വാട്സ് ആപ്പില് നടി ഭാമയുടെ ചിത്രം പ്രചരിയ്ക്കുന്നു... സത്യമെന്തെന്ന് ഭാമ തന്നെ പറയട്ടെ
സിനിമ താരങ്ങളുടേതെന്ന പേരില് ചിത്രങ്ങള് പ്രചരിപ്പിയ്ക്കുന്നത് ഇപ്പോള് ഒരു പതിവ് സംഭവം ആണ്. ഭാമയാണ് അതിന്റെ ഒടുവിലത്തെ ഇര.
ഭാമ മാത്രമല്ല കേട്ടോ ഇരയായത്. നടി മുക്തയും ഗായിക രഞ്ജിനി ജോസും കൂടി ഈ ചിത്രത്തിന്റെ പേരില് അപമാനിയ്ക്കപ്പെട്ടു. ഒരു മധ്യവയസ്കനെ ഇവര് മൂവരും കെട്ടിപ്പിടിച്ചിരിയ്ക്കുന്ന ചിത്രമാണ് വാട്സ് ആപ്പിലൂടെ പ്രചരിച്ചത്.
കപടസദാചാരത്തിന്റെ അപ്പോസ്തലന്മാരായ മലയാളികള് ഈ ഫോട്ടോയ്ക്ക് ചമച്ചത് ഞെട്ടിപ്പിയ്ക്കുന്ന കഥകളാണ്. ഒടുവില് ഭാമ തന്നെ സത്യം പറഞ്ഞ് ഫേസ്ബുക്കിലെത്തി.
ഭാമ
സിനിമ താരങ്ങളുടെ പേരില് അശ്ലീല ചിത്രങ്ങള് പ്രചരിപ്പിയ്ക്കുന്നത് ചിലരുടെ സ്ഥിരം പരിപാടിയാണ്. ഇപ്പോള് ഭാമയും മുക്തയും രഞ്ജിനി ജോസും ആണ് ഇത്തരത്തില് അപമാനിയ്ക്കപ്പെട്ടിരിയ്ക്കുന്നത്.
മധ്യവയസ്കനൊപ്പം
ഒരു മധ്യവയസ്കനൊപ്പം രഞ്ജിനി ജോസ്, ഭാമ, മുക്ത എന്നിവര് കെട്ടിപ്പിടിച്ചിരിയ്ക്കുന്ന ചിത്രം. ഇത് കണ്ടതോടെ സംഭവം വേറെ എന്തോ ആണെന്ന് മല്ലൂസ് ഉറപ്പിയ്ക്കുകയായിരുന്നു.
വാട്സ് ആപ്പിലെ കളികള്
ഈ ചിത്രം പിന്നീട് വാട്സ് ആപ്പിലൂടെ വ്യാപകമായി പ്രചരിയ്ക്കുകയായിരുന്നു. തീര്ത്തും അശ്ലീലമായ വിവരണങ്ങള്ക്കൊപ്പമായിരുന്നു ഇത്.
എന്താണ് സത്യം
സത്യത്തില് ആരാണ് ഈ ചിത്രത്തില് ഭാമയ്ക്കും കൂട്ടര്ക്കും ഒപ്പമുള്ളത്. പലരും ആ ചോദ്യം ചോദിച്ചിരുന്നു. ഇപ്പോഴിതാ ഭാമ തന്നെ ആ സത്യം വെളിപ്പെടുത്തുന്നു.
രഞ്ജിനിയുടെ അച്ഛന്
ഗായിക രഞ്ജിനി ജോസിന്റെ പിതാവ് ജോസ് ആണ് ഈ ചിത്രത്തില് ഉള്ളത്. ജോസ് അങ്കിള് എന്നാണ് ഭാമ വിശേഷിപ്പിയ്ക്കുന്നത്.
പണ്ടെടുത്ത പടം
2012 ല് അമേരിയ്ക്കയില് ഒരു സ്റ്റേജ് ഷോയ്ക്ക് വേണ്ടി പോയപ്പോള് എടുത്ത ചിത്രമാണിത്.
രണ്ടാം ചിത്രം
രഞ്ജിനിയും അച്ഛന് ജോസും മാത്രമുള്ള ചിത്രമാണ് രണ്ടാമത്തേത്. ഇപ്പോള് നിങ്ങള്ക്ക് കാര്യങ്ങള് മനസ്സിലായിട്ടുണ്ടാകും എന്ന് കരുതുന്നു എന്നാണ് ഭാമ പറയുന്നത്.
ഇതാണ് ഉപദേശം
വാട്സ് ആപ്പില് വരുന്ന സന്ദേശങ്ങള് ഫോര്വേഡ് ചെയ്യുന്നതിന് മുമ്പ് ഒന്ന് ആലോചിയ്ക്കണം എന്നാണ് ഭാമയുടെ അഭ്യര്ത്ഥന.
|
ഇതാണ് പോസ്റ്റ്
ഇതാണ് ഭാമയുടെ ഫേസ്ബുക്ക് പോസ്റ്റ്
കേസില്ലേ?
എന്തായാലും ഭാമ ഈ പോസ്റ്റോടെ സംഭവം അവസാനിപ്പിച്ചുവെന്നാണ് തോന്നുന്നത്. പോലീസില് പരാതിയൊന്നും നല്കിയിട്ടില്ല.