മനസിനിണങ്ങിയ ജീവിത പങ്കാളിയെ കണ്ടെത്തും, ബിസിനസ് രംഗത്ത് സാമ്പത്തികനേട്ടം, നാൾഫലം അറിയാം
ഇടവം രാശിക്കാരിൽ വിദേശത്ത് ജോലിയുളളവർ ഇന്ന് ശ്രദ്ധിക്കേണ്ട ദിവസമാണ്. കാരണം ഇവർക്ക് ജോലി നഷ്ടപ്പെടാനുളള സാധ്യത കാണുന്നുണ്ട്. ഇവർ പെട്ടെന്ന് ദേഷ്യപ്പെടുകയും കർക്കശമായി പെരുമാറുകയും ചെയ്യും.
ചിങ്ങം രാശിക്കാർക്ക് നഷ്ടപ്പെട്ടു എന്നു കരുതിയ പൂര്വികസ്വത്ത് തിരികെ കിട്ടും. കഠിനമായ പരിശ്രമത്തിലൂടെ ഇവർ സാമ്പത്തിക നേട്ടം ഉണ്ടാക്കും. നിങ്ങളുടെ ഇന്നത്തെ ദിവസം രാശി പ്രകാരം എത്തരത്തിലാകും എന്നറിയാം.
മേടം (അശ്വതി, ഭരണി, കാര്ത്തിക 1/4)
വിലപിടിപ്പുള്ള ഗൃഹോപകരണങ്ങള് വാങ്ങിക്കും. വിദ്യാര്ത്ഥികള്ക്ക് അനുകൂല സമയം. മാതാവിന് രോഗാരിഷ്ടതകള് അനുഭവപ്പെടും. മനസിനിണങ്ങിയ ജീവിതപങ്കാളിയെ കണ്ടെത്തും. കഥാകൃത്തുക്കള്ക്ക് പുതിയ കൃതികള് പ്രസിദ്ധീകരിക്കാന് സാധിക്കും. പൊതുവെ എല്ലാ കാര്യങ്ങളിലും ഉണര്വും ഉന്മേഷവും അനുഭവപ്പെടും.
ഇടവം (കാര്ത്തിക 3/4, രോഹിണി, മകയിരം 1/2)
അപ്രതീക്ഷിതമായി മേലധികാരില് നിന്നും ചില വിഷമതകള് ഉണ്ടാകും. വിദേശത്തുള്ളവര്ക്ക് ജോലി നഷ്ടപ്പെടാന് സാദ്ധ്യതയുള്ളതിനാല് ശ്രദ്ധിക്കണം. ഉപരിപഠനത്തിനായി വിദേശത്ത് പോകാന് ശ്രമിക്കുന്നവര്ക്ക് അനുകൂല സമയം. കുടുംബസ്വത്ത് അനുഭവ യോഗത്തില് വന്നുചേരും. പെട്ടെന്നു ക്ഷുഭിതരാകുകയും കര്ക്കശമായി പെരുമാറുകയും ചെയ്യും.
മിഥുനം (മകയിരം 1/2, തിരുവാതിര, പുണര്തം 3/4)
സന്താനങ്ങളുടെ വിവാഹ കാര്യത്തില് അനുകൂല തീരുമാനം ഉണ്ടാകും. കലാകായിക രംഗങ്ങളില് പ്രവര്ത്തിക്കുന്നവര്ക്ക് അംഗീകാരവും സാമ്പത്തികനേട്ടവും പ്രതീക്ഷിക്കാം. ദമ്പതികള് തമ്മില് അഭിപ്രായ വ്യത്യാസങ്ങള് വര്ദ്ധിക്കാതിരിക്കാന് ശ്രദ്ധിക്കണം.
കര്ക്കടകം (പുണര്തം 1/4, പൂയം, ആയില്യം)
ബിസിനസ് രംഗത്ത് പ്രവര്ത്തിക്കുന്നവര്ക്ക് തൊഴില്പരമായി ധാരാളം മത്സരങ്ങള് നേരിടും. ഗൃഹനിര്മ്മാണത്തിനായി പണം ചെലവഴിക്കും. കുടുംബ ജീവിതത്തിലെ അസംതൃപ്തി മാറും. രാഷ്ട്രീയരംഗത്ത് പ്രവര്ത്തിക്കുന്നവര് പൊതുവേദിയില് ശോഭിക്കും. കലാരംഗത്തു പ്രവര്ത്തിക്കുന്നവര്ക്ക് പ്രശസ്തിയും അംഗീകാരവും ലഭിക്കും.
ചിങ്ങം (മകം, പൂരം, ഉത്രം 1/4)
വിദേശത്ത് നിന്നും മനസ്സിന് സന്തോഷം തരുന്ന സന്ദേശങ്ങള് ലഭിക്കും. ഗൃഹത്തില് ബന്ധു സമാഗമം പ്രതീക്ഷിക്കാം. നഷ്ടപ്പെട്ടു എന്നു കരുതിയ പൂര്വികസ്വത്ത് തിരികെ കിട്ടും. കഠിനമായ പരിശ്രമത്തിലൂടെ സാമ്പത്തിക നേട്ടം. മുന്കോപം നിയന്ത്രിക്കണം. സന്താന ലബ്ധിക്കായി കാത്തിരിക്കുന്ന ദമ്പതികള്ക്ക് മനഃക്ലേശത്തിന് സാദ്ധ്യത.
കന്നി (ഉത്രം 3/4, അത്തം, ചിത്തിര 1/2)
സര്ക്കാരില് നിന്നും ലഭിക്കാനുള്ള ആനുകൂല്യം ലഭിക്കും. ഗൃഹനിര്മ്മാണത്തിന് ഉദ്ദേശിക്കുന്നവര്ക്ക് അനുകൂല സമയം. അസാധാരണ വാക്സാമര്ത്ഥ്യം പ്രകടമാക്കും. ബിസിനസ് മേഖലയില് പ്രവര്ത്തിക്കുന്നവര്ക്ക് സാമ്പത്തിക നേട്ടമുണ്ടാകും. വിദ്യാര്ത്ഥികള്ക്ക് ഉപരിപഠനത്തിന് ആഗ്രഹിക്കുന്ന വിഷയം ലഭിക്കും.
തുലാം (ചിത്തിര 1/2, ചോതി, വിശാഖം 3/4)
ഏറെ നാളുകളായി ശ്രമിച്ചിരുന്ന സ്ഥലംമാറ്റത്തിന് ഉത്തരവ് ലഭിക്കും. സന്താനങ്ങള്ക്ക് അഭിവൃദ്ധി ഉണ്ടാകും. സഹോദരാദി ഗുണം ഉണ്ടാകും. ചില കുടുംബ സുഹൃത്തുക്കള് എതിരാളികളാകും. എപ്പോഴും മനസില് ഒരുതരം ഭീതിയുണ്ടാകും.
വൃശ്ചികം (വിശാഖം 1/4, അനിഴം, തൃക്കേട്ട)
മനസിന് സന്തോഷവും സമാധാനവും ലഭിക്കും. ജീവിതപങ്കാളിയുടെ ആരോഗ്യകാര്യങ്ങള്ക്കായി പണം ചെലവഴിക്കും. പല വിധത്തില് സാമ്പത്തികനേട്ടം പ്രതീക്ഷിക്കാം. ആരോഗ്യപരമായി ചെരിയ ബുദ്ധിമുട്ടുകള് അനുഭവപ്പെടും.
ധനു (മൂലം, പൂരാടം, ഉത്രാടം 1/4)
വിദേശത്ത് നിന്നും സാമ്പത്തിക നേട്ടം പ്രതീക്ഷിക്കാം. വിലപിടിപ്പുള്ള ഗൃഹോപകരണങ്ങള് വാങ്ങിക്കും. ഉദ്യോഗാര്ത്ഥികള്ക്ക് പ്രതീക്ഷിച്ചിരുന്ന ജോലി ലഭിക്കും. പിതൃസ്വത്ത് സംബന്ധമായി അഭിപ്രായ വ്യത്യാസമുണ്ടാകും.
മകരം (ഉത്രാടം 3/4, തിരുവോണം, അവിട്ടം 1/2)
സാമൂഹിക-സാഹിത്യ രംഗത്തുള്ളവര്ക്ക് അംഗീകാരവും പ്രശസ്തിയും ലഭിക്കും. വാഹനമോ ഭൂമിയോ സ്വന്തമാക്കാന് അവസരം ഉണ്ടാകും. പുതിയ സുഹൃദ് ബന്ധം മുഖേന ജീവിതത്തില് മാറ്റം ഉണ്ടാകും. സഹോദരങ്ങളുമായി തീരുമാനിച്ച് പുതിയ പദ്ധതികള് ആവിഷ്ക്കരിക്കും.
കുംഭം (അവിട്ടം 1/2, ചതയം, പൂരുരുട്ടാതി 3/4)
കലാരംഗത്ത് പ്രവര്ത്തിക്കുന്നവര്ക്ക് അവസരങ്ങള് കുറയും. പ്രമോഷന് ശ്രമിക്കുന്ന സര്ക്കാര് ജീവനക്കാര്ക്ക് തടസങ്ങള് നേരിടും. എല്ലാ കാര്യങ്ങളിലും ചെറിയ അലസത അനുഭവപ്പെടും. ചെറിയ തോതില് മാനസിക വിഷമങ്ങള് അനുഭവപ്പെടും. മനസിനിണങ്ങിയ ജീവിത പങ്കാളിയെ കണ്ടെത്തുന്നതില് വിജയിക്കും.
മീനം (പൂരുരുട്ടാതി 1/4, ഉതൃട്ടാതി, രേവതി)
ഗൃഹത്തില് ബന്ധു സമാഗമം പ്രതീക്ഷിക്കാം. കര്മ്മസംബന്ധമായി ധാരാളം യാത്രകള് ആവശ്യമായി വരും. ബിസിനസ് രംഗത്ത് പ്രവര്ത്തിക്കുന്നവര്ക്ക് സാമ്പത്തികനേട്ടം പ്രതീക്ഷിക്കാം. ദാമ്പത്യ ജീവിതം സന്തോഷപ്രദമായിരിക്കും. സന്താനങ്ങളുമായി വിനോദത്തില് ഏര്പ്പെടും.
Click it and Unblock the Notifications
Sign in with Google