വീക്കെൻഡ് ആഘോഷമാക്കാം! 'സർവ്വം മായ' മുതൽ 'ചാമ്പ്യൻ' വരെ; ഈ ആഴ്ച ഒടിടിയിൽ എത്തുന്ന ചിത്രങ്ങൾ ഇതാ

മലയാള സിനിമയ്ക്കും സിനിമാ പ്രേമികൾക്കും ഏറെ ആവേശം നൽകുന്ന ഒരു വാരമാണിത്. തിയേറ്ററുകളിൽ വൻ വിജയം നേടിയ ചിത്രങ്ങളും ആകാംക്ഷയോടെ കാത്തിരുന്ന പുതിയ റിലീസുകളും ഈ ആഴ്ച വിവിധ ഒടിടി പ്ലാറ്റ്‌ഫോമുകളിൽ ലഭ്യമാകും. പ്രധാനമായും 5 ചിത്രങ്ങളാണ് ഇപ്പോൾ പ്രേക്ഷക ശ്രദ്ധ പിടിച്ചുപറ്റുന്നത്.

1.സർവ്വം മായ (Sarvam Maya)

മലയാളത്തിന്റെ പ്രിയ നടൻ നിവിൻ പോളിയുടെ കരിയറിലെ ഏറ്റവും ലിയ ബോക്സ് ഓഫീസ് വിജയങ്ങളിൽ ഒന്നായ 'സർവ്വം മായ' ഒടിടിയിൽ എത്തുകയാണ്. അഖിൽ സത്യൻ രചനയും സംവിധാനവും നിർവഹിച്ച ഈ ചിത്രം നിവിൻ പോളിയുടെ ആദ്യ 100 കോടി ചിത്രം കൂടിയാണ്. തിയേറ്ററുകളിൽ കുടുംബപ്രേക്ഷകരുടെ വലിയ പിന്തുണ നേടിയ ഈ ചിത്രം ജനുവരി 30 മുതൽ ജിയോ ഹോട്ട്സ്റ്റാറിൽ (Jio Hotstar) സ്ട്രീമിംഗ് ആരംഭിക്കും. ഒരു ആത്മീയ യാത്രയുടെയും മനുഷ്യബന്ധങ്ങളുടെയും കഥ പറയുന്ന ഈ ചിത്രം ഒടിടിയിലും വലിയ സ്വീകാര്യത നേടുമെന്നാണ് പ്രതീക്ഷിക്കുന്നത്.

2.ചാമ്പ്യൻ (Champion)

മലയാളികളുടെ പ്രിയ നടി അനശ്വര രാജൻ ആദ്യമായി തെലുങ്ക് സിനിമയിൽ നായികയായി എത്തുന്ന ചിത്രമാണ് 'ചാമ്പ്യൻ'. റോഷൻ മേക്ക നായകനാകുന്ന ഈ ചിത്രം ഒരു കായിക പശ്ചാത്തലത്തിലുള്ള ആക്ഷൻ ഡ്രാമയാണ്. ദേശീയ പുരസ്കാര ജേതാവായ പ്രദീപ് അദ്വൈതം സംവിധാനം ചെയ്ത ഈ ചിത്രം ജനുവരി 29 മുതൽ നെറ്റ്ഫ്ലിക്സിൽ (Netflix) ലഭ്യമാണ്.

3.വാ വാത്തിയാർ(Vaa Vaathiyar)

കാർത്തിയും കൃതി ഷെട്ടിയും ഒന്നിക്കുന്ന അഡ്വഞ്ചർ കോമഡി ചിത്രമാണിത്. നലൻ കുമാരസാമി സംവിധാനം ചെയ്ത ഈ ചിത്രം തിയേറ്ററുകളിൽ വലിയ സ്വീകാര്യത നേടിയിരുന്നു. ജനുവരി 28 മുതൽ ജിയോ ഹോട്ട്സ്റ്റാറിലൂടെ ഈ ചിത്രം പ്രദർശനത്തിനെത്തി. തമിഴിന് പുറമെ മലയാളം, തെലുങ്ക്, കന്നഡ, ഹിന്ദി ഭാഷകളിലും ഇത് ലഭ്യമാണ്.

4.ശേഷിപ്പ് (Sheshippu)
സ്ത്രീ സുരക്ഷയും മാനസിക ആഘാതങ്ങളും പ്രമേയമാക്കിയ ഒരു സാമൂഹിക ഡ്രാമയാണ് 'ശേഷിപ്പ്'. മീനാക്ഷി ജയൻ കേന്ദ്രകഥാപാത്രത്തെ അവതരിപ്പിക്കുന്ന ഈ ചിത്രം സൺ നെക്സ്റ്റ് (Sun NXT) പ്ലാറ്റ്‌ഫോമിൽ ജനുവരി 23 മുതൽ ലഭ്യമാണ്. ഗൗരവകരമായ പ്രമേയങ്ങൾ ഇഷ്ടപ്പെടുന്നവർക്ക് ഈ ചിത്രം തീർച്ചയായും ഒരു മികച്ച കാഴ്ചാനുഭവം നൽകും..

5.സിറൈ (Sirai)
വിക്രം പ്രഭു നായകനായ ക്രൈം ഡ്രാമയാണ് 'സിറൈ'. തിയേറ്ററുകളിൽ വൻ വിജയം നേടിയ ഈ ചിത്രം ഇപ്പോൾ സീ5 (ZEE5) പ്ലാറ്റ്‌ഫോമിൽ സ്ട്രീമിംഗ് തുടരുന്നു.

തിയേറ്ററുകളിൽ ഈ ചിത്രങ്ങൾ കാണാൻ വിട്ടുപോയവർക്കും വീട്ടിലിരുന്ന് സമാധാനമായി സിനിമ കാണാൻ ആഗ്രഹിക്കുന്നവർക്കും ഈ ആഴ്ച വലിയൊരു അവസരമാണ് ലഭിച്ചിരിക്കുന്നത്. വൈവിധ്യമാർന്ന പ്രമേയങ്ങളുള്ള ഈ ചിത്രങ്ങൾ ഒടിടി പ്ലാറ്റ്‌ഫോമുകളിൽ വൻ സ്വീകാര്യത നേടുമെന്ന് ഉറപ്പാണ്.