്രദമാവാന് കാലതാമസമെടുക്കും. ഉദ്യോഗസ്ഥര്ക്ക് അനുകൂലമായ ചില മാറ്റങ്ങള് ഉണ്ടാകും. വിദ്യാര്ത്ഥികള്ക്ക് ആഗ്രഹിക്കുന്ന പഠനപുരോഗതിയുണ്ടാകും. വിവാഹാലോചനകളില് തീരുമാനമുണ്ടാകും. പുതിയ സംരംഭങ്ങള് തുടങ്ങുന്നതിനു കഴിയും. യാത്രാക്ലേശം, അലച്ചില് ഇവ ഉണ്ടാകുന്നതിനിടയുണ്ട്. സമഗ്രമായി സൂര്യരാശിചിന്ത ചെയ്ത് ഉചിത പ്രതിവിധി കാണുക.
ഇടവക്കൂറ് (കാര്ത്തിക 3/4, രോഹിണി, മകയിരം 1/2)
പൊതുവെ അനുകൂലമായ മാറ്റങ്ങള് പലതുമുണ്ടാകും. തൊഴില്രംഗത്ത് നേട്ടങ്ങള് വന്നുചേരും. സാമ്പത്തിക പുരോഗതി ഉണ്ടാകും. പ്രവര്ത്തന രംഗത്ത് പലവിധ നേട്ടങ്ങള് വന്നുഭവിക്കും. വിദ്യാര്ത്ഥികള്ക്ക് നല്ല പുരോഗതിയുണ്ടാകും. ധനപരമായി നല്ല അനുഭവങ്ങള് ഉണ്ടാകും. ഉദ്യോഗസ്ഥര്ക്ക് അനുകൂലമായ അന്തരീക്ഷം നിലനില്ക്കും. സ്വയംതൊഴില് ചെയ്യുന്നവര്ക്ക് വളരെ നേട്ടങ്ങള് വന്നുചേരുന്നതാണ്. വിവാഹാലോചനകളില് തീരുമാനമാകും. സമഗ്രമായ രാശിചിന്ത ചെയ്ത് ഉചിത പ്രതിവിധി കാണുക.
മിഥുനക്കൂറ് (മകയിരം 3/4, തിരുവാതിര, പുണര്തം 1/2)
ഗുണദോഷ സമ്മിശ്രാവസ്ഥ അനുഭവപ്പെടും. തൊഴില്പരമായി ചില നേട്ടങ്ങള് അനുഭവത്തില്വരാനുള്ള സാധ്യതയുണ്ട്. ഏതു കാര്യത്തിലും ഒരു ഗുണാത്മകമായ പരിവര്ത്തനമുണ്ടാകും. നൂതന സംരംഭങ്ങള്ക്ക് തുടക്കം കുറിക്കും. വിദ്യാര്ത്ഥികള്ക്ക് അനുകൂലമായ മാറ്റങ്ങള് പലതുമുണ്ടാകുന്നതിനു സാധ്യത കാണുന്നു. ഗൃഹനിര്മ്മാണം പൂര്ത്തീകരിച്ച് താമസം തുടങ്ങുവാന് സാധിക്കും. നൂതന ഗൃഹോപകരണങ്ങള് വാങ്ങും. ആരോഗ്യ കാര്യങ്ങള് വളരെ ശ്രദ്ധയുണ്ടായിരിക്കുക.
കര്ക്കടകക്കൂറ് (പുണര്തം 1/4, പൂയം, ആയില്യം)
പൊതുവെ വിഷമകരമായ ചില മാറ്റങ്ങള് ഉണ്ടാകും. തൊഴില്രംഗത്ത് ചില തടസ്സങ്ങള് ഉണ്ടായേക്കാം. പ്രതികൂലമായ സാമ്പത്തികസ്ഥിതി അനുഭവപ്പെടും. ഏതു കാര്യത്തിലും വളരെ ശ്രദ്ധ പാലിക്കുക. യാത്രാക്ലേശം, അലച്ചില് ഇവ അനുഭവപ്പെട്ടേക്കാം. വിദ്യാര്ത്ഥികള്ക്ക് കൂടുതല് തീവ്രമായ പരിശ്രമം ആവശ്യമാണ്. വിവാഹാലോചനകളില് തീരുമാനം വൈകും. ഉദ്യോഗസ്ഥര്ക്ക് പ്രതികൂലമാണ് സ്ഥലംമാറ്റങ്ങള്, സ്ഥാനഭ്രംശം ഇവയൊക്കെ ഉണ്ടാകുന്നതിനു സാധ്യതയുണ്ട്. ദോഷപരിഹാരമായി ഒരു സത്യനാരായണ പൂജ നടത്തുക.
ചിങ്ങക്കൂറ് (മകം, പൂരം, ഉത്രം 1/4)
പലവിധ കാര്യതടസ്സങ്ങള് വരാം. തൊഴില് രംഗത്ത് മന്ദത നിലനില്ക്കുന്നതാണ്. ഉദ്ദേശിക്കുന്ന രീതിയില് കാര്യങ്ങള് മുന്നോട്ടു നീങ്ങണമെന്നില്ല. യാത്രാക്ലേശം, അലച്ചില് ഇവ ഉണ്ടാകുന്നതിനു സാധ്യത. വിദ്യാര്ത്ഥികള്ക്ക് പലവിധ മന്ദതകള് അനുഭവപ്പെടും. ഏതു കാര്യത്തിലും ഒരു ഉത്സാഹക്കുറവ് ഉണ്ടാകും. ഉദ്യോഗസ്ഥര്ക്ക് യാത്രാക്ലേശം, അലച്ചില് ഇവ വര്ദ്ധിക്കും. ആരോഗ്യ കാര്യങ്ങളില് പ്രത്യേകമായി ജാഗ്രത പാലിക്കേണ്ടതാണ്. ഒരു നവഗ്രഹശാന്തി നടത്തുന്നത് ഉത്തമം.
കന്നിക്കൂറ് (ഉത്രം 3/4, അത്തം, ചിത്തിര 1/2)
ഗുണദോഷ സമ്മിശ്രസ്ഥിതി തുടരും. മാനസിക വിഷമതകള് വര്ദ്ധിച്ചേക്കും. നൂതന സംരംഭങ്ങള് തുടങ്ങാവുന്ന സമയമല്ല. യാത്രാവസരങ്ങളില് ധനനഷ്ടസാധ്യത കാണുന്നു. ഏതു കാര്യത്തിലും വളരെ ജാഗ്രത പാലിക്കുക. വിദ്യാര്ത്ഥികള്ക്ക് മുന്നോട്ടു പോകുവാന് കൂടുതല് ജാഗ്രത ആവശ്യമാണ്. ഉദ്യോഗസ്ഥര്ക്ക് പലവിധ പ്രയാസങ്ങള് ഉണ്ടായേക്കാം. വിവാഹാലോചനകള് മന്ദഗതിയില് മാത്രം നീങ്ങുന്നതായിരിക്കും. സമഗ്രമായി രാശിചിന്ത ചെയ്ത് ഉചിത പ്രതിവിധി കാണുക.
തുലാക്കൂറ് (ചിത്തിര 3/4, ചോതി, വിശാഖം 1/2)
ഗുണദോഷ സമ്മിശ്രാവസ്ഥ നിലനില്ക്കും. താമസസ്ഥലത്ത് അഭിവൃദ്ധി കൈവരും. മനസ്സിനു സന്തോഷകരമമായ അനുഭവങ്ങളുണ്ടാകും. പുതിയ ഗൃഹനിര്മ്മാണം ഉടനെ ആരംഭിക്കുന്നതാണ്. വസ്തു വാഹനാദികള് വാങ്ങുന്നതിന് അവസരമുണ്ടാകും. ഏതു കാര്യത്തിലും വളരെ ശ്രദ്ധ ആവശ്യമായി വരും. നൂതന സംരംഭങ്ങള്ക്ക് തുടക്കം കുറിക്കുന്നതിനു സാധിക്കും. വിദ്യാര്ത്ഥികള്ക്ക് കൂടുതല് പുരോഗതിയുണ്ടാകും. ഉദ്യോഗസ്ഥര്ക്ക് നേട്ടങ്ങള് പ്രതീക്ഷിക്കാം. ശിവന് ധാര നടത്തുക.
വൃശ്ചികം (വിശാഖം 1/4, അനിഴം, തൃക്കേട്ട)
ഉദ്ദേശിക്കുന്ന രീതിയില് എല്ലാ കാര്യങ്ങളും നടക്കണമെന്നില്ല. അപ്രതീക്ഷിതമായ തടസ്സങ്ങള്, ബുദ്ധിമുട്ടുകള് ഇവ ഉണ്ടായേക്കാം. കര്മ്മരംഗത്ത് പലവിധ പ്രതികൂലാവസ്ഥകള് ഉണ്ടാകുന്നതിനിടയുണ്ട്. യാത്രാക്ലേശം, അലച്ചില് ഇവ വര്ദ്ധിച്ചുവരും. പരീക്ഷകള് പ്രതീക്ഷിക്കുന്നതിലും ഭംഗിയായി നേരിടേണ്ടതായി വരും. പുതിയ ജോലിക്കു ശ്രമിക്കുന്നവര്ക്ക് ഉടനെ അതു സാധിക്കുന്നതാണ്. പൊതുവെ സര്വ്വകാര്യ വിജയത്തിനുവേണ്ടി ദുര്ഗ്ഗാദേവിയ്ക്ക് നെയ്യ് വിളക്ക്, പുഷ്പാഞ്ജലി ഇവ 12 ദിവസം നടത്തുക.
ധനുക്കൂറ് (മൂലം, പൂരാടം, ഉത്രാടം 1/4)
ഗുണകരമായ മാറ്റങ്ങള് ഉണ്ടാകും. തൊഴില് രംഗത്ത് നേട്ടങ്ങള് കൈവരിക്കും. പുതിയ ജോലിക്കു ശ്രമിച്ചാല് നടക്കും. വിദേശത്തും മറ്റും ജോലി ചെയ്യുന്നവര്ക്ക് അപൂര്വ്വ നേട്ടങ്ങള് ഉണ്ടാകും. നൂതന സംരംഭങ്ങള് തുടങ്ങുന്നതിനു സാധിക്കും. ധനപരമായ പുരോഗതി ഉണ്ടാകും. കുടുംബത്തില് സന്തോഷം കൈവരും. വിവാഹാലോചനകളില് ഉടനെ തന്നെ തീരുമാനമുണ്ടാകുംയ സാമ്പത്തികമായി നേട്ടങ്ങള് കൈവരിക്കും. മനസ്സിനു സന്തോഷമുണ്ടാകും. സര്വ്വകാര്യ വിജയത്തിനായി ജയദുര്ഗ്ഗാപൂജ നടത്തുക.
മകരക്കൂറ് (ഉത്രാടം 1/2, തിരുവോണം, അവിട്ടം 3/4)
അനുകൂല സമയമല്ല. ഉദ്ദേശിക്കുന്നതുപോലെ കാര്യങ്ങളെല്ലാം നടക്കണമെന്നില്ല. യോജിച്ചുള്ള പ്രവര്ത്തനത്തിലൂടെ തടസ്സങ്ങളെ മറികടക്കാന് കഴിയും. ജോലിയില് ചില പ്രശ്നങ്ങള് ഉണ്ടാകാം. ധന നഷ്ടങ്ങള് ഇച്ഛാഭംഗം, മനഃക്ലേശം ഇതിനൊക്കെ സാധ്യത കാണുന്നു. ഗൃഹനിര്മ്മാണം നടത്തുന്നവര് അതിവ്യയമുണ്ടാകാതെ സൂക്ഷിക്കുക. ഏതു കാര്യത്തിലും വളരെ സൂക്ഷ്മത പാലിക്കുക. ധനപരമായ ഇടപാടുകള് ശ്രദ്ധയോടെ ചെയ്യുക. ഒരു നവഗ്രഹ ശാന്തി നടത്തുന്നത് ഉത്തമം.
കുംഭക്കൂറ് (അവിട്ടം 3/4, ചതയം, പൂരുരുട്ടാതി 1/2)
ഗുണദോഷ സമ്മിശ്രാവസ്ഥയുണ്ടാകും. തൊഴിലില് വേണ്ടത്ര പുരോഗതിയുണ്ടാകില്ല. ധനപരമായ നഷ്ടങ്ങള് വരാം. പുതിയ ജോലി ലഭിക്കുന്നതിനു തടസ്സങ്ങളുണ്ടാകും. വിദേശരാജ്യങ്ങളില് പ്രവൃത്തി ചെയ്യുന്നവര് വളരെ ശ്രദ്ധ പാലിക്കുക. വിദ്യാര്ത്ഥികള്ക്ക് പഠന പുരോഗതി യില് മന്ദത വരും. ഉദ്യോഗസ്ഥര്ക്കും പലവിധ ബുദ്ധിമുട്ടുകള്, സ്ഥാനമാറ്റം ഇവയൊക്കെ ഉണ്ടാകുന്നതിനു സാധ്യത കാണുന്നു. സമ്പൂര്ണ്ണമായി സൂര്യരാശി വിചിന്തനം നടത്തി വേണ്ട പ്രതിവിധി ചെയ്യുക.
മീനക്കൂറ് (പൂരുരുട്ടാതി 1/4, ഉതൃട്ടാതി, രേവതി)
പൊതുവെ തൊഴില് രംഗത്ത് ഗുണാത്മകമായ മാറ്റങ്ങള് പലതും ഉണ്ടാകുന്നതാണ്. പുതിയ ജോലി ലഭിക്കും. നൂതന സംരംഭങ്ങള്ക്ക് തുടക്കം കുറിക്കുവാന് കവിയും. സാമ്പത്തിക നേട്ടങ്ങള് കൈവരിക്കും. ഗൃഹനിര്മ്മാണം പൂര്ത്തീകരിച്ച് താമസം തുടങ്ങുന്നതിനു സാധിക്കും. വസ്തുവാഹനാദികള് വാങ്ങുന്നതാണ്. വിദ്യാര്ത്ഥികള്ക്ക് അനുകൂലമായ കാലഘട്ടമാണ്. ഉദ്യോഗസ്ഥര്ക്കും പലവിധ പ്രയോജനങ്ങള് ഉണ്ടാകുന്നതായി കാണുന്നു.
Click it and Unblock the Notifications
Sign in with Google