ഇത് നുമ്മ മലയാളീസിനെ പറ്റൂ...ചെണ്ടമേളം കണ്ട് കന്പംകയറി ഒടുവില്‍ സോനാക്ഷി സിന്‍ഹയും ചെണ്ടകൊട്ടി

ആലപ്പുഴ: കേരളത്തിന്റെ ഭംഗിയ കശ്മീരിനോട് താരതമ്യം ചെയ്തയാളാണ് ബിജെപി നേതാവ് ശത്രുഘ്‌നന്‍ സിന്‍ഹ. അതിനാലാകണം തന്റെ 70ാം പിറന്നാല്‍ അദ്ദേഹം വേമ്പനാട്ട് കായലിന്റെ മടിത്തട്ടില്‍ കേരളത്തനിമയോലുന്ന ഹൗസ് ബോട്ടില്‍ ശത്രുഘ്‌നന്‍ സിന്‍ഹ തന്റെ പിറന്നാള്‍ ആഘോഷിച്ചു, അതും കുടുംബ സമേതം.

ഭാര്യ പൂനം സിന്‍ഹ, മകളും ബോളിവുഡ് നടിയുമായ സോനാക്ഷി സിന്‍ഹ, മക്കളായ ലവ്, കുശ് തുടങ്ങിയവരും ഒപ്പമുണ്ടായിരുന്നു. ആഘോഷത്തിന്റെ ഭാഗമായി വനിതകളുടെ ചെണ്ടമേളവും ഉണ്ടായിരുന്നു.

ചെണ്ടമേളത്തില്‍ കമ്പം തോന്നിയ സോനാക്ഷി ചെണ്ടകൊട്ടിയത് കൗതുകമായി. കോമളപുരത്തെ ബോട്ട് ടെര്‍മിനലില്‍ നിന്നുമാണ് നേതാവിനേയും കുടുംബത്തേയും ചെണ്ടകൊട്ടി സ്വീകരിച്ചത്. നടി ചെണ്ട കൊട്ടുന്നതിന്റെ വീഡിയോ യൂ ട്യൂബില്‍ പ്രചരിയ്ക്കുകയാണ്.

ശിങ്കാരി മേളം

മുഹമ്മ ഗ്രാമജ്യോതി വനിത സംഘത്തിലെ 11 കലാകാരികളുടെ ശിങ്കാരി മേളം സോനാക്ഷി സിന്‍ഹിയ്ക്ക് നന്നേ ഇഷ്ടപ്പെട്ടു. പിന്നെ ഒട്ടും വൈകിയില്ല ചെണ്ടവാങ്ങി കൊട്ടാന്‍ തുടങ്ങി

ആവേശം

സോനാക്ഷിയും ചെണ്ടമേളത്തിനൊപ്പം ചേര്‍ന്നതോടെ കുടുംബം ഒന്നടങ്കം ആവേശത്തിലായി. ആവേശത്തിന് മാറ്റ് കൂട്ടാന്‍ കളരിപ്പയറ്റും

കേരള സ്റ്റൈല്‍ ഭക്ഷണം

ഹൗസ് ബോട്ട് യാത്രയ്ക്കടിയില്‍ കേക്ക് മുറിച്ച് സിന്‍ഹ പിറന്നാള്‍ ആഘോഷത്തിന് തുടക്കമിട്ടു. പൊന്നിയരിച്ചോറ്, ചെമ്മീന്‍കറി, ആലപ്പുഴ മീന്‍കറി, വെജിറ്റബിള്‍ കുറുമ, കാളന്‍, സാമ്പാര്‍, കരിമീന്‍ ഫ്രൈ, പായസം തുടങ്ങിയ വിഭവങ്ങള്‍ നിരന്നു. ചപ്പാത്തി, ചിക്കന്‍ മഞ്ചൂരി, ചെട്ടിനാട് ചിക്കന്‍ കറി തുടങ്ങ 19 ഇനങ്ങളാണ് ഭക്ഷണത്തിനായി ഒരുക്കിയിരുന്നത്.

സഹായം

ടൂറിസത്തില്‍ ലോകശ്രദ്ധ നേടാന്‍ കേരളത്തിന് തന്റെ എല്ലാവിധ സഹായവും ഉണ്ടാകുമെന്ന് അദ്ദേഹം പറഞ്ഞു

ആഡംബര ബോട്ടില്‍

റെയിന്‍ബോ എലൈറ്റര്‍ പ്‌ളസ് എന്ന ആഡംബര ഹൗസ് ബോട്ടിലായിരുന്നു കായല്‍ സഞ്ചാരം. ഏതാനും ദിവസം സോനാക്ഷിയും കുടുംബവും കേരളത്തിലുണ്ടാകും.

വീഡിയോ

സോനാക്ഷി ചെണ്ട കൊട്ടുന്നതിന്‍റെ വീഡിയോ

English summary

Sonakshi Sinha performs Chenda at Alappuzha.