സുരക്ഷിത സെക്സ് വേണമെന്ന് ഷെര്ലിന് ചോപ്ര
സുരക്ഷിതമായ സെക്സിനെ കുറിച്ചുള്ള ബോധവത്കരണം രാജ്യത്ത് ആവശ്യമാണെന്ന് ത്രിഡി കാമസൂത്രയിലെ നായിക ഷെര്ലിന് ചോപ്ര. ഇക്കാര്യത്തില് ലോകം പക്വത കാണിച്ചേ മതിയാകൂ-ലോക എയിഡ്സ് ദിനത്തോടനുബന്ധിച്ച് ഒവൈഇ റേഡിയോ ചാനലില് സംസാരിക്കുമ്പോഴാണ് ഈ ഹോട്ട് മോഡല് തന്റെ അഭിപ്രായം തുറന്നു പറഞ്ഞത്.
രണ്ടു മണിക്കൂര് ദൈര്ഘ്യമുള്ള പരിപാടി ഡല്ഹി, മുംബൈ, കൊല്ക്കത്ത, അമൃത്സര്, ജോധ്പൂര്, പട്യാല, ഷിംല നഗരങ്ങളില് ലഭ്യമായിരുന്നു. ഇന്ത്യയെ രോമാഞ്ചം കൊള്ളിയ്ക്കുന്ന പേരാണ് ഷെര്ലിന് ചോപ്രയുടെത്. ട്വിറ്ററില് ഒന്നരലക്ഷത്തോളം ഫോളോവേഴ്സുള്ള, യുവാക്കളുടെ ഹരമായ ഈ നടിയില് നിന്നു പുറത്തുവരുന്ന വാക്കുകള്ക്ക് ഏറെ പ്രധാന്യമുണ്ടെന്ന് റേഡിയോ അധികൃതര് വ്യക്തമാക്കി.
പ്ലേ ബോയ് മാസികയുടെ കവര് ചിത്രമായ ആദ്യ ഇന്ത്യക്കാരിയാണ് ഷെര്ലിന് ചോപ്ര. മൃഗസ്നേഹികളുടെ സംഘടനയായ പെറ്റയ്ക്കുവേണ്ടിയും ഈ മോഡല് തുണിയുരിഞ്ഞിരുന്നു.
നഗ്നചിത്രങ്ങള് കണ്ട് ട്വിറ്റര് അധികൃതരും ഞെട്ടിയെന്നു വേണം കരുതാന്. ഫോട്ടോ അപ് ചെയ്യാനുള്ള സൗകര്യം തന്നെ ഒഴിവാക്കി കൊണ്ടാണ് ട്വിറ്റര് പ്രതികരിച്ചത്. ഏതായാലും ഷെര്ലിന് ഇപ്പോഴും ട്വിറ്ററില് സജീവമാണ്.
മലയാളിയായ രൂപേഷ് പോള് സംവിധാനം ചെയ്യുന്ന ത്രിഡി ചിത്രമായ കാമസൂത്രയിലെ നായികയെന്ന നിലയിലാണ് ഷെര്ലിന് ഇപ്പോള് തിളങ്ങി നില്ക്കുന്നത്.
നടീനടന്മാരുടെ മുന്ഭാഗങ്ങള് കാണിച്ചുകൊണ്ടുള്ള ചിത്രീകരണത്തിന് ഇന്ത്യയില് വിലക്കുള്ളതിനാല് ഷെര്ലിന് കാമസൂത്രയുടെ ഷൂട്ടിങുമായി ബന്ധപ്പെട്ട് ലോസ് ആഞ്ചലസിലേക്ക് പറക്കുന്നതിന്റെ തിരക്കിലാണ്.