'പ്രസവിക്കാൻ താത്പര്യമില്ലാത്ത, ഉടനെ പ്രസവിക്കാനും സാധ്യതയുള്ള ഈ രാജകുമാരി', സാറാസിനെതിരെ ഹരീഷ്
കൊച്ചി: ഗര്ഭഛിദ്രത്തെ കുറിച്ച് സോഷ്യല് മീഡിയയില് ഗൗരവപൂര്ണമായ ചര്ച്ചകള് ഉയര്ത്തി വിട്ട ചിത്രമാണ് ജൂഡ് ആന്തണിയുടെ സാറാസ്. ഗര്ഭധാരണം സ്ത്രീകളുടെ ചോയ്സ് ആണെന്നതാണ് ചിത്രം മുന്നോട്ട് വെയ്ക്കുന്ന സന്ദേശം. അനുകൂലിച്ചും പ്രതികൂലിച്ചുമുളള വാദങ്ങള് ഇതുമായി ബന്ധപ്പെട്ട് ഉയരുന്നു.
അതിനിടെ ചിത്രത്തെ വിമര്ശിച്ച് നടന് ഹരീഷ് പേരടി രംഗത്ത് വന്നിരിക്കുകയാണ്. സ്വന്തം ശരീരത്തിൻ്റെ രാഷ്ട്രീയം പറയാൻ ഗർഭാവസ്ഥ തടസ്സമാവുന്നത് പുരോഗമനത്തെ കുറിച്ചുള്ള അറിവില്ലായ്മയാണ് എന്ന് ഹരീഷ് പേരടി പറയുന്നു. ചിത്രത്തിന്റെ ടെയിൽ എൻഡിനേയും താരം പരിഹസിക്കുന്നുണ്ട്.
ആഘോഷ ലഹരിയില് പുരി ജഗന്നാഥ ക്ഷേത്രം; രഥയാത്രയ്ക്കുള്ള ഒരുക്കങ്ങള് കാണാം
ഹരീഷ് പേരടിയുടെ പ്രതികരണം: ' കല്യാണം എന്ന Establishmentനോട് യോജിക്കാതെ തന്നെ ഒരു സ്ത്രിക്ക് അവൾക്ക് തോന്നുന്ന സമയത്ത് ശാസ്ത്രിയമായി..അവൾ അറിയാത്ത, ജീവിതത്തിൽ ഒരിക്കലും കാണാനും സാധ്യതയില്ലാത്ത, ഏതോ ഒരു പുരുഷൻ്റെ ബിജം സ്വീകരിച്ച് ഗർഭണിയാകാൻ സ്വാതന്ത്ര്യമുള്ള ഒരു ജനാധിപത്യ രാഷ്ട്രത്തിലാണ് നമ്മൾ ജീവിക്കുന്നത്...
എനിക്ക് പ്രസവിക്കണ്ടാ എന്ന് ആവർത്തിച്ച് പറയുന്ന ഒരു പെൺകുട്ടിയെ പിന്നെയും കല്യാണം, കുടുംബം തുടങ്ങിയ വ്യവസ്ഥാപിത സബ്രദായങ്ങൾക്കിടയിൽ പൂട്ടിയിട്ട് സിനിമയുണ്ടാക്കുമ്പോൾ ജയിലിൽ സ്വാതന്ത്രത്തിനെ കുറിച്ച് നല്ല കവിത എഴുതിയ തടവുകാരന് സമ്മാനം കൊടുക്കുന്നതു പോലെ തോന്നി.. കരയുന്ന കുട്ടിയെ ഒന്ന് എടുക്കാൻ പോലും താത്പര്യം കാണിക്കാത്ത ഈ പെൺകുട്ടി എന്ത് സിനിമയാണ് ഉണ്ടാക്കുന്നത് എന്ന് മനസ്സിലാക്കാനും പറ്റുന്നില്ല..
അവൾ കഥ പറയുന്ന സമയത്തൊക്കെ സംഗീതം കൊണ്ട് രംഗങ്ങൾ നിശബ്ദമാക്കപ്പെടുന്നുമുണ്ട്.. (ചില സിനിമകളിൽ തെറികൾ പറയുമ്പോൾ mute ചെയ്യുന്നതുപോലെ).. അന്യൻ്റെ കുട്ടികളും നമ്മുടെ കുട്ടികളാണെന്ന് കരുതി കേരളം 18 കോടി കൊടുത്ത് താലോലിച്ച ഈ സമയത്ത് സ്വന്തം ശരീരത്തിൻ്റെ രാഷ്ട്രിയം പറയാൻ ഗർഭാവസ്ഥ തടസ്സമാവുന്നത് പുരോഗമനത്തെ ( മുന്നോട്ടുള്ള കുതിപ്പിനെ) കുറിച്ചുള്ള അറിവില്ലായമയാണ്... പൂർണ്ണ ഗർഭിണിയായ പോലീസ് ഓഫീസർ നായകൻ്റെ മുഖത്തേക്ക് തോക്കുചൂണ്ടി നിൽക്കുന്ന നാലാം സീസൺ കഴിഞ്ഞ് ലോകം മുഴുവൻ money heistൻ്റെ അഞ്ചാം സീസണു കാത്തിരിക്കുമ്പോൾ ആണ് ഈ സിനിമ..
ക്യാമറയേയും സംവിധായകനേയും തട്ടിമാറ്റി കടന്നു പോയ ആദാമിൻ്റെ വാരിയെല്ലുകൾ ജീവിച്ച സ്ഥലത്ത്, വിപ്ലവം നടത്തിയ സ്ഥലത്ത്, എല്ലാ establishment കളെയും അംഗീകരിച്ച പ്രസവിക്കാൻ താത്പര്യമില്ലാത്ത, എന്നാൽ ഉടനെ പ്രസവിക്കാനും സാധ്യതയുള്ള ഈ രാജകുമാരി.. മലയാള സിനിമയുടെ ഒരു രാഷ്ട്രിയ ദൂരെമേയല്ല... നായകൻ്റെ ലിംഗത്തിന് വിശുദ്ധിയുള്ളതു കൊണ്ട് ചവിട്ടേറ്റു വാങ്ങാൻ ഒരു സഹനടൻ്റെ ലിംഗവും ...മനോഹരമായ tail end...''
Recommended Video