കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

2013 വിടപറയാന്‍ ഗൂഗിളിന്റെ ഡൂഡില്‍

  • By Soorya Chandran
Google Oneindia Malayalam News

ദില്ലി: അങ്ങനെ 2013 ലെ അവസാനത്തെ ഗൂഗിള്‍ ഡൂഡിലും പ്രത്യക്ഷപ്പെട്ടു. 2013 നോട് വിടപറഞ്ഞുകണ്ടുള്ള ആനിമേറ്റഡ് ഡൂഡിലാണ് ഗൂഗിളിന്റെ സെര്‍ച്ച് പേജ് തുറന്നാല്‍ കാണാനാകുക. ഒരു വര്‍ഷത്തെ അവസാനത്തെ ഡൂഡില്‍ എന്ന പ്രത്യേകയും ഇതിനുണ്ട്.

സുപ്രധാന ദിവസങ്ങളില്‍, ആ ദിവസത്തിന്റെ പ്രത്യേകതയെ കാണിക്കുന്ന വ്യത്യസ്തങ്ങളായ ഡൂഡിലുകളുമായാണ് ഗൂഗിളിന്റെ ഹോം പേജ് ഉണ്ടാകാറുള്ളത്. ഇത്തവണ 2013 വിടപറയുമ്പോഴും അതിന് മാറ്റമുണ്ടായില്ല.

Google Doodle

2, 0, 1, 3 ഈ വര്‍ഷത്തെ സൂചിപ്പിക്കുന്ന നാല് അക്കങ്ങള്‍. ഈ നാല് അക്കങ്ങള്‍ കൊണ്ടാണ് ഗൂഗിള്‍ അതിമനോഹരമായ ഡൂഡില്‍ സൃഷ്ടിച്ചിരിക്കുന്നത്. സ്‌ക്രീനില്‍, പല വര്‍ണങ്ങളിലായി ഈ അക്കങ്ങള്‍ നൃത്തം ചെയ്യുന്നത് കാണാം.

കണ്ണും, മൂക്കും, വായയും, കയ്യും കാലും ഒക്കെയുള്ള സുന്ദരന്‍ അക്കങ്ങള്‍. പറയാന്‍ മറന്നുപോയി , 4 എന്ന ഒരു അക്കം കൂടി ഡൂഡിലില്‍ ഉണ്ട്. പക്ഷേ നൃത്തം ചെയ്യാനോ ആഘോഷിക്കാനോ ഒന്നും '4' കൂട്ടില്ല. ആകാംക്ഷയോടെ കാത്തിരിക്കുകയാണ് അവന്‍. 2 ഉം, 0 ഉം, 1ഉം, 3 ഉം നൃത്തം വക്കുന്നത് ഇടക്കിടെ ഇടങ്കണ്ണിട്ട് നോക്കുന്നും ഉണ്ട്. മൂന്നിനെ പിടിച്ച് മാറ്റി കയറി നില്‍ക്കാനുള്ള വ്യഗ്രതയിലാണ് '4'.

അക്കങ്ങള്‍ക്ക് മുകളില്‍ പല വര്‍ണ്ണത്തില്‍ ഗൂഗിള്‍ എന്നെഴുതിയിട്ടുണ്ട്. ഇരുവശങ്ങളിലും ഓരോ സ്പീക്കറുകള്‍ വീതം ഉണ്ട്.

ഓരോ സെക്കന്‍ഡിലും ആണ് ഒരോ സ്‌റ്റെപ്പ്. ഒടുവില്‍ 2014 പിറക്കുമ്പോള്‍ '3' പിടിച്ച് തള്ളി '4' ഡാന്‍സ് ചെയ്യുമോ എന്നറിയില്ല. 2014 പുതുവര്‍ഷ ദിനത്തില്‍ എന്ത് രസകരമായ ഡൂഡില്‍ ആണ് ഗൂഗിള്‍ ഒരുക്കി വച്ചിരിക്കുന്നത് എന്നത് പുറത്ത് വിട്ടിട്ടില്ല.

English summary
Google, on Tuesday, displayed an animated New Year's Eve 2013 doodle on its homepage to bid adieu to the year. It is the last Google doodle for the year 2013.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X