Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വി എം ദീപ വീണ്ടും ഏഷ്യാനെറ്റില്‍
രാഷ്ട്രീയ കേരളത്തെ ഇളക്കിമറിച്ച ഐസ് ക്രീം പാര്‍ലര്‍ കേസുമായി ബന്ധപ്പെട്ട വാര്‍ത്തകള്‍ തുടര്‍ച്ചയായി റിപ്പോര്‍ട്ട് ചെയ്യുകയും ഇതിന്റെ പേരില്‍ ആക്രമണത്തിന് ഇരയാവുകയും ചെയ്ത മാധ്യമപ്രവര്‍ത്തക വിഎം ദീപ ഏഷ്യാനെറ്റില്‍ തിരിച്ചെത്തുന്നു.
ഐസ്‌ക്രീം പാര്‍ലര്‍ കേസുമായിബന്ധപ്പെട്ട് കരിപ്പൂര്‍ വിമാനത്താവളത്തില്‍ മുസ്ലീം ലീഗ് പ്രവര്‍ത്തകര്‍ നടത്തിയ ആക്രമണത്തില്‍ പരുക്കേറ്റ ദീപ കുറേനാള്‍ പഠനവും പരിസ്ഥിതി പ്രവര്‍ത്തനവുമായി മാധ്യമരംഗത്തുനിന്നും മാറിനില്‍ക്കുകയായിരുന്നു.
ഐസ്‌ക്രീ പാര്‍ലര്‍ കേസിലൂടെയാണ് ദീപയെന്ന മാധ്യമപ്രവര്‍ത്തക കേരളത്തില്‍ ശ്രദ്ധനേടിയത്. ഏഷ്യാനെറ്റ് ന്യൂസിന്റെ കോഴിക്കോട് ബ്യൂറോയില്‍ റിപ്പോര്‍ട്ടറായിരിക്കേയാണ് ദീപയ്ക്ക് മര്‍ദ്ദനമേറ്റത്.
ഐസ്‌ക്രീം പാര്‍ലര്‍ കേസില്‍ നിര്‍ണായകമായ റജീനയുടെ മൊഴി ആദ്യം ലഭിച്ചത് ദീപയ്ക്കായിരുന്നു. എന്നാല്‍ ഏഷ്യാനെറ്റ് ന്യൂസ് ഈ വാര്‍ത്ത പുറത്തുവിടേണ്ടെന്ന് തീരുമാനിയ്ക്കുകയും അതേസമയം ഇന്ത്യാവിഷന്‍ ഇതേവാര്‍ത്തയ്ക്ക് വലിയ പ്രാധാന്യം നല്‍കുകയും ചെയ്തു. തുടര്‍ന്ന് ഏഷ്യാനെറ്റും പെണ്‍വാണിഭക്കേസില്‍ കുഞ്ഞാലിക്കുട്ടിയ്‌ക്കെതിരായ നിലപാടെടുത്തു. തുടര്‍ന്നങ്ങോട്ട് കേസുമായി ബന്ധപ്പെട്ട വാര്‍ത്തകളെല്ലാം റിപ്പോര്‍ട്ട് ചെയ്തത് ദീപയായിരുന്നു.
വിമാനത്താവളത്തില്‍ നടന്ന ആക്രമണത്തില്‍ പരുക്കേറ്റതിനെത്തുടര്‍ന്ന് മാറിനിന്ന ദീപ ഒന്നരവര്‍ഷം മുമ്പാണ് മാധ്യമരംഗത്തേയ്ക്ക് തിരിച്ചെത്തിയത്. ഇന്ത്യാ വിഷനില്‍ ഗ്രാന്‍ റിപ്പോര്‍ട്ട് എന്ന പരിപാടി അവതരിപ്പിച്ചുകൊണ്ടായിരുന്നു ദീപയുടെ രണ്ടാം വരവ്. ഇപ്പോള്‍ ഇന്ത്യാവിഷന്‍ വിട്ട ദീപ ഏഷ്യനെറ്റ് ന്യൂസിന്റെ കോഴിക്കോട് ബ്യൂറോയില്‍ സീനിയര്‍ ന്യൂസ് എഡിറ്റര്‍ തസ്തികയിലാണ് പ്രവേശിച്ചിരിക്കുന്നത്.
