ഫേസ്ബുക്ക് മെസ്സഞ്ചറിലും എന്ഡ് ടു എന്ഡ് എന്ക്രിപ്ഷന്?
കാലിഫോര്ണിയ: ലോകത്തെ ഏറ്റവുമധികം ഉപയോക്താക്കളുള്ള ഫേസ്ബുക്കിന്റെ ഫേസ്ബുക്കിന്റെ മെസ്സഞ്ചറിലും എന്ഡ് ടു എന്ഡ് എന്ക്രിപ്ഷന് സംവിധാനം ഏര്പ്പെടുത്തുന്നുവെന്ന് റിപ്പോര്ട്ട്. ചാറ്റ് ആപ്ലിക്കേഷനായ മെസ്സഞ്ചറില് ഉപയോക്താക്കളുടെ സ്വകാര്യത സംരക്ഷിക്കുന്നതിനും സുരക്ഷക്കും വേണ്ടിയാണ് ഫേസ്ബുക്ക് ഇത്തരമൊരു ഉദ്യമത്തിനൊരുങ്ങുന്നത്.
മെസ്സഞ്ചറില് എന്ഡ് ടു എന്ഡ് എന്ക്രിപ്ഷന് വരുന്നതോടെ ഈ സംവിധാനം ഏര്പ്പെടുത്തുന്ന രണ്ടാംത്തെ ഫേസ്ബുക്ക് ഉല്പ്പന്നമായി ഫേസ്ബുക്ക് മെസ്സഞ്ചര് മാറും. ഈ വര്ഷം വാട്സ് ആപ് മെസ്സഞ്ചറാണ് ഉപയോക്താക്കളുടെ സ്വകാര്യതയ്ക്ക് സംരക്ഷണം നല്കുന്നതിനായി ആദ്യമായി എന്ഡ് ടു എന്ഡ് എന്ക്രിപ്ഷന് സംവിധാനം ഏര്പ്പെടുത്തിയത്. വാ്സ് ആപ് വഴി കൈമാറുന്ന മെസേജുകള്, ഫോട്ടോകള്, വീഡിയോകള്, ഡോക്യുമെന്റുകള് എന്നിവ മൂന്നാമതൊരാള്ക്ക് കാണാന് കഴിയാത്തതാണ് ഈ സംവിധാനം.
എന്നാല് ഫേസ്ബുക്ക് വക്താവ് ഈ റിപ്പോര്ട്ട് തള്ളിക്കളഞ്ഞു. ആപ്പിളും അമേരിക്കന് രഹസ്യാന്വേഷണ ഏജന്സിയായ എഫ്ബിഐയും തമ്മിലുണ്ടായ സുരക്ഷാ തര്ക്കങ്ങളാണ് ഫേസ്ബുക്കിനെ വാട്സ് ആപ്പില് എന്ഡ് ടു എന്ഡ് എന്ക്രിപ്ഷന് സംവിധാനം ഏര്പ്പെടുത്താന് നിര്ബന്ധിതരാക്കിയത്. ഫേസ്ബുക്ക് മെസ്സഞ്ചറിന് ബദലായി ഗൂഗിള് കൊണ്ടുവരാനിരിക്കുന്ന അലോ മെസേജിംഗ് ആപ്ലിക്കേഷന് മുമ്പില് പിടിച്ചുനില്ക്കാനുള്ള ഫേസ്ബുക്കിന്റെ മറ്റൊരു അടവാണ് ഇതെന്നും ടെക് വിദഗ്ദര് ചൂണ്ടിക്കാണിക്കുന്നു. ഗൂഗിള് അലോ ചാറ്റ് ആപ്ലിക്കേഷന് ഇതേ സംവിധാനത്തോടെയാണ് പുറത്തിറങ്ങുകയെന്നും റിപ്പോര്ട്ടുകളുണ്ട്. ഇതെല്ലാം മുന്കൂട്ടികണ്ടുകൊണ്ടാണ് ഫേസ്ബുക്കിന്റെ തയ്യാറെടുപ്പുകള്. വാട്സ് ആപ്പിന് പിന്നാലെ പ്രമുഖ ചാറ്റ് ആപ്ലിക്കേഷനായ വൈബറും ഏപ്രിലില് എന്ഡ് ടു എന്ഡ് എന്ക്രിപ്ഷന് ഏര്പ്പെടുത്തിയിരുന്നു.