ശമ്പളം എത്ര എന്ന് ചോദിച്ചപ്പോള് അനശ്വര രാജന് നല്കിയ മറുപടി വൈറല്; 'പ്രേമലു 2' വിലും പ്രതികരണം
യുവ നടിമാരില് ശ്രദ്ധിക്കപ്പെട്ട താരമാണ് അനശ്വര രാജന്. തണ്ണീര് മത്തന് ദിനങ്ങളിലൂടെ മലയാളി മനസിനെ കീഴടക്കിയ നടി ഇപ്പോള് ഇതര ഭാഷാ ചിത്രങ്ങളിലും സജീവമാണ്. വിത്ത് ലവ് ആണ് അനശ്വരയുടെ ഏറ്റവും പുതിയ സിനിമ. ഈ മാസം ആറിന് റിലീസ് ചെയ്ത സിനിമയില് അബിഷന് ജീവിന്ത് ആണ് നായകന്. ടൂറിസ്റ്റ് ഫാമിലി എന്ന ചിത്രത്തിന്റെ സംവിധായകനായിരുന്നു അബിഷിന്.
ഒരു പെണ്കുട്ടിയുടെ കാഴ്ചപ്പാടില് നിന്ന് പ്രണയം പറയുന്ന സിനിമയാണ് വിത്ത് ലൗവ്. അതുതന്നെയാണ് സിനിമയിലേക്ക് തന്നെ ആകര്ഷിച്ച ഘടകം എന്നും അനശ്വര പറയുന്നു. തണ്ണീര് മത്തന് ദിനങ്ങള് ഏറ്റെടുത്ത പോലെ മലയാളി പ്രേക്ഷകര് തന്റെ പുതിയ സിനിമയും സ്വീകരിക്കുമെന്ന പ്രതീക്ഷയാണ് അനശ്വര രാജന് പങ്കുവയ്ക്കുന്നത്.
സിനിമയുടെ പ്രൊമോഷന്റെ ഭാഗമായി നടന്ന അഭിമുഖത്തിനിടെ രസകരമായ ചില ചോദ്യങ്ങള്ക്ക് അനശ്വര നല്കിയ മറുപടികള് സോഷ്യല് മീഡിയയില് വൈറലാണിപ്പോള്. ശമ്പളം എത്രയാണ്, മമതിയുമായി സൗഹൃദമുണ്ടോ, സൂപ്പര് ഹിറ്റ് ചിത്രമായ പ്രേമലുവിന്റെ രണ്ടാംഭാഗത്തില് അനശ്വര ഉണ്ടാകുമോ തുടങ്ങിയ ചോദ്യങ്ങള്ക്കെല്ലാം താരം പ്രതികരിച്ചു.
അനശ്വര രാജന് പഠനം നിര്ത്തിയിട്ടില്ല. പ്ലസ് ടു കഴിഞ്ഞ് ഡിഗ്രി ഡിസ്റ്റന്റ് ആയി ചെയ്യുകയാണ്. ബിഎസ്ഡബ്ല്യു ചെയ്യുന്നുണ്ടെന്ന് അനശ്വര വ്യക്തമാക്കി. മമതി ബൈജവുമായി ഇപ്പോഴും നല്ല സൗഹൃദമുണ്ട്. അനശ്വര രാജന് എന്നു തന്നെയാണ് യഥാര്ഥ പേര് എന്ന് ഒരു ചോദ്യത്തിന് മറുപടിയായി നടി പറഞ്ഞു. സിനിമയിലെത്തിയാല് പേര് മാറ്റുന്ന രീതി സിനിമാ ലോകത്ത് സാധാരണമാണ്. എന്നാല് അനശ്വര അങ്ങനെ ചെയ്തിട്ടില്ല..
'ശമ്പളവും വയസും ചോദിക്കാന് പാടില്ല'
ശമ്പളം എത്ര എന്നതുമായി ബന്ധപ്പെട്ട ചോദ്യത്തിന് സരസമായിട്ടാണ് നടി മറുപടി നല്കിയത്. ഒരാളുടെ ശമ്പളവും വയസും ചോദിക്കരുത് എന്നാണ് പറയാറ് എന്നായിരുന്നു മറുപടി. ശമ്പളം പറയില്ലെന്നും അനശ്വര കൂട്ടിച്ചേര്ത്തു. പ്രേമലു രണ്ടാം ഭാഗത്തില് താനില്ലെന്നും അനശ്വര വ്യക്തമാക്കി. മമത ബൈജുവും നസ്ലെനും മല്സരിച്ച് അഭിനയിച്ച വന് ഹിറ്റ് ചിത്രത്തിന്റെ രണ്ടാംഭാഗത്തിന് ആരാധകര് കാത്തിരിക്കുകയാണ്.
അനശ്വര രാജന്റെ ചര്മ സംരക്ഷണ രഹസ്യം എന്താണ് എന്ന ചോദ്യത്തിന് പ്രത്യേകിച്ച് ഒന്നും ചെയ്യുന്നില്ലെന്നും നന്നായി വെള്ളം കുടിക്കാറുണ്ടെന്നും നടി പറഞ്ഞു. ഇനി സിനിമകള് തിരഞ്ഞെടുക്കുമ്പോള് കൂടുതല് ശ്രദ്ധിക്കുമെന്ന് അനശ്വര പറയുന്നു. റാങ്കി, തഗ്സ് എന്നീ സിനിമകള് ചെയ്തതില് ചില പാളിച്ച വന്നുവെന്നും താരം സൂചിപ്പിച്ചു.
അനശ്വരയും മമിതയും ഒന്നിച്ച അവസാന സിനിമ സൂപ്പര് ശരണ്യയാണ്. ഇരുവരും മികച്ച അഭിപ്രായം നേടിയ സിനിമയായിരുന്നു അത്. അതുപോലുള്ള സ്ക്രിപ്റ്റുകള് വന്നാല് ഉറപ്പായും ചെയ്യുമെന്ന് അനശ്വര പറഞ്ഞു.
-
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
സര്ക്കാര്-സ്വകാര്യ മേഖലയിലെ ശമ്പളം തുല്യമാകുമോ? ശമ്പള കമ്മീഷന് പറയുന്നത് -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി
Click it and Unblock the Notifications
Sign in with Google