Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കേരളത്തില്‍ ബോളിവുഡ് സുന്ദരിമാരുടെ പോരാട്ടം
ജോയ് ആലുക്കാസ് വെഡ്ഡിങ് കാസില്‍ പേരുമാറിയതാണ് ജോളി സില്‍ക്ക്‌സ്. ജോയ് ആലുക്കാസിന്റെ ഭാര്യയുടെ പേരാണ് ജോളി. ജോളി സില്‍ക്‌സ് പേരുമാറിയെത്തുമ്പോള്‍ രാജ്യാന്തരതലത്തില്‍ ശ്രദ്ധേയമാകണമെന്നുള്ളതുകൊണ്ടാണ് വിദ്യാബാലനെ തന്നെ ബ്രാന്‍ഡ് അംബാസഡറായി കൊണ്ടുവന്നത്. മികച്ച നടിക്കുള്ള ദേശീയ അവാര്‍ഡ് ലഭിച്ചതോടെ താരമൂല്യം കൂടിയതും മലയാളിയാണെന്നതും തങ്ങളുടെ സ്ഥാപനത്തിനു ഗുണം ചെയ്യുമെന്നാണ് ആലുക്കാസിന്റെ കണക്കുകൂട്ടല്‍. സുരേഷ്‌ഗോപിയുടെ ശബ്ദത്തോടെയാണ് ജോളി സില്‍ക്‌സിന്റെ വിദ്യാബാലന്‍ പരസ്യം ചാനലുകളില്‍ പ്രത്യക്ഷപ്പെടുന്നത്.
തൊട്ടുപിന്നാലെയാണ് കല്യാണ്‍ ്ജ്വല്ലേഴ്‌സ് തങ്ങളുടെ ബ്രാന്‍ഡ് അംബാസഡറായി ഐശ്വര്യ റായിയെ തിരഞ്ഞെടുത്തത്. സുസ്മിത സെന്‍ ആയിരുന്നു ഇതുവരെ കല്യാണിന്റെ ബ്രാന്‍ഡ് അംബാസഡര്‍. ഐശ്വര്യ റായി ആദ്യമായിട്ടാണ് ഇന്ത്യന്‍ കമ്പനിക്കു വേണ്ടി ബ്രാന്‍ഡ് അംബാസഡര്‍ ആകുന്നത്. രാജ്യാന്തര സൗന്ദര്യ വര്‍ധക വസ്തുക്കളുടെ മോഡലായിട്ടാണ് അവര്‍ ഇതുവരെ പ്രത്യക്ഷപ്പെട്ടിരുന്നത്. ഒരു കോടിയിലധികം രൂപ ചെലവിട്ടാണ് ഐശ്യര്യയുടെ പരസ്യം കല്യാണ്‍ ഒരുക്കുന്നതു തന്നെ. രാജ്യത്തെ എല്ലായിടത്തേക്കും വ്യാപിക്കാനുള്ള ഒരുക്കത്തിന്റെ മുന്നോടിയായിട്ടാണ് ഈ പരസ്യം ചാനലുകളില്‍ സംപ്രേക്ഷണം ചെയ്യുക. ഈ പരസ്യത്തില്‍ ഐശ്വര്യയ്ക്ക് അണിയാനുള്ള ആഭരണങ്ങളെല്ലാം കല്യാണിന്റെ മുതിയ മോഡലുകളായിരിക്കും.
വസ്ത്രരംഗത്തായിരുന്നു ഇതുവരെ കേരളത്തിലെ സ്ഥാപനങ്ങളില്‍ ദേശീയ-അന്തര്‍ദേശീയ മോഡലുകളെ കൊണ്ടുവന്നിരുന്നത്. ജയലക്ഷ്മി സില്‍ക്ക്‌സിന്റെ പരസ്യത്തില്‍ ചാര്‍ലിന ലൂയിസ് ഡി കാര്‍ലി, ശീമാട്ടിയുടെ കമീല എന്നിവര്‍ നേരത്തെ തന്നെ മലയാളികളുടെ മനസില്‍ ഇടം പിടിച്ചിരുന്നു. കാഴ്ചയില്‍ ഇന്ത്യന്‍ സുന്ദരിമാരെ പോലെ തോന്നുമെന്നതുകൊണ്ടാണ് ഈ ്ബ്രസീല്‍ യുവതികളെ മോഡലുകളാക്കിയത്. അതോപോലെ ജോസ്‌കോ ജ്വല്ലറിയുടെ പരസ്യത്തില്‍ വിക്രമിനൊപ്പം പ്രത്യക്ഷപ്പെടുന്നതും ബ്രസീല്‍ സുന്ദരിയാണ്. മരിയാന ഡി ലുക്കാസ് ആണ് ഷീ ഈസ് ലൈക് ഏന്‍ ഏഞ്ചല്‍ എന്ന പാട്ടിനൊപ്പം വിക്രമിന്റെ കൂടെ സ്‌ക്രീനില്‍ വരുന്നത്. ജോസ്‌കോയുടെ ബ്രാന്‍ഡ് അംബാസഡറായി വിക്രം എത്തിയപ്പോള്‍ ജോസ് ആലുക്കാസിന്റെ ബ്രാന്‍ഡ് അംബാസഡര്‍ വിജയ് ആയിരുന്നു. തമിഴ്‌നാട്ടില്‍ പെട്ടന്നുതന്നെ വേരോടാന്‍ ഈ രണ്ടുബ്രാന്‍ഡ് അംബാസഡര്‍മാര്‍ സഹായിച്ചു എന്നു പ്രത്യേകം പറയേണ്ടതില്ലല്ലോ.
മമ്മൂട്ടി, മോഹന്‍ലാല്‍, ദിലീപ്, പൃഥ്വിരാജ് എന്നിവരായിരുന്നു ആദ്യകാലത്ത് ഇവിടുത്തെ പ്രമുഖ കമ്പനികളുടെയൊക്കെ ബ്രാന്‍ഡ് അംബാസഡര്‍മാര്‍. എന്നാല്‍ കേരളം വിട്ട് രാജ്യാന്തര തലത്തിലേക്ക് ഈ സ്ഥാപനങ്ങളെല്ലാം വളര്‍ന്നതോടെ കോടികള്‍ പ്രതിഫലം പറ്റുന്ന വന്‍കിട മോഡലുകള്‍ എത്താന്‍ തുടങ്ങി. കല്യാണിലും ജോളി സില്‍ക്ക്‌സിലും ഈ യുദ്ധം നില്‍്ക്കില്ല എന്നുറപ്പാണ്.
