കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സ്വാതി സംഗീതോത്സവം കൊച്ചിയില്‍

  • By Staff
Google Oneindia Malayalam News

കൊച്ചി: സ്വാതി സംഗീതോത്സവം ആഗസ്ത് 26 തിങ്കളാഴ്ച മുതല്‍ കൊച്ചിയില്‍ തുടങ്ങും. സംഗീതോത്സവവും സ്വരഗംഗ വര്‍ക്ഷോപ്പും സാംസ്കാരികമന്ത്രി ജി. കാര്‍ത്തികേയന്‍ ഉദ്ഘാടനം ചെയ്യും.

കേരള സംഗീത നാടകഅക്കാദമിയും തഞ്ചാവൂര്‍ സൗത്ത് സോണ്‍ കള്‍ച്ചറല്‍ സെന്ററും കേരളാ ഫൈന്‍ ആര്‍ട്സ് സൊസൈറ്റിയും സംയുക്തമായാണ് ഇത് സംഘടിപ്പിക്കുന്നത്. അഞ്ചുദിവസം നീണ്ടുനില്ക്കുന്ന സംഗീതോത്സവം എറണാകുളം ഫൈന്‍ ആര്‍ട്സ് ഹാളില്‍ നടക്കും. ഹിന്ദുസ്ഥാനിയും കര്‍ണ്ണാടകസംഗീതവും ഇഴചേര്‍ന്നതായിരിക്കും ഈ സംഗീതോത്സവം. രമേഷ് നാരായണന്‍, നെയ്യാറ്റിന്‍കര വാസുദേവന്‍, ഗുന്ദേച്ചാ സഹോദരന്മാര്‍, വിജയലക്ഷ്മി സുബ്രമണ്യന്‍ എന്നിവര്‍ പങ്കെടുക്കുമെന്ന് കേരള സംഗീത നാടകഅക്കാദമി വൈസ് ചെയര്‍മാന്‍ ടി.എം. എബ്രഹാം വാര്‍ത്താസമ്മേളനത്തില്‍ പറഞ്ഞു.

ഉദ്ഘാടന ദിവസമായ തിങ്കളാഴ്ച നെയ്യാറ്റിന്‍കര വാസുദേവനും രമേഷ് നാരായണനും കച്ചേരി അവതരിപ്പിക്കും. രണ്ടാം ദിവസം സ്വാതിതിരുനാള്‍ സംഗീതവും കേരളത്തിന്റെ തനത് സംഗീതവും എന്ന വിഷയത്തില്‍ സെമിനാര്‍ നടക്കും. തുടര്‍ന്ന് ആര്യനാട് ജി. സദാശിവന്റെ കച്ചേരി.

മൂന്നാം ദിവസം തൃശൂര്‍ മോഹനും സംഘവും അവതരിപ്പിക്കുന്ന കച്ചേരി. നാലാം ദിവസം ഗുന്ദേച്ചാ സഹോദരന്മാരുടെ ദ്രുപദ് സംഗീതം. താളവാദ്യവും സോപാനസംഗീതവും എന്ന വിഷയത്തില്‍ സെമിനാര്‍ നടക്കും. ആഗസ്ത് 30ന് സമാപനച്ചടങ്ങ് ടൂറിസം മന്ത്രി കെ.വി. തോമസ് ഉദ്ഘാടനം ചെയ്യും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X