ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ?
എല്ലാ ഗ്രഹങ്ങള്ക്കും അവയുടെ രാശി, നക്ഷത്ര മാറ്റത്തിനും വലിയ പ്രാധാന്യമാണ് ജ്യോതിഷത്തില് കല്പിച്ച് നല്കിയിരിക്കുന്നത്. എല്ലാ ഗ്രഹങ്ങളും കാലാകാലങ്ങളില് രാശിയിലേക്കും നക്ഷത്രത്തിലേക്കും മാറി മാറി സഞ്ചരിക്കാറുണ്ട് എന്നാണ് ജ്യോതിഷത്തില് പറഞ്ഞിരിക്കുന്നത്. ഈ പ്രക്രിയയെ പറയുന്ന പേരാണ് ഗ്രഹ സംക്രമണം. ഇത് എല്ലാ വ്യക്തികളുടേയും ജീവിതത്തെ ബാധിക്കും.
എന്നാല് അത് വ്യത്യസ്ത തരത്തിലായിരിക്കും എന്ന് മാത്രം. ചില രാശിക്കാര്ക്ക് ഗ്രഹ സംക്രമണം ഏറെ അനുകൂലമായിരിക്കും. എന്നാല് മറ്റ് ചില രാശിക്കാരെ സംബന്ധിച്ചിടത്തോളം ഇത് വിപരീതമായ ഫലമായിരിക്കും സമ്മാനിക്കുന്നത്. ജ്യോതിഷ പ്രകാരം ഗ്രഹങ്ങള് ഒമ്പത് എണ്ണമാണ് ഉള്ളത്. സൂര്യന്, ചന്ദ്രന്, ചൊവ്വ, ബുധന്, വ്യാഴം, ശുക്രന്, ശനി, രാഹു, കേതു എന്നിവയാണ് അവ.
ഇവയില് ആദ്യത്തെ ഏഴ് ഗ്രഹങ്ങള് ഭൗതികമായി നിലവിലുള്ളവയാണ്. രാഹുവും കേതുവും ജ്യോതിഷപരമായ സങ്കല്പ്പങ്ങളാണ്. ചിങ്ങം, കന്നി, തുലാം, വൃശ്ചികം, ധനു, മകരം, കുംഭം, മീനം, മേടം, ഇടവം, മിഥുനം, കര്ക്കിടകം എന്നിങ്ങനെയാണ് 12 രാശികള്. അശ്വതി, ഭരണി, കാര്ത്തിക, രോഹിണി, മകയിരം, തിരുവാതിര, പുണര്തം, പൂയം, ആയില്യം, മകം, പൂരം, ഉത്രം, അത്തം, ചിത്തിര, ചോതി, വിശാഖം, അനിഴം, തൃക്കേട്ട, മൂലം, പൂരാടം, ഉത്രാടം, തിരുവോണം, അവിട്ടം, ചതയം, പൂരൂരുട്ടാതി, ഉത്രട്ടാതി, രേവതി എന്നിവയാണ് 27 നക്ഷത്രങ്ങള്.
വേദ ജ്യോതിഷത്തില് വളരെ പ്രാധാന്യം അര്ഹിക്കുന്ന ഒരു ഗ്രഹമാണ് ശുക്രന്. അസുരഗുരു എന്നാണ് ശുക്രനെ വിശേഷിപ്പിക്കുന്നത്. എന്നാല് സമ്പത്ത്, സമൃദ്ധി, സ്നേഹം, സൗന്ദര്യം, ആഢംബരം എന്നിവയുടെ പ്രതീകമാണ് ശുക്രന്. ഒരാളുടെ ജാതകത്തില് ശുക്രന് ശുഭസ്ഥാനത്താണെങ്കില് അയാള്ക്ക് എല്ലാ സൗഭാഗ്യങ്ങളും തേടിയെത്തും എന്നാണ് വിശ്വാസം. നല്ലകാലം വരുമ്പോള് ശുക്രനുദിച്ചു എന്ന് പറയുന്നത് ഈ അര്ത്ഥത്തിലാണ്.
അതിനാല് തന്നെ ശുക്രന്റെ ചലനത്തിലുണ്ടാകുന്ന മാറ്റങ്ങള് 12 രാശികളെയും ബാധിക്കും. ഇന്നലെ പുലര്ച്ചെ 4.50 ന് ശുക്രന് മേടം രാശിയില് പ്രവേശിച്ചു. ഇതിന്റെ പ്രതിഫലനം എല്ലാ രാശിക്കാരിലും കാണാനാകും. എന്നാല് ചില രാശിക്കാരെ സംബന്ധിച്ചിടത്തോളം അനിതര സാധാരണമായ നേട്ടങ്ങളായിരിക്കും വരാന് പോകുന്നത്. ഏതൊക്കെയാണ് ആ ഭാഗ്യരാശിക്കാര് എന്ന് നോക്കാം...
ഇടവം
ശുക്രന്റെ മേടം രാശിയിലേക്കുള്ള വരവ് ഇടവം രാശിക്കാര്ക്ക് അനുകൂലമായിരിക്കും. ജോലിയില് സ്ഥാനക്കയറ്റത്തിനും ശമ്പള വര്ധനവിനും സാധ്യത കാണുന്നു. ആഗ്രഹിച്ച സ്ഥലത്തേക്ക് ട്രാന്സ്ഫറും പ്രതീക്ഷിക്കാം. ആത്മവിശ്വാസത്തോടെ ഏറ്റെടുക്കുന്ന ജോലികള് വേഗത്തില് പൂര്ത്തിയാക്കും. ബിസിനസ് രംഗത്ത് പ്രവര്ത്തിക്കുന്നവര്ക്കും അനുകൂലമായ സമയമാണ് എന്ന് കാണുന്നു. സ്വര്ണം പോലെ വില പിടിപ്പുള്ള സമ്മാനങ്ങള് നിങ്ങളെ തേടിയെത്തും.
ചിങ്ങം
ചിങ്ങം രാശിക്കാര്ക്ക് ശുക്രന്റെ മേടം രാശിയിലേക്കുള്ള വരവ് ഗുണം ചെയ്യും. ആഗ്രഹിക്കുന്നതെന്തും സ്വന്തമാക്കാനാകും. പലവഴിക്ക് പണം കൈയിലെത്തും. പുതിയ വരുമാന സ്രോതസുകള് തുറക്കപ്പെടും. ഇത് നിങ്ങളുടെ ആസ്തി വര്ധിക്കാന് കാരണമാകും. കുടുംബത്തില് ജനനം, വിവാഹ നിശ്ചയം, വിവാഹം പോലുള്ള മംഗള കര്മ്മങ്ങള് നടക്കാനുള്ള സാധ്യത കാണുന്നു. കുടുംബത്തിലെ മുതിര്ന്ന അംഗങ്ങളുടെ ആരോഗ്യം സ്ഥിരമായിരിക്കും.
തുലാം
ശുക്രന്റെ മേടം രാശിയിലേക്കുള്ള വരവ് തുലാം രാശിക്കാര്ക്ക് ശുഭകരമായിരിക്കും. ഏറെ നാളത്തെ കാത്തിരിപ്പിനൊടുവില് ഗൃഹനിര്മാണം പൂര്ത്തിയാക്കും. പുതിയ വീട്ടിലേക്ക് താമസം മാറും. പുത്തന് വീട്ടില് ആഡംബര ജീവിതമാണ് നിങ്ങളെ കാത്തിരിക്കുന്നത്. കുടുംബത്തില് സന്തോഷവും സമാധാനവും നിറയും. ബിസിനസില് ലാഭം നേടാനാകും. വസ്തു സംബന്ധമായ ഇടപാടുകളില് നിന്ന് വലിയ നേട്ടം കൊയ്യാനാകും.
Click it and Unblock the Notifications
Sign in with Google