ഈ ആഴ്ച വിദേശതൊഴിലിനുളള ശ്രമം വിജയിക്കും, അപൂര്‍വ്വ നേട്ടങ്ങള്‍ വന്നുചേരും, പുതിയ പ്രണയ ബന്ധം, വാരഫലം

മേടക്കൂറ് (അശ്വതി, ഭരണി, കാര്‍ത്തിക 1/4) - ഈ ആഴ്ച കാര്യതടസ്സങ്ങള്‍ ഉണ്ടാകും. തൊഴില്‍രംഗത്ത് പലവിധ പ്രയാസങ്ങള്‍ ഉടലെടുക്കുന്നതാണ്. ഉദ്ദേശിക്കുന്ന രീതിയില്‍ മുമ്പോട്ടു പോകുന്നതില്‍ തടസ്സങ്ങള്‍ അനുഭവപ്പെടും. നൂതന സംരംഭങ്ങള്‍ തുടങ്ങുന്നത് പരാജയപ്പെടാന്‍ സാധ്യത. കുടുംബത്തില്‍ ചില അസ്വസ്ഥതകള്‍ ഉണ്ടായേക്കാം. പ്രണയരംഗത്ത് നിരാശാജനകമായ ചില അനുഭവങ്ങള്‍ ഉണ്ടാകുന്നതിനു സാധ്യത. നിങ്ങളുടെ ഗ്രഹനിലയില്‍ ഒരു ദോഷസ്ഥിതി കാണുന്നു.

ഇടവക്കൂറ് (കാര്‍ത്തിക 1/2, രോഹിണി, മകയിരം 3/4) - ഈയാഴ്ചയില്‍ പലവിധത്തിലുള്ള തടസ്സ വിഷമങ്ങള്‍ ഉണ്ടായേക്കാം. തൊഴില്‍രംഗത്ത് പ്രതികൂലസ്ഥിതി കാണുന്നു. ധനഷ്ടങ്ങള്‍, മനഃക്ലേശം, ഇച്ഛാഭംഗം എന്നിവ ഉണ്ടാകുന്നതിനു സാധ്യത. ആരോഗ്യപരമായ കാര്യങ്ങള്‍ വളരെ ജാഗ്രതയോടെ പരിപാലിക്കുക. നിങ്ങളുടെ രാശിവീഥിയില്‍ വളരെ ദോഷസ്ഥിതി കാണുന്നതിനാല്‍ സമഗ്രമമായ രാശിചിന്ത നടത്തി ഉചിത പ്രതിവിധി കാണുന്നതാണ് ഉത്തമം. നിങ്ങളുടെ സൗഭാഗ്യം അനുകൂലമാകുന്നതിന് സമുദ്രനീലം ധരിക്കുന്നത് ഉത്തമം.

മിഥുനക്കൂറ് (മകയിരം 3/4, തിരുവാതിര, പുണര്‍തം 1/2) - പൊതുവെ അനുകൂലമായ മാറ്റങ്ങള്‍ ഈയാഴ്ചയിലുണ്ടാകും. തൊഴില്‍രംഗത്ത് ഗുണകരമായ കുറെ അനുഭവങ്ങള്‍ ഉണ്ടാകും. പുതിയ മേഖലയില്‍ പ്രവേശിക്കുന്നതിന് അവസരമുണ്ടാകും. സുഹൃദ് സഹായം ലഭിക്കും. കുടുംബ സഹിതം ഉല്ലാസയാത്ര പോകും. പുണ്യസ്ഥലങ്ങള്‍ സന്ദര്‍ശിക്കും. നിങ്ങള്‍ക്ക് ഒരു പുതിയ പ്രണയബന്ധം ഉടലെടുക്കുന്നതിനു സാധ്യത കാണുന്നു. ഈയാഴ്ച നിര്‍ണായകമാണ്. ജീവിതത്തില്‍ വലിയ വഴിത്തിരിവുകള്‍ ഉണ്ടാകാം.

കര്‍ക്കടകക്കൂറ് (പുണര്‍തം 1/4, പൂയം, ആയില്യം) - ഈയാഴ്ചയില്‍ ചില തടസ്സങ്ങള്‍ ഉണ്ടാകും. തൊഴില്‍രംഗത്ത് പലവിധ ക്ലേശങ്ങള്‍ ഉണ്ടാകും. യാത്രാക്ലേശവും അലച്ചിലും വന്നേക്കാം. ധനനഷ്ടങ്ങള്‍ ഉണ്ടാകുന്നതിനു സാധ്യത കാണുന്നു. കുടുംബത്തില്‍ ചില അസ്വസ്ഥതകള്‍ ഉടലെടുക്കുന്നതിനിടയുണ്ട്. സംഭാഷണത്തില്‍ മിതത്വവും കരുതലും ഉണ്ടാകുന്നതിനിടയുണ്ട്. രാശിമണ്ഡലത്തില്‍ വളരെ ദോഷാത്മകമായ സ്ഥിതി നിലനില്‍ക്കുന്നതിനാല്‍ വളരെ ശ്രദ്ധിക്കുക.

ചിങ്ങക്കൂറ് (മകം, പൂരം, ഉത്രം 1/4) - ഈയാഴ്ചയില്‍ പൊതുവെ അനുകൂലമായ മാറ്റങ്ങള്‍ ഉണ്ടാകുന്നതാണ്. ഏതു കാര്യത്തിലും ഗുണാത്മകമായ പരിവര്‍ത്തനങ്ങള്‍ അനുഭവപ്പെടും. സാമ്പത്തിക നേട്ടങ്ങള്‍ വന്നുചേരും. നൂതന സംരംഭങ്ങള്‍ ഉടലെടുക്കുന്നതിന് സാധ്യതയുണ്ട്. കുടുംബത്തില്‍ സന്തുഷ്ടി നിലനില്‍ക്കും. ഗുണകരമായ പുതിയ കച്ചവട മേഖലയില്‍ പ്രവേശിക്കുന്നതാണ്. നൂതന പ്രണയബന്ധം ഉടലെടുക്കുന്നതിനു സാധ്യത കാണുന്നു.

കന്നിക്കൂറ് (ഉത്രം 1/2, അത്തം, ചിത്തിര 3/4) - പൊതുവെ ഗുണകരമായ മാറ്റങ്ങള്‍ പലതും ഉണ്ടാകാനിടയുണ്ട്. ധനപരമായ പുരോഗതി നേടും. പുതിയ തൊഴില്‍ രംഗത്തു പ്രവേശിക്കും. വിദേശതൊഴിലിനു ശ്രമിക്കുന്നവര്‍ക്ക് അതു സാധിക്കും. കലാ രംഗത്തു പ്രവര്‍ത്തിക്കുന്നവര്‍ക്ക് അപൂര്‍വ്വ നേട്ടങ്ങള്‍ വന്നുചേരുന്നതാണ്. പുതുവസ്ത്രങ്ങളും ആഭരണങ്ങളും ലഭിക്കും. വാരാന്ത്യം ബന്ധുസമാഗമം, മനസ്സന്തോഷം, ഉല്ലാസയാത്ര, ദീര്‍ഘകാലത്തെ ആഗ്രഹസാഫല്യം ഇവ ഉണ്ടാകുന്നതാണ്.

തുലാക്കൂറ് (ചിത്തിര 3/4, ചോതി, വിശാഖം 1/2) - അപ്രതീക്ഷിത തടസ്സങ്ങള്‍ പലതും ഉണ്ടാകും. സാമ്പത്തിക നഷ്ടങ്ങള്‍ മനഃക്ലേശം, ഇച്ഛാഭംഗം എന്നിവ ഉണ്ടാകുന്നതിനും സാധ്യത. ശാരീരിക അസ്വസ്ഥതകള്‍ ഉടലെടുത്തേക്കാം. വാഹനമോടിക്കുന്നവര്‍ ഈയാഴ്ച കൂടുതല്‍ ശ്രദ്ധിക്കണം. സംസാരത്തില്‍ മിതത്വവും കരുതലും ഉണ്ടാകുന്നത് നല്ലതാണ്. പ്രകൃതിയോടിണങ്ങിയ ജീവിതരീതി, ആഹാരരീതി ഇവ സ്വീകരിക്കുന്നതിലൂടെ മനസ്സിന്റെ സ്വസ്ഥത നിലനിര്‍ത്തുന്നതിന് കഴിയുന്നതാണ്.

വൃശ്ചികക്കൂറ് (വിശാഖം 1/4, അനിഴം, തൃകേട്ട) - പലതരം പ്രയാസങ്ങള്‍ ഉണ്ടാകുന്നതിനു സാധ്യത. യാത്രാക്ലേശം, അലച്ചില്‍ ഇവ വര്‍ദ്ധിക്കും. കുടുംബപരമായ അസ്വസ്ഥതകള്‍ ഉണ്ടാകുന്നതിനിടയുണ്ട്. തൊഴില്‍രംഗത്ത് അപ്രതീക്ഷിതമായ ചില പ്രശ്‌നങ്ങള്‍ ഉണ്ടാകുന്നതിനു സാധ്യത കാണുന്നു. കച്ചവടരംഗത്ത് പ്രവര്‍ത്തിക്കുന്നവര്‍ക്ക് പലവിധ നഷ്ടങ്ങള്‍, കച്ചവടമാന്ദ്യം ഇവ ഉണ്ടാകുന്നതിനിടയുണ്ട്. പണമിടപാടുകള്‍ വളരെ സൂക്ഷിച്ചു നടത്തുക. അപ്രതീക്ഷിത നഷ്ടങ്ങള്‍ ഉണ്ടാകുന്നതിനു സാധ്യത കാണുന്നു.

ധനുക്കൂറ് (മൂലം, പൂരാടം, ഉത്രാടം 1/4) - ഉദ്ദേശിക്കുന്ന രീതിയിലുള്ള പുരോഗതി കൈവരിക്കും. തൊഴില്‍രംഗത്ത് അപ്രതീക്ഷിതമായ ചില നേട്ടങ്ങള്‍ ഉണ്ടാകുന്നതിനിടയുണ്ട്. കൂടുതല്‍ ആദായകരമായ പുതിയ മേഖലയില്‍ പ്രവര്‍ത്തിക്കുന്നതിന് അവസരമുണ്ടാകും. അപ്രതീക്ഷിത സാമ്പത്തികലാഭങ്ങള്‍ ഉണ്ടാകും. പുതിയ പ്രണയ ബന്ധം ഉടലെടുക്കുന്നതിന് അവസരമുണ്ടാകുന്നതായി കാണുന്നുണ്ട്. ദീര്‍ഘകാലമായി ചിന്തിക്കുന്ന പല കാര്യങ്ങളും യാഥാര്‍ത്ഥ്യമാകുന്നതിനു സാധ്യത കാണുന്നു.

മകരക്കൂറ് (ഉത്രാടം 1/2, തിരുവോണം, അവിട്ടം 3/4) - ഉദ്ദേശിക്കുന്ന രീതിയില്‍ ഈയാഴ്ച കാര്യങ്ങള്‍ നടന്നെന്നു വരില്ല. തൊഴില്‍രംഗത്ത് അപ്രതീക്ഷിത തടസ്സങ്ങള്‍ ഉണ്ടാകും. ധനനഷ്ടങ്ങള്‍, ഇച്ഛാഭംഗം, മനഃക്ലേശം ഇവയ്ക്ക് സാധ്യത. കുടുംബത്തില്‍ ചില അസ്വസ്ഥതകള്‍ ഉടലെടുക്കുന്നതിനിടയുണ്ട്. അതുപോലെതന്നെ ആരോഗ്യപരമായും ചില വിഷമാവസ്ഥകള്‍ ഉടലെടുത്തേക്കാം. നിങ്ങളുടെ രാശിയില്‍ ഈയാഴ്ച ചില ദോഷയോഗങ്ങള്‍ കാണുന്നതിനാല്‍ സമഗ്രമായി രാശിചിന്ത ചെയ്ത് ഉചിത പ്രതിവിധി കാണുക.

കുംഭക്കൂറ് (അവിട്ടം 3/4, ചതയം, പൂരുരുട്ടാതി 1/2) - പൊതുവെ അനുകൂലമായ വാരമാണ്. ഏതു കാര്യത്തിലും ഭാഗ്യപൂര്‍ണ്ണമായ മാറ്റങ്ങള്‍ ഉടലെടുക്കുന്നതിനു സാധ്യതയുണ്ട്. തൊഴില്‍രംഗത്ത് പുതിയ ചില അവസരങ്ങള്‍ വന്നുചേരും. വിദേശതൊഴിലിനു ശ്രമിക്കുന്നവര്‍ക്ക് അതു ലഭിക്കുന്നതാണ്. ഗൃഹനിര്‍മ്മാണം ഈയാഴ്ച തുടങ്ങാന്‍ കഴിയും. പുതിയ ഫ്‌ളാറ്റ് വാങ്ങുന്നതിനുള്ള അവസരമുണ്ടാകുന്നതും വസ്തുവാഹനാദികള്‍ കൈവശംവന്നു ചേരുന്നതുമാണ്.

മീനക്കൂറ് (പൂരുരുട്ടാതി 1/4, ഉതൃട്ടാതി, രേവതി) - അവിചാരിത നഷ്ടങ്ങള്‍ പലതും ഈയാഴ്ച ഉണ്ടാകുന്നതിനിടയുണ്ട്. യാത്രാവസരങ്ങളില്‍ വളരെ സൂക്ഷിക്കുക. ധനനഷ്ടങ്ങള്‍ സംഭവിക്കാം. നിങ്ങള്‍ പുതിയ തൊഴില്‍ മേഖലയില്‍ പ്രവേശിക്കുന്നതിനു ശ്രമിച്ചേക്കാം. പക്ഷേ തടസ്സങ്ങളും പരാജയങ്ങളും വന്നുചേരുന്നതിനിടയുണ്ട്. നിങ്ങളുടെ രാശിയില്‍ അപ്രതീക്ഷിത ദോഷാവസ്ഥകള്‍ അനുഭവപ്പെടാവുന്നതിനു സാധ്യതയുള്ളതിനാല്‍ വളരെ ശ്രദ്ധാപൂര്‍വ്വം കാര്യങ്ങള്‍ ചെയ്യുക.