'എന്നെ എന്തിനാണ് ഇങ്ങനെ ക്രൂശിക്കുന്നത്?' പൊട്ടിക്കരഞ്ഞ് രേണു സുധി

മലയാളികളെ ഒന്നടങ്കം സങ്കടത്തിലാഴ്ത്തിയ കൊല്ലം സുധിയുടെ വേർപാടിന് ശേഷം അദ്ദേഹത്തിന്റെ കുടുംബത്തെ ചുറ്റിപ്പറ്റിയുള്ള വിവാദങ്ങൾ സോഷ്യൽ മീഡിയയിൽ വലിയ ചർച്ചയാകുകയാണ്. സുധിയുടെ മകൻ കിച്ചു സുധി കഴിഞ്ഞ ദിവസം പങ്കുവെച്ച വീഡിയോയ്ക്ക് പിന്നാലെ സുധിയുടെ ഭാര്യ രേണു സുധിക്ക് നേരെ കടുത്ത സൈബറാക്രമണമാണ് നടക്കുന്നത്. ഈ സാഹചര്യത്തിൽ താൻ അനുഭവിക്കുന്ന മാനസിക വിഷമങ്ങൾ പങ്കുവെച്ചുകൊണ്ട് രേണു സുധി ഫേസ്ബുക്കിൽ പങ്കുവെച്ച പുതിയ വീഡിയോ ഇപ്പോൾ വൈറലാവുകയാണ്.

സൗഹൃദങ്ങളും കുടുംബവും തകരുന്ന അവസ്ഥ

സോഷ്യൽ മീഡിയ തുറക്കാൻ പോലും പറ്റാത്ത വിധം അധിക്ഷേപങ്ങൾ വർദ്ധിച്ചതോടെയാണ് വികാരാധീനയായി രേണു രംഗത്തെത്തിയത്. "എനിക്ക് എന്തെങ്കിലും വീഡിയോ കാണാൻ ഫേസ്ബുക്ക് തുറക്കുമ്പോഴേക്ക് അധിക്ഷേപങ്ങൾ ഇങ്ങനെ വന്നുകൊണ്ടിരിക്കും. കമന്റ് ബോക്സ് തുറന്നുകഴിഞ്ഞാൽ ഞാൻ എന്തോ വലിയ അപരാധം ചെയ്തു എന്ന മട്ടിലാണ് എല്ലാവരുടെയും പ്രതികരണം. നിരവധി ആണുങ്ങളെയും പെണ്ണുങ്ങളെയും തകർക്കുന്ന സ്ത്രീ തന്നെ പറ്റി ഇട്ട ഫെയ്സ് ബുക്ക് പോസ്റ്റ് കണ്ടപ്പോഴാണ് തന്നെ ടാർഗറ്റ് ചെയ്യുകയാണെന്ന് മനസിലാകുന്നതെന്ന് രേണു പറയുന്നു. വളരെ വികാരാധീനയാണ് രേണു കാര്യങ്ങൾ പറയുന്നത്. മകൻ കിച്ചുവിനെ ഇതുവരെ വേദനിപ്പിച്ചിട്ടില്ല എന്നും അവർ പറയുന്നു.

വിവാദങ്ങൾക്ക് പിന്നിൽ

കൊല്ലം സുധിയുടെ മകൻ കിച്ചു സുധി തന്റെ ജീവിതത്തിലുണ്ടായ കയ്പേറിയ അനുഭവങ്ങൾ പങ്കുവെച്ചുകൊണ്ടുള്ള വീഡിയോ പുറത്തുവിട്ടതോടെയാണ് വിവാദങ്ങളുടെ തുടക്കം. ബാല്യകാലം മുതൽ താൻ നേരിട്ട അവഗണനകളെക്കുറിച്ചും അച്ഛന്റെ മരണശേഷം രേണുവിന്റെ വീട്ടിൽ താൻ നേരിട്ട ഒറ്റപ്പെടലിനെക്കുറിച്ചും കിച്ചു വികാരാധീനനായാണ് സംസാരിച്ചത്. ഈ വീഡിയോ വൈറലായതോടെയാണ് രേണുവിനെതിരെ സോഷ്യൽ മീഡിയയിൽ വലിയ തോതിൽ പ്രതിഷേധവും അധിക്ഷേപവും ഉയർന്നത്.

സൈബർ ഇടങ്ങളിലെ വിചാരണ

യഥാർത്ഥത്തിൽ എന്താണ് സംഭവിച്ചതെന്ന് അന്വേഷിക്കാതെ വ്യക്തിഹത്യ നടത്തുന്ന സൈബർ ആക്രമിപ്പുകാർക്കെതിരെ രേണു രൂക്ഷമായി പ്രതികരിക്കുന്നുണ്ട്. സോഷ്യൽ മീഡിയയിൽ കണ്ടന്റ് ക്രിയേറ്റ് ചെയ്യുന്നവർ പലരും തന്നെ വെച്ച് വരുമാനമുണ്ടാക്കുകയാണെന്നും രേണു ആരോപിക്കുന്നു. താൻ കരയുന്നത് കണ്ടാൽ പോലും അത് 'മുതലക്കണ്ണീർ' എന്ന് പറഞ്ഞ് പരിഹസിക്കുന്നവർക്ക് തന്റെ അവസ്ഥ മനസ്സിലാകില്ലെന്നും, എന്നാൽ കൂടെ ഒരുപാട് പേര് ഉണ്ടെന്നും അവർക്ക് നന്ദിയെന്നും രേണു കണ്ണീരോടെ പറയുന്നു.

കൊല്ലം സുധിയുടെ വിയോഗം ഏൽപ്പിച്ച ആഘാതത്തിൽ നിന്നും കുടുംബം കരകയറുന്നതിനിടെയുണ്ടായ ഈ പുതിയ വിവാദങ്ങൾ സോഷ്യൽ മീഡിയയിൽ പ്രചരിക്കുകയാണ് രേണു സുധിയെ അനുകൂലിച്ചും പ്രതികൂലിച്ചും നിരവധി പേരാണ് പോസ്റ്റുകൾ ഇടുന്നത്. എന്നാൽ സൈബറാക്രമണങ്ങൾ ഒരാളുടെ മാനസിക നിലയെ എത്രത്തോളം തകർക്കുമെന്നതിന്റെ തെളിവാണ് രേണു സുധിയുടെ ഈ പ്രതികരണം.