വളരെ കാലമായി ആഗ്രഹിക്കുന്ന ഒരു കാര്യം സാധിക്കും, ഭാഗ്യപരീക്ഷണങ്ങള് വിജയകരമാകും, നാൾഫലം
വിശാഖം നാളുകാർ മുൻകോപവും എടുത്ത് ചാട്ടവും ഉപേക്ഷിക്കണം. ഈ നാളുകാർ ബന്ധുക്കളുമായി പിണങ്ങാൻ സാധ്യതയുണ്ട്. അനിഴം നാളുകാരുടെ ജീവിതത്തിൽ ഒരു സുഹൃത്ത് കാരണം വലിയ മാറ്റം ഉണ്ടാകും. ഇന്നത്തെ നാൾഫലം വായിക്കാം..
മേടം (അശ്വതി, ഭരണി, കാര്ത്തിക 1/4) - ഗൃഹത്തില് ബന്ധുസമാഗമം പ്രതീക്ഷിക്കാം. നഷ്ടപ്പെട്ടെന്നു കരുതിയ വസ്തു തിരിച്ചു കിട്ടും. യാത്രാഗുണം ഉണ്ടാകും. മംഗളകര്മ്മങ്ങളില് പങ്കെടുക്കാന് സാധിക്കും. സന്താനശ്രേയസ്സുണ്ടാകും. നല്ല സാമ്പത്തിക സ്ഥിതി കൈവരും. എടുത്തുചാട്ടം നിമിത്തം പല പ്രശ്നത്തിനും സാധ്യത.
ഇടവം (കാര്ത്തിക 1/2, രോഹിണി, മകയിരം 3/4) - വിദേശത്തുനിന്നും സാമ്പത്തിക നേട്ടം പ്രതീക്ഷിക്കാം. വിലപിടിപ്പുള്ള ഗൃഹോപകരണങ്ങള് വാങ്ങിക്കാന് സാധിക്കും. ഉദ്യോഗാര്ഥികള്ക്ക് പ്രതീക്ഷിച്ചിരുന്ന ജോലി ലഭിക്കും. പിതൃഗുണം ഉണ്ടാകും. കുടുംബഐക്യം ഉണ്ടാകും. യാത്രാ വിഘ്നങ്ങള് മാറും. കുടുംബകാര്യങ്ങളില് ശ്രദ്ധ കുറയരുത്.
മിഥുനം (മകയിരം 1/2, തിരുവാതിര, പുണര്തം 3/4) - സന്താനങ്ങള്ക്ക് ശാരീരിക ക്ലേശങ്ങള് അനുഭവപ്പെടും. കലാരംഗത്ത് പ്രവര്ത്തിക്കുന്നവര്ക്ക് അംഗീകാരം ലഭിക്കും. മാതൃഗുണം ഉണ്ടാകും. അപ്രതീക്ഷിതമായി മേലധികാരികളില് നിന്നും ചില വിഷമതകള് ഉണ്ടാകും. ജോലി സാധ്യത കാണുന്നു. ഭൂമിയില്നിന്നുള്ള വരുമാനം വര്ധിക്കും.
കര്ക്കടകം (പുണര്തം 1/4, പൂയം, ആയില്യം) - ബിസിനസ്സ് രംഗത്ത് പ്രവര്ത്തിക്കുന്നവര്ക്ക് തൊഴില്പരമായി ധാരാളം മത്സരം നേരിടേണ്ടി വരും. രാഷ്ട്രീയരംഗത്ത് പ്രവര്ത്തിക്കുന്നവര്ക്ക് പൊതുവേദിയില് ശോഭിക്കാനാകും. അസാധാരണ വാക് സാമര്ത്ഥ്യം പ്രകടമാകും. അന്യരുടെ കാര്യങ്ങള്ക്കുവേണ്ടി അനാവശ്യമായി വേവലാതിപ്പെടും.
ചിങ്ങം (മകം, പൂരം, ഉത്രം 1/4) - കര്മരംഗത്ത് അസൂയാവഹമായ നേട്ടങ്ങള് കൈവരിക്കാന് സാധിക്കും. ദാമ്പത്യസുഖവും, മനഃസന്തോഷവും അനുഭവപ്പെടും. സര്ക്കാരില് നിന്നും ലഭിക്കാനുള്ള ആനുകൂല്യം ലഭിക്കും. ഗൃഹനിര്മ്മാണം ആരംഭിക്കാന് സാധിക്കും. കുടുംബകാര്യങ്ങളില് ശ്രദ്ധ കുറയരുത്.
കന്നി (ഉത്രം 1/2, അത്തം, ചിത്തിര 3/4) - അന്യദേശത്ത് താമസിക്കുന്നവര്ക്ക് ഗുണാനുഭവം ലഭിക്കും. ഉദ്യോഗസ്ഥര്ക്ക് സ്ഥലംമാറ്റത്തിന് സാധ്യത. ബിസിനസ്സ് അഭിവൃദ്ധിപ്പെടും. യാത്രാഗുണം ഉണ്ടാകും. കാര്യങ്ങളില് ഉറച്ചു നില്ക്കാന് പ്രയാസപ്പെടും. കനത്ത ചില വെല്ലുവിളികളെ നേരിടേണ്ടിവരും.
തുലാം (ചിത്തിര 1/2, ചോതി, വിശാഖം 3/4) - എല്ലാ കാര്യത്തിലും ഉണര്വ്വും ഉന്മേഷവും അനുഭവപ്പെടും. വിദ്യാര്ത്ഥികള്ക്ക് അനുകൂല സമയമാണ്. പലവിധത്തില് സാമ്പത്തിക നേട്ടം ഉണ്ടാകും. മുന്കോപവും, എടുത്തുചാട്ടവും ഉപേക്ഷിക്കണം. കോപം നിയന്ത്രിക്കണം. ലഘുവായ ആരോഗ്യപ്രശ്നങ്ങള് ഉണ്ടാകും. ബന്ധുക്കളുമായി പിണങ്ങാന് സാധ്യത.
വൃശ്ചികം (വിശാഖം 1/4, അനിഴം, തൃകേട്ട) - സംസാരം പരുഷമാകാതിരിക്കാന് ശ്രദ്ധിക്കണം. കലാരംഗത്ത് പ്രവര്ത്തിക്കുന്നവര്ക്ക് അവസരം കുറയും. പുതിയ സുഹൃത്ബന്ധം മുഖേന ജീവിതത്തില് മാറ്റം ഉണ്ടാകും. ആരോഗ്യകാര്യത്തില് വളരെ ജാഗ്രതവേണം. പ്രതീക്ഷകള് മുന്നിര്ത്തി പ്രവര്ത്തിക്കും. കലഹപ്രിയത നിയന്ത്രിക്കണം. അഭിപ്രായം എവിടെയും തുറന്നു പറയും.
ധനു (മൂലം, പൂരാടം, ഉത്രാടം 1/4) - കര്മ്മസംബന്ധമായി യാത്ര ആവശ്യമായി വരും. കലാരംഗത്തുള്ളവര്ക്ക് അംഗീകാരം ലഭിക്കും. വളരെ കാലമായി ആഗ്രഹിക്കുന്ന ഒരു കാര്യം ഇന്നു സാധിക്കും. സന്താനങ്ങള്ക്ക് രോഗസാധ്യത കാണുന്നു. കാര്ഷിക കാര്യങ്ങളില് കൂടുതല് ശ്രദ്ധിക്കാന് കഴിയും. ഭാഗ്യപരീക്ഷണങ്ങള് വിജയകരമാകും.
മകരം (ഉത്രാടം 1/2, തിരുവോണം, അവിട്ടം 3/4) - കര്മ്മരംഗത്ത് പലവിധ വിഷമത കളും ഉണ്ടാകും. സാമ്പത്തിക തിരിമറിയില്പ്പെടാതെ സൂക്ഷിക്കുക. വസ്തുതര്ക്കത്തിനും കലഹത്തിനും സാധ്യതയുള്ളതിനാല് വളരെ ശ്രദ്ധിക്കുക. വാഹന ഉപയോഗത്തില് നിയന്ത്രണം വേണം. ധനനഷ്ടത്തിനു സാധ്യത. ബന്ധുക്കളുമായി പിണങ്ങാന് സാധ്യത. കലാ പ്രകടനങ്ങളില് ശോഭിക്കാന് സാധിക്കും.
കുംഭം (അവിട്ടം 1/2, ചതയം, പൂരുരുട്ടാതി 3/4) - ചെറിയതോതില് മാനസിക വിഷമങ്ങള് അനുഭവപ്പെടും. മംഗളകാര്യങ്ങളില് പങ്കെടുക്കും. പഴയകാല സുഹൃത്തിനെ കാണാന് സാധിക്കും. വസ്തുവാഹനാദിയോഗം കാണുന്നു. ഗൃഹത്തില് അറ്റകുറ്റപ്പണികള് നടത്തും. സാമ്പത്തിക പ്രശ്നങ്ങള് ഉണ്ടാകാനിടയില്ല.
മീനം (പൂരുരുട്ടാതി 1/4, ഉതൃട്ടാതി, രേവതി) - വിദേശത്തുള്ളവര്ക്ക് ജോലി നഷ്ടപ്പെടാന് സാധ്യതയുള്ളതിനാല് വളരെ ശ്രദ്ധിക്കുക. സന്താനസൗഭാഗ്യം ഉണ്ടാകും. കലാ കായികരംഗത്ത് പ്രവര്ത്തിക്കുന്നവര്ക്ക് അംഗീകാരവും, സാമ്പത്തികനേട്ടവും ഉണ്ടാകും. വാക്സാമര്ഥ്യം പ്രകടമാകും. കുടുംബ ഉത്തരവാദിത്തം കൂടും. പഠനരംഗത്തു തടസ്സങ്ങള് ഉണ്ടാകാനിടയുണ്ട്.
Click it and Unblock the Notifications
Sign in with Google