കരയുന്ന 3 ഉം ചിരിക്കുന്ന 4 ഉം ആയി ഗൂഗിള് ഡൂഡില്
ദില്ലി: 2013 ന് വിടപറഞ്ഞുകൊണ്ട് ഗൂഗിള് തയ്യാറാക്കിയ ഡൂഡിലിന് തുടര്ച്ചയായി പുതുവര്ഷ ഡൂഡിലും. വലത് വശത്ത് മാറി ആകാംക്ഷയോടെ കാത്ത് നിന്നിരുന്ന '4' ഒടുവില് '3' നെ പിടിച്ച് മാറ്റി വേദിയില് കയറി നൃത്തം വക്കാന് തുടങ്ങി.
പുതിയ ഡൂഡിലുമായിത്തന്നെ അങ്ങനെ ഗൂഗിള് പുതുവര്ഷത്തെ സ്വാഗതം ചെയ്തു.
2, 0, 1, 3, 4 അഞ്ച് അക്കങ്ങള്. ഈ അഞ്ച് അക്കങ്ങള് കൊണ്ടാണ് ഗൂഗിള് അതിമനോഹരമായ ഡൂഡില് സൃഷ്ടിച്ചിരിക്കുന്നത്. സ്ക്രീനില്, പല വര്ണങ്ങളിലായി ഇവ നൃത്തം ചെയ്യുന്നത് കാണാം.കണ്ണും, മൂക്കും, വായയും, കയ്യും കാലും ഒക്കെയുള്ള സുന്ദരന് അക്കങ്ങള്.
2013 ഡിസംബര് 31 ന് '3' എന്ന അക്കം ആഹ്ലാദ തിമിര്പില് ആയിരുന്നെങ്കില് പുതുവര്ഷം പിറന്നപ്പോള് അത് മാറി. '3' ന്റെ സ്ഥാനം '4' കയ്യടക്കി. 3 ഇപ്പോള് വലത് വശത്ത് മാറി നിന്ന് കണ്ണീരൊഴുക്കിക്കൊണ്ടിരിക്കുകയാണ്. ഇന്നലെ 4 നിന്നിരുന്ന അതേ സ്ഥാനത്ത്.
അക്കങ്ങള്ക്ക് മുകളില് പല വര്ണ്ണത്തില് ഗൂഗിള് എന്നെഴുതിയിട്ടുണ്ട്. ഇരുവശങ്ങളിലും ഓരോ സ്പീക്കറുകള് വീതം ഉണ്ട്.