ഈ നാളുകാർക്ക് അപൂര്‍വ്വഭാഗ്യം വന്നുചേരും, ഉദ്ദേശിക്കുന്ന കാര്യങ്ങള്‍ സാധിക്കും, സാമ്പത്തികാഭിവൃദ്ധി, വാരഫലം

നവംബർ 16 മുതൽ 22 വരെയുളള സമ്പൂർണ്ണ വാരഫലം വായിക്കാം. തയ്യാറാക്കിയത് പ്രശസ്ത ജ്യോതിഷി അനിൽ പെരുന്ന.

മേടക്കൂറ് (അശ്വതി, ഭരണി, കാര്‍ത്തിക 1/4)
മനക്ലേശങ്ങള്‍ അപ്രതീക്ഷിതമായി വര്‍ദ്ധിക്കുന്നതിനിടയാകും. സ്വജനകലഹമോ ബന്ധുവിരോധമോ ഉണ്ടാകാം. ഉദ്ദേശിക്കുന്ന കാര്യങ്ങള്‍ക്ക് തടസ്സം ഉണ്ടാകാം. യാത്രാക്ലേശവും അലച്ചിലും അനുഭവപ്പെടും. വിദേശത്ത് ജോലിചെയ്യുന്നവര്‍ അതിയായ ജാഗ്രത പാലിക്കേണ്ടതാണ്. ധനപരമായ ഇടപാടുകള്‍ വളരെ ജാഗ്രതയോടെ തന്നെ നടത്തിക്കൊള്ളണം.

ഇടവക്കൂറ് (കാര്‍ത്തിക 3/4, രോഹിണി, മകയിരം 1/2)
ഉദ്ദേശിക്കുന്ന കാര്യങ്ങള്‍ സാധിക്കും. സാമ്പത്തികാഭിവൃദ്ധി കൈവരും. നൂതനസംരംഭങ്ങള്‍ തുടങ്ങാന്‍ സാധിക്കും. തൊഴില്‍ ഉയര്‍ച്ച കൈവരും. പുതിയ വാഹനം വാങ്ങുന്നതിന് ഗൃഹനിര്‍മ്മാണം ആരംഭിക്കുന്നതിനും സാധിക്കും. സ്വപ്രയത്‌നത്താല്‍ ക്രമാനുഗതമായി ഉയര്‍ച്ച കൈവരിക്കുന്നതിന് സാധിക്കുന്നതാണ്. യാത്രാഗുണം കാണുന്നു.

മിഥുനക്കൂറ് (മകയിരം 1/2, തിരുവാതിര, പുണര്‍തം 3/4)
അവിചാരിത തടസ്സങ്ങള്‍ പലതും അനുഭവപ്പെടും. തൊഴില്‍ രംഗത്തി പ്രതിബന്ധങ്ങളും ഏതിര്‍പ്പുകളും തുടരും. ധനനഷ്ടങ്ങള്‍ ഉണ്ടാകും. പുതിയ കാര്യങ്ങള്‍ തുടങ്ങുവാനുള്ള സമയമല്ല. കുടുംബത്തില്‍ അസ്വസ്ഥതകള്‍ ഉണ്ടാകും. എല്ലാ കാര്യത്തിനും അതീവജാഗ്രത ആവശ്യമാണ്. യാത്രയില്‍ വളരെ ശ്രദ്ധിക്കണം.

കര്‍ക്കടകക്കൂറ് (പുണര്‍തം 1/4, പൂയം, ആയില്യം)
തൊഴില്‍ രംഗത്ത് അനുകൂലമാറ്റങ്ങള്‍ പലതും അനുഭവപ്പെടും. ധനപരമായി പലവിധ നേട്ടങ്ങള്‍ കൈവശം വന്നുചേരും. ഗൃഹവാഹനാദി സമ്പത്തുകള്‍ നേടിയെടുക്കും. വിദേശയാത്ര നടത്തുകയും അതില്‍ നിന്നും ഗുണങ്ങള്‍ ഉണ്ടാവുകയും ചെയ്യും. സ്ത്രീകള്‍ ഉദ്ദേശിക്കുന്ന കാര്യങ്ങള്‍ സാധ്യമാകുന്നതാണ്.

ചിങ്ങക്കൂറ് (മകം, പൂരം, ഉത്രം 1/4)
പ്രവര്‍ത്തനരംഗത്ത് പലവിധ നേട്ടങ്ങള്‍ കൈവരിക്കും. പൊതുരംഗത്ത് പ്രവര്‍ത്തിക്കുന്നവര്‍ വലിയ നേട്ടങ്ങള്‍ കൈവരിക്കും. രാഷ്ട്രീയരംഗത്ത് മാറ്റങ്ങള്‍ ഉണ്ടാകും. പുതിയ അധികാരസ്ഥാനങ്ങള്‍ വന്നുചേരും. ഏതു കാര്യത്തിലും അപ്രതീക്ഷിതമായ ചില നേട്ടങ്ങള്‍ ഉണ്ടാകും. വലിയ ഒരു പരിവര്‍ത്തനത്തിന്റെ ഘട്ടമായതിനാല്‍ ജിവിതത്തിലും ചിന്താസരണികളിലും പ്രവര്‍ത്തന രംഗത്തും വരുത്തുന്ന മാറ്റങ്ങള്‍ വളരെ ആലേചിച്ചുവേണം നടത്തുവാന്‍.

കന്നിക്കൂറ് (ഉത്രം 3/4, അത്തം, ചിത്തിര 1/2)
പൊതുവെ ഗുണദോഷ സമ്മിശ്രാവസ്ഥ അനുഭവപ്പെടുന്നതാണ്. ഉദ്ദേശിക്കുന്ന കാര്യങ്ങള്‍ ഭാഗികമായി നടപ്പില്‍വരും. ഉദ്യോഗസ്ഥര്‍ക്ക് അനുകൂലമായ സ്ഥലമാറ്റങ്ങള്‍ക്ക് സാധ്യത കാണുന്നു. പുതിയ സംരംഭങ്ങള്‍ തുടങ്ങുവാന്‍ ശ്രമിക്കുന്നവര്‍ക്ക് അത് സാധിക്കും. വളരെ ശ്രദ്ധിച്ച് സര്‍വ്വകാര്യങ്ങളും ചെയ്യുക. ആരോഗ്യകാര്യത്തില്‍ വളരെ സൂക്ഷ്മത പാലിക്കുക. യാത്രാക്ലേശവും അലച്ചിലും ഉണ്ടാകും. പുതിയ തൊഴിലിന് ശ്രമിക്കുന്നവര്‍ക്ക് തടസ്സങ്ങള്‍ ഉണ്ടാകും സ്ത്രീകള്‍ സാമ്പത്തിക ഇടപാടുകള്‍ നടത്തുന്നുവെങ്കില്‍ വളരെയധികം ശ്രദ്ധിക്കുക.

തുലാക്കൂറ് (ചിത്തിര 1/2, ചോതി, വിശാഖം 3/4)
പൊതുവെ അനുഭവങ്ങള്‍ക്ക് മാറ്റം വരുന്നതാണ്. പലവിധത്തില്‍ സാമ്പത്തിക പുരോഗതി ഉണ്ടാകും. നൂതന മാഗ്ഗങ്ങളിലൂടെ ധനസമ്പാദനം നടത്താന്‍ സാധിക്കും. സുഹൃദ് സഹായം ലഭിക്കും. കാര്‍ഷികരംഗത്തുള്ളവര്‍ക്കും സ്വയംതൊഴില്‍ ചെയ്യുന്നവര്‍ക്കും സമയം വളരെ അനുകൂലമാണ്. വേണ്ടത്ര ആലോചനയും വിലയിരുത്തലും കൂടാതെ ഒരു കാര്യവും ചെയ്യരുത്.

വൃശ്ചികക്കൂറ് (വിശാഖം 1/4, അനിഴം, തൃകേട്ട)
പൊതുവെ അപൂര്‍വ്വമായ ഒരു കാലഘട്ടമാണ് വരുന്നത്. വളരെക്കാലമായി വച്ചു പുലര്‍ത്തുന്ന അഭിലാഷങ്ങള്‍ സാധിക്കും. കാര്യപ്രാപ്തി കൈവരും. സാമ്പത്തിക അഭിവൃദ്ധി ഉണ്ടാകും. നൂതന സംരംഭങ്ങള്‍ക്ക് തുടക്കം കുറിക്കും. കലാരംഗത്ത് പ്രവര്‍ത്തിക്കുന്നവര്‍ക്ക് അപൂര്‍വ്വഭാഗ്യം വന്നുചേരുന്നതാണ്. കന്യകമാര്‍ക്ക് വിവാഹകാര്യത്തില്‍ തീരുമാനമാകും. ഔദ്യോഗിക രംഗത്തിലുള്ളവര്‍ക്ക് പ്രമോഷന് സാധ്യത കാണുന്നു.

ധനുക്കൂറ് (മൂലം, പൂരാടം, ഉത്രാടം 1/4)
വളരെ അനുകൂലമാറ്റങ്ങള്‍ ആരംഭിക്കുകയാണ്. വ്യക്തിപരമായും അനുഭവപരമായും നിങ്ങളില്‍ വളരെയധികം മാറ്റങ്ങള്‍ സംഭവിക്കും. വളരെക്കാലമായി ചിന്തിക്കുന്ന പല കാര്യങ്ങളും അനുഭവത്തില്‍ വന്നുചേരും. ഏതുകാര്യവും വളരെ ആലോചിച്ചു മാത്രം ചെയ്യുക. സന്താനങ്ങളുടെ വിവാഹക്കാര്യത്തില്‍ തീരുമാനത്തിലെത്താന്‍ സാധിക്കും. യാത്രാവേളയില്‍ ധനനഷ്ടത്തിനു സാധ്യത കാണുന്നു. ഉദ്യോഗത്തില്‍ മാറ്റത്തിനു സാധ്യത.

മകരക്കൂറ് (ഉത്രാടം 3/4, തിരുവോണം, അവിട്ടം 1/2)
അപ്രതീക്ഷിതമായ പലവിധ തടസ്സങ്ങള്‍ അനുഭവപ്പെടും. ഏതു കാര്യത്തിലും പരാജയ സാധ്യത കാണുന്നു. പലവിധ നഷ്ടങ്ങള്‍ ഉണ്ടാകാം. ഇച്ഛാഭംഗവും, മനോമാന്ദ്യവും അനുഭവപ്പെടും. കുടുംബബന്ധങ്ങളില്‍ അസ്വസ്ഥതകള്‍ വര്‍ദ്ധിക്കും. ദമ്പതികള്‍ വളരെ ശ്രദ്ധാപൂര്‍വ്വം പെരുമാറിയില്ലെങ്കില്‍ കലഹ സാധ്യത കാണുന്നു. തൊഴില്‍ രംഗത്തും പലവിധ ക്ലേശങ്ങള്‍ക്ക് സാധ്യത കാണുന്നു. രോഗദുരിതങ്ങളെ കരുതിയിരിക്കണം.

കുംഭക്കൂറ് (അവിട്ടം 1/2, ചതയം, പൂരുരുട്ടാതി 3/4)
ധനമാര്‍ഗ്ഗങ്ങള്‍ പലതും തടസ്സപ്പെടും. പലവിധ പ്രതിസന്ധികള്‍ ഉണ്ടാകും. സ്വയം തൊഴില്‍ ചെയ്യുന്നവരും, വ്യാപാരികളും അതിശ്രദ്ധയോടെ കാര്യങ്ങള്‍ നിര്‍വ്വഹിക്കേണ്ടതാണ്. സുഹൃദ് ജനങ്ങളുമായി അഭിപ്രായഭിന്നതകള്‍ ഉണ്ടാവാം. ഇത് പലവിധ മന:ക്ലേശങ്ങള്‍ക്ക് ഇടവരുത്തും. തൊഴില്‍ രംഗത്ത് വിവിധ പ്രതിസന്ധികള്‍ ഉണ്ടാകാന്‍ സാധ്യതയുണ്ട്. പൊതുവെ നന്നായി ശ്രദ്ധിക്കുക. ജീവിതത്തിന്റെ ഗതിതന്നെ മാറിയേക്കാവുന്ന ചില സാഹചര്യങ്ങള്‍ ഉണ്ടായേക്കാം.

മീനക്കൂറ് (പൂരുരുട്ടാതി 1/4, ഉതൃട്ടാതി, രേവതി)
ആരോഗ്യപരമായ കാര്യങ്ങള്‍ മെച്ചപ്പെടും. മനസ്സിന് ഉന്മേഷവും സന്തുഷിടിയും ഉണ്ടാകുന്നതാണ്. ഉദ്ദേശിക്കുന്ന പല കാര്യങ്ങളും യഥാവിധി നടക്കും. അവിവാഹിതര്‍ക്ക് വിവാഹകാര്യത്തില്‍ തീരുമാനമുണ്ടാകുന്നതാണ്. വിദേശയാത്ര, തൊഴില്‍ ഇവ ആഗ്രഹിക്കുന്നവര്‍ക്ക് അതു സാധിക്കും. ജീവിതത്തില്‍ വളരെയധികം മാറ്റങ്ങള്‍ക്ക് ഇടയാക്കുന്ന ചില അനുഭവങ്ങള്‍ ഇക്കാലം ഉണ്ടാകുന്നതാണ്. അപ്രതീക്ഷിത സൗഭാഗ്യങ്ങള്‍ അനുഭവപ്പെടും.