പലവഴിക്ക് പണം കൈയിലെത്തും... പുത്തന്വീട്ടില് ആഡംബര ജീവിതം; ഈ രാശിക്കാരാണോ?
ഗ്രഹങ്ങള്, നക്ഷത്രങ്ങള്, രാശികള് എന്നിവ ജ്യോതിഷത്തിന്റെ അടിസ്ഥാന ഘടകങ്ങളാണ്. ഗ്രഹങ്ങള് ഒമ്പത് എണ്ണമാണ് ഉള്ളത്. സൂര്യന്, ചന്ദ്രന്, ചൊവ്വ, ബുധന്, വ്യാഴം, ശുക്രന്, ശനി, രാഹു, കേതു എന്നിവയാണ് അവ. ഇവയില് ആദ്യത്തെ ഏഴ് ഗ്രഹങ്ങള് ഭൗതികമായി നിലവിലുള്ളവയാണ്. അതേസമയം രാഹുവും കേതുവും ജ്യോതിഷപരമായ സങ്കല്പ്പങ്ങളാണ് എന്നാണ് വിശ്വാസം.
ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കിടകം എന്നിങ്ങനെയാണ് 12 രാശികള്. നക്ഷത്രങ്ങള് 27 എണ്ണമാണ്. അശ്വതി, ഭരണി, കാര്ത്തിക, രോഹിണി, മകയിരം, തിരുവാതിര, പുണര്തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിവയാണ് അവ.
ജ്യോതിഷത്തില് എല്ലാ ഗ്രഹങ്ങള്ക്കും അവയുടെ രാശി മാറ്റങ്ങള്ക്കും സവിശേഷമായ സ്ഥാനമാണ് കല്പിച്ച് നല്കിയിരിക്കുന്നത്. എല്ലാ ഗ്രഹങ്ങളും കാലാകാലങ്ങളില് രാശിയിലേക്കും നക്ഷത്രത്തിലേക്കും മാറി മാറി സഞ്ചരിക്കുന്നു എന്നാണ് ജ്യോതിഷത്തില് വിവക്ഷിച്ചിരിക്കുന്നത്. ഈ പ്രക്രിയയെ ഗ്രഹ സംക്രമണം എന്നാണ് ജ്യോതിഷത്തില് വിശേഷിപ്പിക്കുന്നത്.
ഗ്രഹ സംക്രമണം എല്ലാ രാശിക്കാരേയും ബാധിക്കും. എന്നാല് അത് വ്യത്യസ്ത തരത്തിലായിരിക്കും എന്ന് മാത്രം. ചില രാശിക്കാര്ക്ക് ഗ്രഹ സംക്രമണം ഏറെ ഗുണം ചെയ്യും. അതേസമയം മറ്റ് ചില രാശിക്കാരെ സംബന്ധിച്ചിടത്തോളം അത് വിപരീത ഫലമായിരിക്കും സമ്മാനിക്കുന്നത്. ഗ്രഹങ്ങളുടെ സ്ഥാന ചലനം പോലെ തന്നെ പ്രധാനമാണ് അവയുടെ ഉദയാസ്തമയങ്ങളും.
ജ്യോതിഷ പ്രകാരം ഏറെ സവിശേഷതകളുള്ള ഗ്രഹങ്ങളിലൊന്നാണ് ശനി. ജ്യോതിഷത്തില് ശനി ദേവനെ നീതിയുടെ ദേവനും കര്മ്മഫലദാതാവും ആയാണ് കണക്കാക്കുന്നത്. ഒരു രാശിയില് നിന്ന് മറ്റൊരു രാശിയിലേക്ക് ഏകദേശം രണ്ടര വര്ഷത്തോളം സമയമെടുത്താണ് ശനി സഞ്ചരിക്കുന്നത്. നിലവില് മീനം രാശിയിലൂടെയാണ് ശനിയുടെ സഞ്ചാരം. ഏപ്രില് 22 ന് ശനി മീനം രാശിയില് ഉദിക്കും.
ശനിയുടെ ഉദയം 12 രാശിക്കാരെയും സ്വാധീനിക്കും. എന്നിരുന്നാലും ചില രാശിക്കാര്ക്ക് അനിതര സാധാരണമായ നേട്ടങ്ങളായിരിക്കും ശനിയുടെ ഉദയത്തിലൂടെ ലഭിക്കാന് പോകുന്നത് ഏതെല്ലാം രാശിക്കാര്ക്കാണ് ശനിയുടെ ഉദയത്തിലൂടെ നേട്ടമുണ്ടാകാന് പോകുന്നത് എന്ന് നോക്കാം.
മിഥുനം
മിഥുനം രാശിക്കാര്ക്ക് ശനിയുടെ മീനം രാശിയിലെ ഉദയം ഗുണം ചെയ്യും. ഏറെ നാളായി മനസില് കൊണ്ട് നടക്കുന്ന സ്വന്തമായി ഒരു വീട് എന്ന സ്വപ്നം സാക്ഷാത്കരിക്കപ്പെടും. പുതിയ വീട്ടിലേക്ക് താമസം മാറും. പുത്തന് വീട്ടില് ആഡംബര ജീവിതമാണ് ഈ രാശിക്കാരെ കാത്തിരിക്കുന്നത്. ബിസിനസ് രംഗത്ത് പ്രവര്ത്തിക്കുന്നവര്ക്ക് വലിയ പുരോഗതി കൈവരിക്കാനാകും.
മകരം
ശനിയുടെ മീനം രാശിയിലെ ഉദയം മകരം രാശിക്കാര്ക്ക് അനുകൂലമായിരിക്കും. ജോലിയില് സ്ഥാനക്കയറ്റം, ശമ്പള വര്ധനവ്, ആഗ്രഹിച്ച സ്ഥലത്തേക്ക് ട്രാന്സ്ഫര് എന്നിവ പ്രതീക്ഷിക്കാം. വിദേശത്ത് ജോലി തേടുന്നവര്ക്ക് അനുകൂലമായ സമയമാണ് എന്ന് കാണുന്നു. വിദ്യാര്ത്ഥികള്ക്ക് മത്സര പരീക്ഷകളില് ഉന്നത വിജയം കരസ്ഥമാക്കാനാകും. കുടുംബത്തിലെ മുതിര്ന്ന അംഗങ്ങളുടെ ആരോഗ്യം സ്ഥിരമായിരിക്കും.
ഇടവം
ഇടവം രാശിക്കാര്ക്ക് ശനിയുടെ മീനം രാശിയിലെ ഉദയം ശുഭകരമായ ഫലങ്ങള് സമ്മാനിക്കും. പല വഴിക്ക് പണം കൈയിലെത്തും. പുതിയ വരുമാന സ്രോതസുകള് രൂപപ്പെടും. പൂര്വിക സ്വത്ത് തര്ക്കങ്ങളേതുമില്ലാതെ കൈയിലെത്തും. ഇതെല്ലാം നിങ്ങളുടെ ആസ്തി വര്ധിക്കാന് കാരണമാകും. കലാ കായിക രംഗത്ത് പ്രവര്ത്തിക്കുന്നവര്ക്ക് പ്രശസ്തിയും പുരസ്കാരവും തേടിയെത്തും.
Click it and Unblock the Notifications
Sign in with Google