എന്റെ അല് - അബുദാബിക്കാവിലമ്മേ... ഈ ട്രോളുകള് സഹിക്കാന് ശക്തി തരണേ!
അബുദാബിയില് ക്ഷേത്രം നിര്മിക്കാന് സ്ഥലം നല്കാന് സര്ക്കാര് തീരുമാനിച്ചു എന്നതായിരുന്നു മോദിയുടെ യു എ ഇ സന്ദര്ശനത്തിനിടയിലെ ചൂടുള്ള വാര്ത്ത. ചരിത്രപരമായ തീരുമാനത്തില് സന്തോഷം പ്രകടിപ്പിച്ച് മോദി ട്വീറ്റും ചെയ്തു യു എ ഇ ഭരണാധികാരികളെ നന്ദിയും അറിയിച്ചു. എന്നാല് പുകിലുകള് തുടങ്ങാന് ഇരിക്കുന്നതേ ഉണ്ടായിരുന്നുള്ളൂ.
2013ല് ഒരു വ്യവസായി സ്ഥലം വിട്ടു നല്കിയ സ്ഥലം കാണിച്ചാണ് മോദി ഈ തള്ളുന്നത് എന്നായി സോഷ്യല് മീഡിയയുടെ കണ്ടുപിടുത്തം. നടപടി ക്രമങ്ങള് പൂര്ത്തിയായെങ്കിലും ചില സാങ്കേതിക കാരണങ്ങളാല് ക്ഷേത്രനിര്മാണം നടക്കാതിരുന്നു, മോദി സന്ദര്ശനത്തോടെ അത് യാഥാര്ഥ്യമായി എന്ന് മോദി അനുകൂലികളും പറഞ്ഞുനോക്കി.
അതെന്തോ ആകട്ടെ, അബുദാബിയില് കെട്ടാനിരിക്കുന്ന ക്ഷേത്രത്തിലെ പ്രതിഷ്ഠയ്ക്ക് സോഷ്യല് മീഡിയ പേരിട്ടു കഴിഞ്ഞു. അല് - അബുദാബിക്കാവിലമ്മ. അല് - അബുദാബിക്കാവിലമ്മയുടെ രൂപവം വേഷഭൂഷാദികളുമെല്ലാം സോഷ്യല് മീഡിയ എങ്ങനെയാണ് ട്രോളുന്നത് എന്ന് നോക്കൂ...
അബുദാബിക്കാവിലമ്മയുടെ ആദ്യചിത്രം
യു എ ഇയില് ആയതിനാല് പര്ദ്ദ നിര്ബന്ധമാണല്ലോ. അങ്ങിനെയാണ് ഐ സി യുവില് ഒരു വീരന് ഇങ്ങനെ ഒരു അബുദാബിക്കാവിലമ്മയെ ഉണ്ടാക്കിയത്.
കുടമാറ്റം ഇങ്ങനെ
മരുഭൂമിയിലെവിടെയാ ആനകള്. പകരം ഒട്ടകങ്ങളെ വെച്ച് തൃപ്തിപ്പെടുക. അത്ര തന്നെ.
ലേബര് വിസ പറ്റൂല
ഗള്ഫില് അമ്പലം കെട്ടുന്നതൊക്കെ കൊള്ളാം ലേബര് വിസയിലാണെങ്കില് വരാന് ബുദ്ധിമുട്ടാകും എന്നാണ് ഒരു ദൈവം പറയുന്നത്.
ഷെയ്ക്കിനെ വരെ മാറ്റി
മോദി യു എ ഇയില് പോയി വരുന്നതിന് മുമ്പും ശേഷവും അവിടത്തെ ഒരു ഷെയ്ഖ്. എങ്ങനെയുണ്ട്
തിരുവാഭരണം വേണ്ടേ
ആറാം തമ്പുരാനിലെ തിരുവാഭരണമില്ലാതെ ലോകത്ത് എവിടെയും ഉത്സവം നടക്കില്ല എന്നായിട്ടുണ്ട്
ഒരമ്പലമങ്ങ് കെട്ടി
ലേബര് ക്യാംപ് സന്ദര്ശിച്ച മോദി തൊഴിലാളികളുടെ സങ്കടം തീര്ക്കാനാണത്രെ ഒരമ്പലം കെട്ടിക്കൊടുത്തത്
കണ്ഫ്യൂഷന് തീര്ക്കണമേ
അമ്പലവും പള്ളിയും അടുത്തടുത്തായാല് ദൈവങ്ങള്ക്കും ചിലപ്പോള് മാറിപ്പോയാലോ
കൗസല്യ സുപ്രജാ..
അബുദാബിയിലെ വരാനിരിക്കുന്ന ഒരു പുലര്കാലം കണ്ടുനോക്കൂ
ഇത് ആ ലേബര് ക്യാംപല്ല
മോദി സന്ദര്ശിച്ചതല്ല യഥാര്ഥ ലേബര് ക്യാംപ് എന്നൊരു ആരോപണം കൂടെയുണ്ട്
ഹമ്മേ എന്തൊര് തള്ള്
അമ്പലം കിട്ടിയതും താന് വന്നിട്ടാണ് എന്ന തള്ളിനുമുണ്ട് സോഷ്യല് മീഡിയയില് വിമര്ശനം
മോദിയെ അംഗീകരിക്കണം
ലേബര് ക്യാംപില് പോയതിന് മോദിയെ കളിയാക്കുകയല്ല അംഗീകരിക്കുകയാണ് വേണ്ടതെന്ന് ചിലര്.
വേറാരെങ്കിലും വന്നിട്ടുണ്ടോ
മോദി ലേബര് ക്യാംപില് വന്നതിനെ വിമര്ശിച്ചവര് ഇതിന് മുമ്പ് ഇവിടെ ആരൊക്കെ വന്നിട്ടുണ്ട് എന്ന് ഒന്ന് അന്വേഷിക്കാമോ