ആ സെൽഫി 20 ലക്ഷം പേർ കണ്ടു, പതിനായിരം രൂപയും കിട്ടി, ഇങ്ങനെ പേടിക്കല്ലെടാ കമ്മികളേ എന്ന് അഖിൽ മാരാർ

ബിഗ് ബോസ് വിജയിയും സംവിധായകനുമായ അഖിൽ മാരാർ കൊട്ടാരക്കരയിൽ കോൺഗ്രസ് സ്ഥാനാർത്ഥിയായി മത്സരിച്ചേക്കുമെന്ന് അഭ്യൂഹങ്ങളുണ്ടായിരുന്നു. എന്നാൽ ഐഷ പോറ്റി കോൺഗ്രസിൽ എത്തിയതോടെ അഖിൽ മാരാരുടെ സാധ്യത മങ്ങി.

അഖിൽ മാരാർ സ്ഥാനാർത്ഥിയാകുമോ എന്ന ചോദ്യത്തിന് രമേശ് ചെന്നിത്തല നൽകിയ ഉത്തരം സോഷ്യൽ മീഡിയയിൽ ഇടത് ഹാൻഡിലുകൾ വൈറലാക്കിയിരുന്നു. ഇതിന് പിന്നാലെ രമേശ് ചെന്നിത്തലയ്ക്ക് ഒപ്പം ഭക്ഷണം കഴിക്കുന്ന ചിത്രം പങ്കുവെച്ച് അഖിൽ മാരാർ മറുപടിയുമായി എത്തി. തന്നെ സോഷ്യൽ മീഡിയയിൽ എതിർക്കുമ്പോൾ തനിക്ക് പണമാണ് ഫേസ്ബുക്കിലൂടെ കിട്ടുന്നത് എന്ന് വ്യക്തമാക്കി കമ്മ്യൂണിസ്റ്റുകാരെ പരിഹസിക്കുകയാണ് അഖിൽ മാരാർ.

അഖിൽ മാരാരുടെ ഫേസ്ബുക്ക് കുറിപ്പ് വായിക്കാം: '' സഖാക്കൾ സത്യത്തിൽ ഒരു ഐശ്വര്യമാണ്... തലയ്ക്കു ബോധവും വെളിവും ഇല്ലാത്ത ഇവരെ പറ്റിച്ചു ഇത്ര നാളും പിണറായിയും സംഘവും സുഖിച്ചെങ്കിൽ ഇപ്പോൾ ഈ വിഡ്ഢികളെ പറ്റിച്ചു ആർക്കും ജീവിക്കാം... കഴുതകളെ ആരെങ്കിലും കമ്മ്യൂണിസ്റ് എന്ന് വിളിച്ചാൽ അവർ ആ നിമിഷം തല തല്ലി ചാകും. അത്രയ്ക്ക് തലച്ചോർ മരവിച്ച ഒരു വിഭാഗമാണ് ഇവരിൽ ഭൂരിഭാഗവും... ബുദ്ധിയുള്ള കമ്മ്യൂണിസ്റ്, വിഡ്ഢിയായ കമ്മ്യൂണിസ്റ് എന്ന് രണ്ട് വിഭാഗം ഇല്ല. കമ്മ്യൂണിസ്റ് ആയാൽ അവന്റെ തലയ്ക്കുള്ളിൽ ചിന്തിക്കാനുള്ള ശേഷി നശിച്ചു എന്നാണ് ഞാൻ മനസിലാക്കിയിട്ടുള്ളത്...

കാലങ്ങൾ ആയി പാവപ്പെട്ടവൻ എന്നും ദളിതൻ എന്നും പറഞ്ഞു മനുഷ്യനെ എല്ലാ കാലത്തും വിഭജിച് ഭരിച്ച കമ്മ്യൂണിസ്റ് പാർട്ടിയെ നിങ്ങൾക്ക് മനസ്സിലാക്കി തരാൻ ഒരു കാര്യം ഞാൻ പറയാം.. 30 വർഷം മുൻപ് എന്റെ വീട് പലക കൊണ്ട് ഭിത്തി സൃഷ്ട്ടിച്ച ഓല മേഞ്ഞ ഒന്നായിരുന്നു... ഏതാണ്ട് ഞങ്ങളുടെ നാട്ടിലെ നായരുടെയും, ഈഴവരുടെയും, പുലയ, കുറവ,വിശ്വകർമ സമൂഹങ്ങളുടെ ഒക്കെ വീടുകൾ ഏറെക്കുറെ തുല്യമായിരുന്നു..

ജാതിയുടെ പ്രൌഡി ചില നായന്മാർ പറയും എന്നല്ലാതെ സാമ്പത്തികമായി പലരും ഏറെക്കുറെ ഒരുപോലെ കഴിഞ്ഞ കാലത്ത് നിന്ന് 2020ലേക്ക് എത്തുമ്പോൾ നായർ, ഈഴവ കുടുംബങ്ങളിൽ വലിയ സാമ്പത്തിക മാറ്റങ്ങൾ വന്നു.. പല കുടുംബങ്ങളും ഇരുനില മാളികകൾ പണിതു.. എല്ലാവരും കാറുകൾ വാങ്ങി... നല്ല രീതിയിൽ ജീവിക്കുന്നു...ഈ കുടുംബങ്ങളിലെ ചെറുപ്പക്കാർ പലരും രക്ഷപ്പെട്ടു.

എന്നാൽ നാമ മാത്രമായ അല്ലെങ്കിൽ സ്വഭാവികമായ ഒരു മാറ്റം മാത്രമാണ് ദളിത്‌ കുടുംബങ്ങളിൽ കാണാൻ കഴിഞ്ഞത്.. 2025 ലെ പഞ്ചായത്ത്‌ തിരഞ്ഞെടുപ്പിലും സഖാക്കൾ ഈ പാവങ്ങളോട് പറഞ്ഞു നടക്കുന്നത് ഞങ്ങൾ അധികാരത്തിൽ വന്നാൽ നിങ്ങളെ രക്ഷപെടുത്തും എന്നാണ്.. ഈ കുടുംബങ്ങളിലെ നല്ലൊരു ശതമാനം ചെറുപ്പക്കാരെയും പാർട്ടി അടിമകൾ ആക്കി നിരവധി കേസുകളിൽ പെടുത്തി നശിപ്പിച്ചു അവരുടെ കൂടെ നിർത്തുന്നു..

സഹകരണ ബാങ്കുകൾ വഴി കൊള്ള പലിശയ്ക്കു പണം വായ്പ നൽകി അത് തിരിച്ചടയ്ക്കാൻ കഴിയാത്ത അവസ്ഥ ആക്കി ജാതിയുടെ പേരിൽ ഭീഷണി പെടുത്തി പാർട്ടി അടിമകൾ ആക്കി മാറ്റുന്നു.. തമ്പ്രാനെ എന്ന വിളി മാറി പകരം ഭയ ഭക്തിയോടെ സഖാവെ എന്നൊരു മാറ്റം കൊണ്ട് വന്നു എന്നതാണ് കമ്മ്യൂണിസ്റ് പാർട്ടി സൃഷ്ട്ടിച്ച മാറ്റം.. അല്ലെങ്കിൽ ബിരിയാണി തിന്നിട്ട് എല്ലിൻ കഷ്ണം കൊടുത്തിട്ട് ആ നന്മ സമൂഹത്തോട് വിളിച്ചു പറയും.. കിട്ടിയ എല്ലിൻ കഷ്ണം സഖാക്കളുടെ നന്മ ആണെന്ന് പാവങ്ങൾ വിശ്വസിക്കുന്നു.. 30 വർഷം മുൻപുള്ള നായർ കമ്മ്യൂണിസ്റ്റും, ഈഴവ കമ്മ്യൂണിസ്റ്റും ഒക്കെ ഇന്ന് മുതലാളിമാർ ആയി മാറി..

ഞാൻ ഈ പറഞ്ഞത് നിങ്ങളുടെ ഓരോ പ്രദേശത്തും എന്താണെന്ന് തിരക്കി നോക്ക്.. ഏത് രീതിയിൽ ആണ് കമ്മ്യൂണിസ്റ് പാർട്ടി ദളിതരെ നശിപ്പിചതെന്നും അത് എന്തിനു വേണ്ടി ആണെന്നും പാർട്ടിയിലെ മറ്റ് ജാതിക്കാരുടെ വളർച്ച നോക്കിയിട്ട് നിങ്ങൾ പറയു...ചിന്തിക്കു.. കണ്ണും മനസ്സും തുറന്ന് പിടിച്ചു ബോധ തലത്തിൽ ചിന്തിക്കു..

ഇനി എന്റെ കാര്യം, ഞാൻ കോൺഗ്രസ്സ് പാർട്ടിയിൽ പോയാൽ ആ പാർട്ടിക്ക് നഷ്ടമാണെങ്കിൽ നിങ്ങൾ അതിനെ പ്രോത്സാഹിപ്പിക്കുക അല്ലെ വേണ്ടത്..? എന്തിനാണ് കൂട്ടമായി ആക്രമിച്ചു ആക്ഷേപിച്ചു ആഘോഷിക്കുന്നത്..? തോൽക്കും എന്നുറപ്പുള്ള എനിക്ക് കോൺഗ്രസ്‌ സീറ്റ് തന്നാൽ സന്തോഷിക്കുക അല്ലെ വേണ്ടത്..? നിങ്ങൾക്ക് ലവ ലേശം ബോധം ഇല്ല എന്ന് ഞാൻ പറഞ്ഞത് എന്ത് കൊണ്ടാണെന്നു ഭാവിയിൽ സംഭവിക്കാൻ പോകുന്നത് കാണുമ്പോൾ നിങ്ങൾക്ക് ബോധ്യപ്പെടും.. രമേശ്‌ ജിയുമായുള്ള ഉച്ച ഭക്ഷണ സെൽഫി ഒന്നര ദിവസം കൊണ്ട് 20 ലക്ഷം പേരോളം കണ്ടു.. എനിക്ക് പതിനായിരം രൂപയും കിട്ടി.. ഇപ്പോൾ മനസിലായോടാ വിഡ്ഢികളെ നിന്റെയൊക്കെ ആവേശവും ആക്ഷേപവും എനിക്ക് എങ്ങനെയാണു ഗുണം ആവുന്നതെന്നു..

NB : രോഗം വരും എന്ന് ചിന്തിച്ചു ഭയപ്പെട്ടാൽ അത് വരും... വരുന്നതിനു മുൻപേ ഭയക്കരുത് വന്നിട്ട് പിന്നെ ഭയക്കാൻ കഴിഞ്ഞെന്ന് വരില്ല.. ലളിതമായി പറഞ്ഞാൽ, ഇങ്ങനെ പേടിക്കല്ലെടാ കമ്മികളെ..''