സബ്‌സ്‌ക്രിപ്ഷനുമായി രേണു സുധി; ആദ്യ ദിനത്തില്‍ 400ലേറെ സബ്‌സ്‌ക്രൈബര്‍മാര്‍: അഹാനയെ കടത്തിവെട്ടി

സോഷ്യല്‍ മീഡിയ താരമായ രേണു സുധിയുമായി ബന്ധപ്പെട്ട വിവാദങ്ങളാണ് സമൂഹ മാധ്യമങ്ങളില്‍ നിറഞ്ഞു നില്‍ക്കുന്നത്. ബിഗ് ബോസ് സീസണ്‍ ഏഴില്‍ മത്സരാര്‍ത്ഥിയായ ശേഷം ലഭിച്ചിരുന്ന പിന്തുണ ഇപ്പോള്‍ ഓരോ ദിവസവും രേണുവിന് കുറഞ്ഞു വരുന്നതാണ് കാണുന്നത്. പലപ്പോഴും ഓണ്‍ലൈന്‍ മാധ്യമങ്ങള്‍ക്ക് മുന്നില്‍ രേണു നടത്തുന്ന പ്രസ്താവനകളാണ് രേണുവിന് വിനയാകുന്നത്. സഹായിച്ചവരെയൊക്കെ തള്ളിപ്പറയുന്ന നിലപാടാണ് രേണു സ്വീകരിക്കുന്നതെന്ന ആരോപണവും ശക്തമാണ്.

ബിഗ് ബോസില്‍ നിന്ന് ഇറങ്ങിയ ശേഷം നിരവധി ഉദ്ഘാടന ചടങ്ങുകളാണ് രേണുവിന് ലഭിക്കുന്നത്. വിദേശത്ത് ഉള്‍പ്പെടെ മലയാളികളുടെ സ്ഥാപനങ്ങളില്‍ മുഖ്യാതിഥിയായി ചെന്ന് രേണു തരംഗം സൃഷ്ടിച്ചിരുന്നു. പ്രതിഫലവും കുത്തനെ ഉയര്‍ത്തി. വിമര്‍ശനങ്ങള്‍ ശക്തമാണെങ്കിലും രേണുവിന് ഫേസ്ബുക്കിലും ഇന്‍സ്റ്റഗ്രാമിലും ഫോളോവേഴ്‌സ് അനുദിനം കൂടുന്ന കാഴ്ചയാണ് കാണുന്നത്. ഈ അവസരം മുതലാക്കി രേണു ഇന്‍സ്റ്റഗ്രാമിലെ പുതിയ ഫീച്ചറായ സബ്‌സ്‌ക്രിപ്ഷന്‍ സേവനം ആരംഭിച്ചിരിക്കുകയാണ്. എക്‌സ്‌ക്ലൂസീവ് കണ്ടന്റ് എന്ന വാഗ്ദാനവുമായാണ് രേണു രംഗത്ത് വന്നിരിക്കുന്നത്. ഇപ്പോള്‍ നിരവധി സെലിബ്രിറ്റികള്‍ പണം വാങ്ങി ഇത്തരം എക്‌സ്‌ക്ലൂസീവ് കണ്ടന്റുകള്‍ സൃഷ്ടിക്കുന്നുണ്ട്. പണം അടച്ചാണ് സബ്‌സ്‌ക്രിപ്ഷന്‍ എടുക്കേണ്ടത്.

ഇത്തരം എക്‌സ്‌ക്ലൂസീവ് കണ്ടന്റിനെ ശരീരപ്രദര്‍ശനമായി പലരും തെറ്റിദ്ധരിക്കാറുണ്ട്. എന്നാല്‍ നിരവധി സെലിബ്രിറ്റികളും ഇത് തങ്ങളുടെ നിലപാടുകള്‍ വ്യക്തമാക്കാനും ആരാധകരുമായി കുറച്ചുകൂടി അടുത്ത് സംവദിക്കാനും ഒക്കെ സബ്‌സ്‌ക്രിപ്ഷന്‍ സേവനം ഉപയോഗപ്പെടുത്താറുണ്ട്. ഈ ഫീച്ചറില്‍ പങ്കുവയ്ക്കുന്ന പോസ്റ്റുകളും സ്റ്റോറികളും ഒക്കെ മെമ്പര്‍ഷിപ്പ് എടുത്തവര്‍ക്ക് മാത്രമാണ് ലഭിക്കുന്നത്. നിരവധി പേരാണ് വരുമാന മാര്‍ഗം എന്ന നിലയില്‍ സബ്‌സ്‌ക്രിപ്ഷന്‍ ആരംഭിച്ചിരിക്കുന്നത്. ഈ ഫീച്ചറിന്റെ വിപണി മൂല്യം തിരിച്ചറിഞ്ഞാണ് രേണു സുധിയും ഇപ്പോള്‍ സബ്‌സ്‌ക്രിപ്ഷന്‍ ആരംഭിച്ചിരിക്കുന്നത്. ഒരു മാസത്തേക്ക് 199 രൂപയ്ക്കാണ് സബ്‌സ്‌ക്രിപ്ഷന്‍. രേണു ഇതിലൂടെ എന്തു കണ്ടന്റുകളാണ് നല്‍കുന്നതെന്ന് വ്യക്തമാക്കിയിട്ടില്ല.

സമൂഹ മാധ്യമങ്ങളില്‍ നിരവധി ശത്രുക്കളുണ്ടെങ്കിലും രേണുവിനെ എക്‌സ്‌ക്ലൂസീവ് ആയി കാണാന്‍ ഫോളോവേഴ്‌സിന്റെ തള്ളിക്കയറ്റം തന്നെ ഉണ്ടായി. സബ്‌സ്‌ക്രിപ്ഷന്‍ ആരംഭിച്ച് ഒരു ദിവസത്തിനുള്ളില്‍ ഏകദേശം 400-ന് അടുത്ത് സബ്‌സ്‌ക്രൈബര്‍മാരെ ലഭിച്ചു കഴിഞ്ഞു. ഇതിനകം 576 ലേറെ സബ്‌സ്‌ക്രൈബര്‍മാരെ രേണുവിന് ലഭിച്ചുകഴിഞ്ഞു. ഒരു ദിവസം കൊണ്ട് 85,000 രൂപ രേണുവിന് ലഭിച്ചെന്നാണ് പല യൂട്യൂബര്‍മാരും പറയുന്നത്.

സമൂഹമാധ്യമങ്ങളില്‍ ഏറ്റവും അധികം ആരാധകരുള്ള സോഷ്യല്‍ മീഡിയ താരവും നടിയുമായ അഹാന കൃഷ്ണയ്ക്ക് പോലും 146 സബ്‌സ്‌ക്രൈബര്‍മാര്‍ മാത്രമാണുള്ളത്. വരും ദവസങ്ങളില്‍ രേണു എന്ത് കണ്ടന്റുകള്‍ നല്‍കുമെന്നാണ് സോഷ്യല്‍ മീഡിയ ഉറ്റുനോക്കുന്നത്.