വിശേഷ വസ്ത്രങ്ങളും ആഭരണങ്ങളും ലഭിക്കും, അപ്രതീക്ഷിത ധനലാഭം, രാശിഫലം അറിയാം
മേടം - ഉദ്യോഗസ്ഥന്മാര്ക്ക് പ്രമോഷനും സാമ്പത്തിക നേട്ടവും ഉണ്ടാകും. വിശേഷ വസ്ത്രാഭരണാദികള് ലഭിക്കും. കാര്ഷിക മേഖലയിലുള്ളവര്ക്ക് ധനനഷ്ടം. ആരോഗ്യപരമായി ചെറിയ പ്രശ്നങ്ങള് ഉണ്ടാകും. ഉദ്യോഗസംബന്ധമായി ദൂരയാത്രകള് ആവശ്യമായി വരും. സംസാരം മുഖേന ശത്രുക്കള് വര്ദ്ധിക്കും.
ഇടവം - കുടുംബജീവിതം സന്തോഷകരമാകും. സര്ക്കാര് ഉദ്യോഗസ്ഥര്ക്ക് വാരം ഗുണകരമല്ല. മാതാവിന് ലഘുവായ അസുഖങ്ങള് ഉണ്ടാകും. ആരോഗ്യപരമായി ഉണ്ടാകുന്ന ബുദ്ധിമുട്ടുകള് മൂലം മനസ്സ് അസ്വസ്ഥപ്പെടും. സന്താനങ്ങള്ക്ക് വിദേശത്ത് തൊഴില് ലബ്ധി ഉണ്ടാകാനിടയുണ്ട്. തൊഴില് മേഖലയില് അപ്രതീക്ഷിത സ്ഥാനചലനം.
മിഥുനം - ഗൃഹനിര്മ്മാണത്തിന് അനുകൂല സമയം. വസ്ത്രവ്യാപാരികള്ക്ക് സാമ്പത്തികനേട്ടം ഉണ്ടാകും. അന്യരുടെ അഭിപ്രായങ്ങള് മനസ്സിലാക്കി പെരുമാറും. നിസാരകാര്യങ്ങളില് കോപിക്കുന്ന സ്വഭാവം ഉപേക്ഷിക്കണം. ധനപരമായി നേട്ടം. ശത്രുക്കള് കൂടും. വിദേശത്തു നിന്നും സാമ്പത്തിക നേട്ടം പ്രതീക്ഷിക്കാം.
കര്ക്കടകം - കുടുംബാംഗങ്ങളോടൊത്ത് ഉല്ലാസ യാത്രകള് ഉണ്ടാകും. വ്യാപാര വ്യവസായ മേഖലയില് അഭിവൃദ്ധിയുണ്ടാകും. സന്താനങ്ങള്ക്ക് ഉയര്ച്ച ഉണ്ടാകും. അസാമാന്യമായ കര്മ്മകുശലത ഉണ്ടാകും. വിദേശത്ത് ജോലി ചെയ്യുന്നവര്ക്ക് കൂടുതല് ജോലിഭാരം കൊണ്ട് മാനസികവും ശാരീരികവുമായ ക്ലേശം അനുഭവപ്പെടും.
ചിങ്ങം - പിതാവില് നിന്നും നിന്നും സഹായ സഹകരണങ്ങള് ലഭിക്കും. ദൈവിക കാര്യങ്ങളില് താത്പര്യം കൂടും. സഹന ശക്തിയും ക്ഷമയും നിമിത്തം വിവാദങ്ങളില് നിന്നും രക്ഷപെടും. നാടു വിട്ടു കഴിയുന്നവര്ക്ക് സ്വന്തം നാട്ടിലേക്ക് തിരിച്ചു വരുന്നതിനുള്ള ശ്രമം വിജയിക്കും. നിശ്ചയിച്ചുറപ്പിച്ചിരുന്ന വിവാഹം ഭംഗിയായി നടക്കും.
കന്നി - പഠന കാര്യങ്ങളില് പുരോഗതി ദൃശ്യമാകും. രാഷ്ട്രീയക്കാര്ക്ക് ആരോപണങ്ങളെ നേരിടേണ്ടി വരും. അസുഖങ്ങള്ക്കു കുറവുണ്ടാകും. ഉന്നതവ്യക്തികളുമായി ബന്ധം സ്ഥാപിക്കാന് കഴിയും. സന്താനശ്രേയസ്സ്, മനഃസുഖം എന്നിവ ഉണ്ടാകും. നേത്രരോഗങ്ങള്ക്ക് കുറവുണ്ടാകും. കര്ഷകര്ക്ക് സാമ്പത്തിക നേട്ടം ഉണ്ടാകും.
തുലാം - സന്താനങ്ങളുമായി അഭിപ്രായ വ്യത്യാസം ഉണ്ടാകും. പിതാവിനോ പിതൃസ്ഥാനീയര്ക്കോ രോഗം മൂര്ച്ഛിക്കും. ദാമ്പത്യ ജീവിതം സന്തോഷപ്രദമായിരിക്കും. ചെലവുകള് വര്ദ്ധിക്കും. മുന്കോപവും പിടിവാശിയും നിയന്ത്രിക്കുക. അസാധാരണ വാക്സാമര്ത്ഥ്യം പ്രകടമാകും. വിദ്യാര്ത്ഥികള് പഠന കാര്യത്തില് അലസത പ്രകടമാക്കും. ശത്രുക്കള് വര്ദ്ധിക്കും.
വൃശ്ചികം - ശത്രുക്കളെ മിത്രങ്ങളാക്കി മാറ്റും. അപ്രതീക്ഷിത ധനലാഭം ഉണ്ടാകും. വാഹങ്ങളില് യാത്ര ചെയ്യുമ്പോള് ശ്രദ്ധിക്കണം. ഗൃഹത്തില് മംഗളകര്മ്മങ്ങള് നടക്കും. സന്താനലബ്ധിക്കായി കാത്തിരിക്കുന്നവര്ക്ക് തടസങ്ങള് നേരിടും. വിദ്യാര്ത്ഥികള് പഠന കാര്യത്തില് ഉത്സാഹം പ്രകടമാക്കും.
ധനു - സുഖസൗകര്യങ്ങള്ക്കുവേണ്ടി പണം ചെലവഴിക്കും. മറ്റുള്ളവരാല് ആദരിക്കപ്പെടും. ഇഷ്ട ഭക്ഷണലാഭം ഉണ്ടാകും. ഉദ്ദേശിക്കുന്ന പല കാര്യങ്ങളും പ്രാവര്ത്തികമാക്കാന് കാലതാമസം നേരിടും. കുടുംബത്തില് മംഗളകാര്യങ്ങള് നടക്കും. ദമ്പതികള് തമ്മില് അഭിപ്രായ വ്യത്യാസത്തിന് സാദ്ധ്യത. ഗൃഹത്തില് നിന്നും മാറി താമസിക്കേണ്ട അവസ്ഥ ഉണ്ടാകും.
മകരം - കലാകാരന്മാര്ക്ക് കീര്ത്തിയും ധനാഗമവും ഉണ്ടാകും. ചെലവുകള് നിയന്ത്രിക്കാന് ശ്രമിക്കണം. പ്രതിസന്ധികളെ മറികടക്കും. കലാരംഗത്ത് പ്രവര്ത്തിക്കുന്നവര്ക്ക് പുതിയ അവസരങ്ങള് ലഭിക്കും. പിതാവില് നിന്നും സഹായസഹകരണങ്ങള് ലഭിക്കും. ചെയ്യുന്ന തൊഴിലില് തൃപ്തി ഉണ്ടാകില്ല.
കുംഭം - പൊതുപ്രവര്ത്തകര്ക്ക് സമൂഹത്തില് പ്രശസ്തി വര്ദ്ധിക്കും. പിതാവിനോ പിതൃസ്ഥാനീയര്ക്കോ അരിഷ്ടത അനുഭവപ്പെടും. കുടുംബാംഗങ്ങളുമായി അഭിപ്രായ വ്യത്യാസം ഉണ്ടാകാതെ ശ്രദ്ധിക്കണം. മുന്കോപം നിയന്ത്രിക്കാന് ശ്രമിക്കണം. ജോലി മാറാന് ആഗ്രഹിക്കുന്നവര്ക്ക് അനുകൂല സമയം.
മീനം - സുഹൃത്തുക്കള് മൂലം മനോവിഷമങ്ങള് ഉണ്ടാകും. ഏറ്റെടുക്കുന്ന കാര്യങ്ങള് വിജയകരമായി പൂര്ത്തീകരിക്കും. കലാകാരന്മാര്ക്ക് ധാരാളം അവസരങ്ങള് ലഭിക്കും. യുവജനങ്ങളുടെ വിവാഹ കാര്യത്തില് തീരുമാനമാകും. ക്രയവിക്രയങ്ങളിലൂടെ നേട്ടമുണ്ടാക്കാന് പറ്റിയ സമയമാണ്.
Click it and Unblock the Notifications
Sign in with Google