ബിജു മേനോനെ പിന്തുണച്ച് അനൂപ് മേനോന്; എതിര്ത്ത് ബാദുഷ, പ്രൊമോഷന് വിവാദം ചൂടുപിടിച്ചു
കൊച്ചി: സിനിമാ പ്രൊമോഷന് വിവാദത്തില് നടന് ബിജു മേനോന് പിന്തുണയുമായി നടനും തിരക്കഥാകൃത്തുമായ അനൂപ് മേനോന്. അഭിമുഖങ്ങള് നല്കുന്നതില് അല്ല, സിനിമയുടെ മേന്മയാണ് പ്രേക്ഷകരെ തിയേറ്ററുകളില് എത്തിക്കുകയും സിനിമ വിജയിപ്പിക്കുകയും ചെയ്യുകയെന്ന് അനൂപ് മേനോന് പറഞ്ഞു. അതേസമയം, ബിജു മേനോനെതിരെ നിര്മാതാവും പ്രൊഡക്ഷന് കണ്ട്രോളറുമായ എന്എം ബാദുഷ രംഗത്തെത്തി.
ബിജു മേനോന് സിനിമയുടെ പ്രൊമോഷനുമായി സഹകരിക്കാത്തത് ഫെഫ്ക ജനറല് സെക്രട്ടറി ബി ഉണ്ണികൃഷ്ണന് ആണ് ആദ്യം പരസ്യമാക്കിയത്. തൊട്ടുപിന്നാലെ നിര്മാതാവ് അനൂപ് കണ്ണന് നടന് ബിജു മേനോനെതിരെ നിയമ നടപടി സ്വീകരിക്കുമെന്ന് വ്യക്തമാക്കുകയും ചെയ്തു. ബിജു മേനോന് വിഷയത്തില് ഇതുവരെ പ്രതികരിച്ചിട്ടില്ല. ഈ വേളയിലാണ് അനൂപ് മേനോനും ബാദുഷയും രംഗത്തുവന്നിരിക്കുന്നത്.
വട്ടംകൂടിയിരുന്ന് അഭിമുഖം നല്കുന്നതല്ല പ്രൊമോഷന് എന്ന് അനൂപ് മേനോന് പറയുന്നു. നല്ല സിനിമ ആളുകള് കാണും. സിനിമയുടെ ട്രെയിലല് ആണ് പ്രധാനപ്പെട്ട പ്രൊമോഷന് എന്നും അനൂപ് മേനോന് പറഞ്ഞു. പുതിയ സിനിമയായ ഈ തനിനിറത്തിന്റെ പ്രചാരണ വേളയില് മാധ്യമപ്രവര്ത്തകരോട് സംസാരിക്കുകയായിരുന്നു അനൂപ് മേനോന്.
അഭിമുഖം നല്കിയാല് സിനിമ വിജയിക്കുമെങ്കില് ആദ്യ ദിവസം തന്നെ എല്ലാ സിനിമകള്ക്കും ആളുകള് വരണമല്ലോ. പ്രൊമോഷന് കൊണ്ടുമാത്രം സിനിമയിലേക്ക് ജനങ്ങളെ ആകര്ഷിക്കുമെന്ന് തോന്നുന്നില്ല. സിനിമ അതിന്റെ മൂല്യം കൊണ്ടാണ് വിജയിക്കുക.റിലീസ് ആയ ശേഷമാണ് പ്രൊമോഷന് ചെയ്യേണ്ടത്. സിനിമയുടെ ട്രെയിലര് കണ്ടാണ് പ്രേക്ഷകര് തീരുമാനമെടുക്കുക. അതുകൊണ്ട് ട്രെയിലര് ആണ് കൂടുതല് പ്രമൊട്ട് ചെയ്യേണ്ടതെന്നും അനൂപ് മേനോന് പറഞ്ഞു.
കശ്മീരില് ഷൂട്ടിങില് ആണെങ്കിലോ?
മുമ്പ് സിനിമകളുടെ പോസ്റ്റര് ഒട്ടിക്കുമായിരുന്നു. ഇപ്പോള് അച്ചടിക്കുന്നുണ്ടെങ്കിലും പൂര്ണമായി ഒട്ടിക്കുന്നില്ല. താരങ്ങള് കരാറില് ഒപ്പിടുമ്പോള് പ്രൊമോഷന് വരുമെന്ന് സമ്മതിക്കാറുണ്ട്. എന്നാല് പ്രൊമോഷന് വരേണ്ട സമയം കരാറിലുണ്ടാകില്ല. സിനിമ റിലീസ് ചെയ്യുന്ന വേളയില് കശ്മീരിലെ മിലിറ്ററി ഭാഗത്ത് മറ്റൊരു സിനിമയുടെ ഷൂട്ടിങില് ആണെങ്കില് എങ്ങനെ വരാന് സാധിക്കും. അതിന് ആ സിനിമയുടെ നിര്മാതാവ് വിടുമോ എന്നും അനൂപ് മേനോന് ചോദിക്കുന്നു.
പരസ്പരമുള്ള വിശ്വാസത്തിലാണ് ഇതെല്ലാം മുന്നോട്ട് പോകുന്നത്. നിര്മാതാവും ആര്ട്ടിസ്റ്റുകളും നല്ല ബന്ധമുണ്ടാകുമ്പോള് പ്രൊമോഷന് വരുന്നുണ്ട് എന്നും അനൂപ് മേനോന് പറഞ്ഞു. അതേസമയം, വിഷയത്തില് ഇതുവരെ ബിജു മേനോന് പ്രതികരിച്ചിട്ടില്ല എന്നതാണ് എടുത്തു പറയേണ്ടത്. 25 ലക്ഷം രൂപ നഷ്ടപരിഹാരം ആവശ്യപ്പെട്ട് ബിജു മേനോനെതിരെ നിര്മാതാവ് അനൂപ് കണ്ണന് കോടതിയെ സമീപിക്കുമെന്നാണ് പുതിയ വിവരം.
എല്ലാ താരങ്ങളുമില്ലെങ്കിലും ചില താരങ്ങള് സിനിമയോട് വിമുഖത കാണിക്കുന്നുണ്ടെന്ന് ബാദുഷ പ്രതികരിച്ചു. ബി ഉണ്ണികൃഷ്ണന് സൂചിപ്പിച്ച നടനും അതിലുണ്ട്. കരാര് ഒപ്പിടുമ്പോള് പ്രൊമോഷന് സഹകരിക്കണം എന്ന് നിര്ദേശിച്ചിട്ടുള്ളതാണ്. സിനിമയോടും നിര്മാതാവിനോടും പ്രതിബദ്ധത കാണിക്കാത്തത് മോശമാണെന്നും ബാദുഷ പറയുന്നു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google