വിജയ് ചിത്രത്തിന്റെ ടിക്കറ്റ് കിട്ടാക്കനി; ബെംഗളൂരുവില് ടിക്കറ്റ് വില 2000, പ്രി സെയ്ലില് 35 കോടി
ബെംഗളൂരു: വിജയ് ചിത്രം ജനനായകന്റെ ടിക്കറ്റ് കിട്ടാനില്ല. എല്ലാ തിയേറ്ററുകളിലും ബുക്കിങ് പൂര്ണം. ഏറ്റവും ഒടുവില് ടിക്കറ്റിന് 2000 രൂപ വരെ എത്തി. ജനുവരി ഒമ്പതിന് പൊങ്കല് റിലീസ് ആയിട്ടാണ് ജനനായകന് എത്തുന്നത്. ആഗോള തലത്തില് പ്രി സെയില് ഇനത്തില് 35 കോടി രൂപ ചിത്രം ഇതിനകം സ്വന്തമാക്കി. വമ്പന് പ്രതീക്ഷയിലാണ് സിനിമ എത്തുന്നത്. വിജയുടെ അവസാന ചിത്രമാണിത് എന്ന പ്രത്യേകത കൂടിയുണ്ട്.
ബുക്ക് മൈ ഷോ ആപ്പ് വഴി ജനനായകന് ടിക്കറ്റ് കിട്ടാനില്ല. ബെംഗളരുവിലെ മുകുന്ദ് തിയേറ്ററില് രാവിലെ 6.30നാണ് ആദ്യ ഷോ. മുകുന്ദില് 2000 രൂപ വരെ ടിക്കറ്റ് വില എത്തി. ബെംഗളൂരുവിലെ മറ്റു തിയേറ്ററുകളില് 1000 രൂപ കടന്നു. ഏറ്റവും കുറഞ്ഞ ടിക്കറ്റ് നിരക്ക് 800 രൂപയാണത്രെ. ചെന്നൈ, ഡല്ഹി, ഹൈദരാബാദ്, മുംബൈ എന്നിവിടങ്ങളില് ടിക്കറ്റ് കിട്ടാനില്ല. കൊച്ചിയില് 350 രൂപയാണ് ടിക്കറ്റ് വില.
തമിഴ്നാട്ടില് ബുക്കിങ് തുടങ്ങിയിട്ടില്ല എന്നാണ് ചില മാധ്യമങ്ങള് റിപ്പോര്ട്ട് ചെയ്യുന്നത്. സിബിഎഫ്സിയുടെ സര്ട്ടിഫിക്കറ്റ് ലഭിക്കാന് കാത്തിരിക്കുകയാണത്രെ. ചില മാറ്റങ്ങള് വരുത്തണമെന്ന് സിബിഎഫ്സി നിര്ദേശിച്ചിരുന്നു. കേരളത്തിലും കര്ണാടകയിലും ഉള്പ്പെടെ ബുക്കിങ് തുടങ്ങിയിട്ടുണ്ട്. പൂജ ഹെഗ്ഡെ, ബോബി ഡിയോള്, മമിത ബൈജു തുടങ്ങി മിക്ക സിനിമാ മേഖലയില് നിന്നുമുള്ള താരങ്ങള് അണിനിരക്കുന്നതിനാല് വലിയ സ്വീകാര്യത ലഭിക്കുമെന്ന് നേരത്തെ ഉറപ്പിച്ചിരുന്നു.
2023ല് പുറത്തിറങ്ങിയ ബാലകൃഷ്ണ നായകനായ ചിത്രം ഭഗവന്ത് കേസരിയുടെ റീമേക്കാണ് ജനനായകന് എന്ന പ്രചാരണമുണ്ട്. തന്റെ അവസാന ചിത്രമാണ് ജനനായകന് എന്ന് വിജയ് മലേഷ്യയില് വച്ച് പറഞ്ഞിരുന്നു. സിനിമ രംഗം വിട്ട് അദ്ദേഹം രാഷ്ട്രീയത്തില് സജീവമാകാന് തീരുമാനിച്ചിരിക്കുകയാണ്. തമിഴക വെട്രി കഴകം (ടിവികെ) പാര്ട്ടി വരുന്ന തിരഞ്ഞെടുപ്പില് അധികാരത്തിലെത്തുമെന്നാണ് വിജയ് ആരാധകരുടെ പ്രതീക്ഷ.
വ്യത്യസ്ത വഴിയില് സഞ്ചരിക്കുന്ന വിജയ്
സിനിമാ താരങ്ങള് രാഷ്ട്രീയത്തില് ഇറങ്ങുന്നത് തമിഴകത്ത് പുതുമയുള്ള കാര്യമല്ല. എംജിആര് മുതല് കമല്ഹാസന് വരെ നീളുന്ന വലിയ താര നിര ഈ വഴിയില് കാണാം. എന്നാല് താരമൂല്യത്തിന്റെ ശതകോടിയില് നില്ക്കുന്ന വേളയില് വിജയ് നടത്തുന്ന നീക്കം അപൂര്വമാണ്. വിജയ് സിനിമാ അഭിനയം നിര്ത്തുന്നതില് ആശങ്ക പ്രകടിപ്പിച്ച് പല താരങ്ങളും രംഗത്തുവന്നു.
തനിക്ക് ഏറ്റവും ഇഷ്ടമുള്ള കാര്യമാണ് സിനിമാ അഭിനയം. അതാണ് ജനങ്ങളെ സേവിക്കാന് വേണ്ടി ഒഴിവാക്കുന്നത് എന്ന് വിജയ് പറയുന്നു. അടുത്ത ഏപ്രില് മാസത്തിലാണ് തമിഴ്നാട്ടില് നിയമസഭാ തിരഞ്ഞെടുപ്പ്. ഏറ്റവും ഒടുവില് പുറത്തുവന്ന അഭിപ്രായ സര്വെ പ്രകാരം തിരഞ്ഞെടുപ്പില് വിജയ് തിളങ്ങുമെങ്കിലും ഡിഎംകെക്ക് അധികാരം നഷ്ടമാകില്ല എന്നാണ് വ്യക്തമാക്കുന്നത്.
-
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
നിങ്ങള് ക്രിക്കറ്റ് പ്രേമിയാണോ? ബെംഗളൂരു മെട്രോയില് സൗജന്യമായി യാത്ര ചെയ്യാം: നിബന്ധനകള് ഇങ്ങനെ -
ഡെപ്പോസിറ്റ് കൊടുത്തത് 70,000; കിട്ടിയത് 17000; ബെംഗളൂരുവില് ഫ്ളാറ്റ് വാടകയ്ക്ക് എടുക്കുന്നവര് അറിയാന് -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും!
Click it and Unblock the Notifications
Sign in with Google