മഞ്ജു വാര്യര് അങ്ങനെ ന്യൂസ് മേക്കര് ആയി
കൊച്ചി: മനോരമ ന്യൂസില് ആണ് കഴിഞ്ഞ വര്ഷത്തെ ന്യൂസ് മേക്കറെ തിരഞ്ഞെടുക്കുന്ന പരിപാടി. സരിത എസ് നായരെ ഉള്പ്പെടുത്താതെ എന്ത് ന്യൂസ് മേക്കര് എന്ന് ചോദിച്ചവര് ഒരു പാടുണ്ടായിരുന്നു. എന്നാല് ഒടുവില് ന്യൂസ് മേക്കറായി തിരഞ്ഞെടുക്കപ്പെട്ടത് മഞ്ജു വാര്യരും.
സിനിമ താരം നെടുമുടി വേണു ആണ് ന്യൂസ് മേക്കറെ പ്രഖ്യാപിച്ചത്. എന്കെ പ്രേമ ചന്ദ്രന് എംപിയും എഴുത്തുകാരി എംആര് ജയഗീതയും നെടുമുടി വേണുവിനൊപ്പം പ്രഖ്യാപന ചടങ്ങില് ഉണ്ടായിരുന്നു.
10 പേരായിരുന്നു തുടക്കത്തില് മത്സര രംഗത്തുണ്ടായിരുന്നത്. അവസാന ഘട്ടത്തിലെത്തിയപ്പോള് നാല് പേര് മാത്രമായി. ഐഎസ്ആര്ഒ ചെയര്മാര് ആയിരുന്ന ഡോ കെ രാധാകൃഷ്ണന്, ഇന്നസെന്റ്, ഹോക്കി താരം പിആര് ശ്രീജേഷ് എന്നിവരായിരുന്നു അവസാന റൗണ്ടില് മഞ്ജു വാര്യരുടെ എതിരാളികള്.
ഒരു ഘട്ടത്തില് ഡോ കെ രാധാകൃഷ്ണന് മുന്നില് നിന്നിരുന്നു എന്നാണ് വിവരം. പ്രേക്ഷകരാണ് വിജയികളെ തിരഞ്ഞെടുത്ത്. ഓണ്ലൈന് വഴിയും എസ്എംഎസ് വഴിയും ആണ് വോട്ടിങ് നടന്നത്.
തന്നെ ന്യൂസ് മേക്കറായി തിരഞ്ഞെടുത്ത വിവരം വിശ്വസിക്കാനാവുന്നില്ലെന്നാണ് മഞ്ജു വാര്യര് പ്രതികരിച്ചത്. ഏറെ സന്തോഷമുണ്ടെന്നും മഞ്ജു പറഞ്ഞു.
വര്ഷങ്ങളുടെ ഇടവേളക്ക് ശേഷം സിനിമയില് വന് തിരിച്ചുവരവാണ് മഞ്ജു നടത്തിയത്. അതിനിടെ ഭര്ത്താവും സിനിമ താകരവും ആയ ദിലീപുമായുള്ള വിവാഹ ബന്ധവും വേര്പെടുത്തിയിരുന്നു. ഇതോടെ മഞ്ജു വാര്ത്തകളില് നിറഞ്ഞു. മഞ്ജു വാര്യര് അഭിനയിച്ച ഹൗ ഓള്ഡ് ആര് യു എന്ന ചിത്രവും വന് ഹിറ്റായിരുന്നു.