അവിഹിതവും കണ്ണീരും മടുത്തു: പ്രവീണ
മലയാളം ചാനലുകളില് സീരിയലുകളുടെ എണ്ണം കൂടിക്കൊണ്ടിരിക്കുകയാണ്. രാവും പകലുമില്ലാതെ സീരിയലുകള് പുനസംപ്രേഷണം ചെയ്തുകൊണ്ടിരിക്കുന്നു. സിനിമയില് നിന്നും പുറന്തള്ളപ്പെടുന്നവര്ക്കും സിനിമയില് അവസരം കുറയുന്നവര്ക്കുമെല്ലാം വന്നുചേരാവുന്ന ഇടമായി മാറിക്കഴിഞ്ഞിട്ടുണ്ട് ടെലി സീരിയലുകള്. സിനിമയില് ഒരുകാലത്ത് സജീവമായിരുന്ന നടിമാരും നടന്മാരുമെല്ലാം ഇന്ന് സീരിയലില് അഭിനയിക്കുന്നുണ്ട്.
പ്രവീണയും ഇങ്ങനെതന്നെയാണ് സീരിയലില് എത്തിയത്. സിനിമയിലൂടെ അഭിനയത്തില് അരങ്ങേറ്റം കുറിച്ച പ്രവീണ ചില നല്ല ചിത്രങ്ങളില് അഭിനയിച്ചിട്ടുണ്ട്. പക്ഷേ സിനിമാ നടിയെന്ന നിലയ്ക്ക് ബ്രേക്കാവുന്ന ഒരു റോളും പ്രവീണയ്ക്ക് ലഭിച്ചില്ല. അഭിനയശേഷിയും മികച്ചരീതിയില് ഡബ്ബ് ചെയ്യാനുള്ള കഴിവുമുണ്ടായിട്ടും വേണ്ടത്രേ ശ്രദ്ധിക്കപ്പെടാതെ പോവുകയായിരുന്നു പ്രവീണ.
പ്രവീണ പിന്നീട് സീരിയലുകളില് അഭിനയിക്കാന് തുടങ്ങി. അവര് ദേവിയായി അഭിനയിച്ച ദേവീ മാഹാത്മ്യം എന്ന സീരിയല് വലിയ ഹിറ്റായി മാറി. പ്രവീണയുടെ ദേവീവേഷം ഏറെ പ്രശംസകളും നേടി. ഇതിനൊപ്പം തന്നെ മറ്റുചില കുടുംബകഥകള് പറയുന്ന സീരിയലുകളിലും പ്രവീണ അഭിനയിക്കാന് തുടങ്ങി.
പക്ഷേ ഇപ്പോള് താരം പറയുന്നത് തനിയ്ക്ക് സീരിയല് മടുത്തുവെന്നാണ്. എല്ലാസീരിയലുകളും അവിഹിതബന്ധങ്ങളുടെയും സ്ത്രീകളുടെ കണ്ണീരിന്റെയും കഥയാണെന്നും ഇനിയും ഇത്തരം കഥകളില് അഭിനയിക്കാന് വയ്യെന്നും പ്രവീണ പറയുന്നു.
പല സീരിയലുകളും കാഴ്ചക്കാരുടെ സാമാന്യ ബുദ്ധിയെപ്പോലും ചോദ്യം ചെയ്യുന്നതാണെന്നും അമ്മായിഅമ്മ-മരുമകള് പോരും വിവാഹേതരബന്ധങ്ങളും നിറഞ്ഞ സീരിയലുകള് മടുത്തുവെന്നും പ്രവീണ പറഞ്ഞു.
ഇപ്പോള് ഏറ്റെടുത്തിരിക്കുന്ന ജോലികൂടികഴിഞ്ഞാല് സീരിയല് വിടാനാണ് പ്രവീണയുടെ തീരുമാനം.