സൂര്യയുടെ എഫ് എം ചാനല് സൂര്യന്
സൂര്യ ടിവിയുടെ ഉടമസ്ഥരായ സണ്നെറ്റ്വര്ക്ക് രണ്ട് എഫ് എം റേഡിയോ ചാനലുകള് തുടങ്ങി. കോയമ്പത്തൂരില് നിന്നും തിരുനല്വേലിയില് നിന്നുമാണിവ. ഇവരുടെ മൂന്നാമത്തെ എഫ് എം ചാനല് ചെന്നൈയില് നിന്ന് വൈകാതെ തുടങ്ങും.
സൂര്യന് എഫ് എം എന്നാണ് ചാനലിന്റെ പേര്.
മാര്ച്ച് ഏഴ് വെള്ളിയാഴ്ചയാണ് രണ്ട് ചാനലുകളും പ്രക്ഷേപണം തുടങ്ങിയത്. കോയമ്പത്തൂര്, തിരുനല്വേലി നഗരങ്ങളില് നിന്ന് 120 കിലോമീറ്റര് വരെ ഈ പ്രക്ഷേപണം കിട്ടും. ഈ രണ്ട് ചാനലുകളും കേരളത്തിന്റെ ചില ഭാഗങ്ങളിലും കിട്ടുമെന്നതാണ് പ്രത്യേകത. കോയമ്പത്തൂര് ചാനല് കേരളത്തിലെ പാലക്കാട്, വയനാട്, തൃശൂര് എന്നീ ജില്ലകളിലാണ് കിട്ടുന്നത്. തിരുനല് വേലി ചാനല് തിരുവനന്തപുരത്തും കൊല്ലത്തും ലഭ്യമാവും.
പ്രാദേശിക പ്രാധാന്യമുള്ള പരിപാടികളാവും ഈ ചാനലുകളില് കിട്ടുക. തമിഴിന് തന്നെയായിരിയ്ക്കും പ്രാമുഖ്യം. സംഗീതമായിരിയ്ക്കും പ്രധാനമായും പ്രക്ഷേപണം ചെയ്യുക. പരിപാടിയുടെ വിശദ വിവരങ്ങള് ഇതുവരെ വ്യക്തമാക്കിയിട്ടില്ല.