ശ്രാവണ പൂര്ണിമ ഇന്ന്; ഈ രാശിക്കാരുടെ നല്ലകാലം തെളിഞ്ഞു, അളവറ്റ ധനം കൈയിലേക്ക്...
എല്ലാ ഗ്രഹങ്ങള്ക്കും അവയുടെ രാശി മാറ്റങ്ങള്ക്കും ജ്യോതിഷത്തില് വലിയ പ്രാധാന്യമാണ് കല്പിച്ച് നല്കിയിരിക്കുന്നത്. ജ്യോതിഷ പ്രകാരം ഗ്രഹങ്ങള് ഒമ്പത് എണ്ണമാണ് ഉള്ളത്. സൂര്യന്, ചന്ദ്രന്, ചൊവ്വ, ബുധന്, വ്യാഴം, ശുക്രന്, ശനി, രാഹു, കേതു എന്നിവയാണ് അവ. ഇവയില് ആദ്യത്തെ ഏഴ് ഗ്രഹങ്ങള് ഭൗതികമായി നിലവിലുള്ളവയാണ്. രാഹുവും കേതുവും ജ്യോതിഷപരമായ സങ്കല്പ്പങ്ങളാണ്.
ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കിടകം എന്നിങ്ങനെയാണ് 12 രാശികള്. നക്ഷത്രങ്ങള് 27 എണ്ണമാണ്. അശ്വതി, ഭരണി, കാര്ത്തിക, രോഹിണി, മകയിരം, തിരുവാതിര, പുണര്തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിവയാണ് അവ.
ഹൈന്ദവ വിശ്വാസത്തില് ഏറെ പ്രാധാന്യമുള്ള ദിനങ്ങളിലൊന്നാണ് ശ്രാവണ പൂര്ണിമ. ഹിന്ദു കലണ്ടറിലെ ശ്രാവണ മാസത്തിലെ വെളുത്ത പക്ഷത്തിലെ പൗര്ണമി നാളാണ് ശ്രാവണ പൂര്ണിമ അഥവാ സാവന് പൂര്ണിമ ആഘോഷിക്കുന്നത്. ശ്രാവണ മാസത്തിലെ അവസാനത്തെ തിഥിയാണിത്. ഉത്തരേന്ത്യയിലും മറ്റും സ്നേഹത്തിന്റെയും സഹോദര്യത്തിന്റെയും പ്രതീകമായ രക്ഷാബന്ധന് ഉത്സവം ആഘോഷിക്കുന്നത് ഈ പൗര്ണമി നാളിലാണ്.
ഈ വര്ഷത്തെ ശ്രാവണ പൂര്ണിമ ആഘോഷിക്കുന്നത് ഓഗസ്റ്റ് 28-ാം തീയതി, അതായത് ഇന്നാണ്. ഗായത്രി ജയന്തി, നരാളി പൂര്ണിമ തുടങ്ങിയ പ്രധാനപ്പെട്ട പല ഹൈന്ദവ ആചാരങ്ങളും ഒരേ ദിവസം തന്നെയാണ് വരുന്നത്. ഇന്ന് രാവിലെ 9:48-ഓടെ പൂര്ണിമ തിഥി അവസാനിക്കും. ജ്യോതിഷപ്രകാരം, ദിവസത്തിന്റെ ഭൂരിഭാഗം സമയവും ചന്ദ്രന് കുംഭം രാശിയിലും ചതയം നക്ഷത്രത്തിലുമായിരിക്കും സ്ഥിതി ചെയ്യുന്നത്.
അതുകൊണ്ട് തന്നെ ജ്യോതിഷ പ്രകാരവും ഏറെ സവിശേഷതയുള്ള ദിവസമാണ് ഇന്ന്. ശ്രാവണ പൂര്ണിമ ചില രാശിക്കാര്ക്ക് സാമ്പത്തിക പുരോഗതി, ഗാര്ഹിക സുഖം, അല്ലെങ്കില് പ്രിയപ്പെട്ടവരില് നിന്നുള്ള പിന്തുണ എന്നിവ ലഭിക്കാനുള്ള അവസരം ഒരുക്കിയേക്കാം. ഏതൊക്കെയാണ് ആ ഭാഗ്യരാശിക്കാര് എന്നും എന്തെല്ലാം നേട്ടങ്ങളാണ് ഇവര്ക്ക് ലഭിക്കുക എന്നും നോക്കാം...
മേടം
ശ്രാവണ പൂര്ണിമ മേടം രാശിക്കാര്ക്ക് അനുകൂലമായിരിക്കും. സാമ്പത്തിക കാര്യങ്ങളില് പുരോഗതിയുണ്ടാകാം. വരുമാനം, സൗഹൃദങ്ങള്, ദീര്ഘകാല ആഗ്രഹങ്ങള് എന്നിവയുമായി ബന്ധപ്പെട്ട മേഖലകളെ കുംഭം രാശിയിലെ ചന്ദ്രന് ഉത്തേജിപ്പിക്കുന്നു. മുടങ്ങിക്കിടന്ന പണമിടപാട് മുന്നോട്ട് നീങ്ങിയേക്കാം. സുഹൃത്തില് നിന്നോ തൊഴില്പരമായ ബന്ധത്തില് നിന്നോ പുതിയൊരു തൊഴിലവസരത്തെക്കുറിച്ചുള്ള വിവരം ലഭിച്ചേക്കാം.
മിഥുനം
മിഥുനം രാശിക്കാര്ക്ക് ശ്രാവണ പൂര്ണിമ ഗുണം ചെയ്യും. സാമ്പത്തിക ലക്ഷ്യങ്ങള് അവലോകനം ചെയ്യാന് ഇത് നല്ല സമയമാണ്. മുതിര്ന്ന സഹപ്രവര്ത്തകന്റെയോ സ്വാധീനമുള്ള വ്യക്തിയുടെയോ സഹായത്തോടെ ഒരു പ്രധാന പദ്ധതി മുന്നോട്ട് കൊണ്ടുപോകാന് നിങ്ങള്ക്ക് കഴിഞ്ഞേക്കും. ഈ രാശിക്കാര്ക്ക് ഏത് കാര്യം ചെയ്യുമ്പോഴും ഭാഗ്യദേവതയുടെ അനുഗ്രഹമുണ്ടായിരിക്കും. അതിനാല് ലോട്ടറി പോലുള്ള ഭാഗ്യപരീക്ഷണങ്ങളില് ഏര്പ്പെടാവുന്നതാണ്.
തുലാം
ശ്രാവണ പൂര്ണിമ തുലാം രാശിക്കാര്ക്ക് ശുഭകരമായ ഫലങ്ങള് സമ്മാനിക്കും. ഉന്നത വിദ്യാഭ്യാസം, നിയമപരമായ കാര്യങ്ങള് എന്നിവയുമായി ബന്ധപ്പെട്ട് നല്ല വാര്ത്തകള് ലഭിച്ചേക്കാം. ഒരു തീരുമാനത്തെച്ചൊല്ലി അഭിപ്രായവ്യത്യാസമുണ്ടായിരുന്ന കുടുംബാംഗങ്ങള് ഇപ്പോള് കാര്യങ്ങള് കേള്ക്കാന് കൂടുതല് സന്നദ്ധരായേക്കാം. ആത്മീയമായ പ്രവര്ത്തനങ്ങളിലോ മതപരമായ സന്ദര്ശനങ്ങളിലോ ഏര്പ്പെടുന്നത് മാനസികമായ ശാന്തത നല്കും.
വൃശ്ചികം
വൃശ്ചികം രാശിക്കാര്ക്ക് ശ്രാവണ പൂര്ണിമ അനുകൂലമായിരിക്കും. കുട്ടികള്, പ്രണയം, പഠനം, സര്ഗാത്മകത എന്നിവയുമായി ബന്ധപ്പെട്ട കാര്യങ്ങളില് പുരോഗതി ദൃശ്യമാകും. കുട്ടികളുടെ വിദ്യാഭ്യാസത്തെയോ നേട്ടങ്ങളെയോ കുറിച്ച് മാതാപിതാക്കള്ക്ക് സന്തോഷവാര്ത്ത ലഭിച്ചേക്കാം. ദമ്പതികള്ക്ക് പരസ്പരമുള്ള സ്നേഹബന്ധം വീണ്ടെടുക്കാനാകും. മാതാപിതാക്കള്, സ്വത്ത്, വീട് നവീകരണം അല്ലെങ്കില് ഗാര്ഹിക കാര്യങ്ങള് എന്നിവയെക്കുറിച്ചുള്ള ചര്ച്ചകള് കൂടുതല് ഫലപ്രദമാകും.
Click it and Unblock the Notifications
Sign in with Google