• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അമ്മയുടെ കാവ്യസപര്യയെക്കുറിച്ച് മകള്‍..

  • By Staff

കൊച്ചി: മലയാളത്തില്‍ ഒരു പക്ഷെ ഇത്തരം ഒരു പുസ്തകം അപൂര്‍വമായിരിക്കാം. അമ്മയുടെ കാവ്യജീവിതത്തിന്റെ കയറ്റിറക്കങ്ങളും സര്‍ഗ്ഗസംഘര്‍ഷങ്ങളും മകള്‍ എഴുതുക. അങ്ങിനെ നാലപ്പാട്ടെ സാഹിത്യത്തറവാട് ഒരിയ്ക്കല്‍ കൂടി സാഹിത്യചരിത്രത്തില്‍ സ്ഥാനം പിടിക്കുന്നു.

കവയിത്രി ബാലാമണിയമ്മയെക്കുറിച്ച് മകള്‍ ഡോ. സുലോചനയെഴുതിയ പേനയാല്‍ തുഴഞ്ഞ ദൂരം പ്രസിദ്ധീകരിക്കും മുമ്പ് ചര്‍ച്ചാവിഷയമായി. ഇപ്പോള്‍ സുലോചനയുടെ കൊച്ചിയിലെ കീര്‍ത്തി നഗറിലെ വീട്ടില്‍ നടന്ന പുസ്തകപ്രകാശനച്ചടങ്ങും നാലപ്പാട്ടെ സാഹിത്യത്തറവാടിന്റെ ഒത്തുചേരല്‍ വഴി കൗതുകമായി. പുസ്തകത്തിന്റെ പ്രകാശനച്ചടങ്ങുകളോ, തന്റെ കാവ്യസപര്യയെപ്പറ്റി മകളുടെ വീടിന്റെ പൂമുഖത്ത് സാഹിത്യകാരന്മാര്‍ പ്രസംഗിക്കുന്നതോ ഒന്നും അറിയാതെ അബോധാവസ്ഥയില്‍ കഴിയുകയാണ് ബാലാമണിയമ്മ.

പുസ്തകപ്രകാശനച്ചടങ്ങ് ഉദ്ഘാടനം ചെയ്തത് കവി ഡോ. അയ്യപ്പപണിക്കരാണ്. എല്ലാ ജീവികളുടെയും ഐക്യമാണ് ബാലാമണിയമ്മയുടെ ദര്‍ശനം. അവരുടെ ജീവിതം തന്നെ ഒരു തീര്‍ത്ഥയാത്രയാണ്. ആവര്‍ത്തനവിരസമല്ലാതെ ആ ജീവിതം നോക്കിക്കാണാന്‍ ശ്രമിക്കുകയാണ് ഡോ. സുലോചന- അയ്യപ്പപണിക്കര്‍ പറഞ്ഞു.

പുസ്തകത്തിന്റെ ഒരു പ്രതി മറ്റൊരു മകള്‍ കൂടിയായ സാഹിത്യകാരി കമല സുരയ്യയ്ക്ക് നല്കിക്കൊണ്ടായിരുന്നു പ്രകാശനച്ചടങ്ങ്. കണ്ണിന്റെ കാഴ്ചപോയാലും കാതിന്റെ ശ്രവണശേഷി നഷ്ടമായാലും നാം പരാജയപ്പെടില്ല എന്ന് അമ്മയുടെ കിടപ്പ് ബോധ്യപ്പെടുന്നുവെന്ന് കമലാ സുരയ്യ പറഞ്ഞു.

കമല സുരയ്യയുടെ മകന്‍ എം.ഡി. നാലപ്പാടും ചടങ്ങില്‍ പങ്കെടുത്തു.

lok-sabha-home

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more