• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബിഗ് ബോസ് അവതാരകനാകാന്‍ സല്‍മാന് 130കോടി

  • By Lakshmi

കേസും കൂട്ടവും കോടതി കയറ്റവുമെല്ലാമുണ്ടെങ്കിലും ബോളിവുഡിന്റെ മസില്‍ മാന്‍ സല്‍മാന്‍ ഖാന് കരിയറില്‍ അതിന്റെ പ്രശ്‌നങ്ങളൊന്നുമില്ല. മികച്ച ചിത്രങ്ങളും വമ്പന്‍ പ്രതിഫലവുമെല്ലാമായി സല്‍മാന്‍ എന്ന നടന്‍ തിളക്കത്തില്‍ത്തന്നെയാണ്. കളേഴ്സ് ചാനലില്‍ പ്രദര്‍ശിപ്പിക്കുന്ന പ്രമുഖ റിയാലിറ്റിഷോയായ ബിഗ് ബോസിന്റെ ഏഴാമത്തെ സീസണിലും സല്‍മാന്‍ അവതാരകനായി എത്തുകയാണ്.

വമ്പന്‍ തുകയാണ് അവതാരകവേഷത്തിനായി സല്‍മാന്‍ ഈടാക്കുന്നത്. എപ്പിസോഡ് ഒന്നിന് അഞ്ചു കോടിയാണത്രേ സല്‍മാന്റെ പ്രതിഫലത്തുക. പരിപാടിയുടെ കരാറില്‍ ഒപ്പുവച്ചതോടുകൂടി ടെലിവിഷന്‍ രംഗത്ത് ഏറ്റവും ഉയര്‍ന്ന പ്രതിഫലം വാങ്ങുന്ന ഇന്ത്യന്‍ താരമായി സല്‍മാന്‍ മാറിയിരിക്കുകയാണ്. ബിഗ് ബോസിന്റെ അവസാനസീസണിലും സല്‍മാന്‍ തന്നെയായിരുന്നു അവതാരകന്‍. അന്ന് 2.5കോടിയായിരുന്നു ഒരു എപ്പിസോഡിന് സല്‍മാന് ലഭിച്ചിരുന്നത്. ഇപ്പോള്‍ അടുത്ത സീസണ്‍ വന്നപ്പോഴേയ്ക്കും സല്‍മാന്റെ പ്രതിഫലത്തുക ഇരട്ടിയായി മാറിയിരിക്കുകയാണ്. ഏഴാമത്തെ സീസണില്‍ 26 എപ്പിസോഡുകളാണുള്ളത്, അപ്പോള്‍ സല്‍മാന് ഷോയില്‍ നിന്നും കിട്ടുന്ന മൊത്തം വരുമാനം 130 കോടിയായിരിക്കും.

സല്‍മാന്റെ പ്രതിഫലത്തുകമാത്രമല്ല ഇത്തവണത്തെ ബിഗ് ബോസിന്റെ പ്രത്യേകത. ഇത്തവണ ഈ ഷോയില്‍ രണ്ട് തീമുകളാണുള്ളത് സ്വര്‍ഗ്ഗവും നരകവും രണ്ടിലും സല്‍മാന്‍ രണ്ട് വേഷത്തിലാണ് എത്തുക. സ്വര്‍ഗത്തില്‍ മാലാഖയായും നരകത്തില്‍ ചെകുത്താനായും സല്‍മാനെ കാണാന്‍ കഴിയും. ബിഗ് ബോസില്‍ സല്‍മാന്റെ ഡബിള്‍ റോള്‍ കാണാമെന്ന് ചുരുക്കം.

2002ലെ റോഡപകടകേസുമായി ബന്ധപ്പെട്ട് പ്രശ്‌നങ്ങളുള്ളതിനാല്‍ ബിഗ് ബോസിന്റെ ചിത്രീകരണം വേഗത്തില്‍ പൂര്‍ത്തിയാക്കുന്നതിനായി സല്‍മാന്‍ കൂടുതല്‍ സമയം നീക്കിവെയ്ക്കുകയാണത്രേ. ഷൂട്ടിങ് എത്രയും പെട്ടെന്ന് തീര്‍ക്കാനായി ഈ ഒരു ദിവസം കൊണ്ട് രണ്ട് എപ്പിസോഡുകളാണത്രേ ചിത്രീകരിക്കുന്നത്.

English summary
Salman Khan has allegedly agreed to play the host of reality show 'Bigg Boss 7' for a whooping Rs 5 crore per episode
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more