കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വാട്ട്‌സ്ആപ്പിലും ജിഫ് ഫയലുകള്‍?

  • By Jisha
Google Oneindia Malayalam News

കാലിഫോര്‍ണിയ: ഇന്റര്‍നെറ്റ് സംഭാഷണങ്ങളുടെ ഭാഗമായിക്കഴിഞ്ഞ ജിഫ് ഫയലുകള്‍ ഉടന്‍ വാട്ട്‌സ്ആപ്പിലേക്കുമെത്തുന്നു. വാട്ട്്‌സ്ആപ്പ് സംഭാഷണങ്ങള്‍ക്കിടയില്‍ പേസ്റ്റ് ചെയ്യാവുന്ന വിധത്തില്‍ ആന്‍ഡ്രോയ്ഡ്, ഐഒഎസ് ആപ്ലിക്കേഷനുകളിലാണ് ജിഫ് ഫയലുകള്‍ ഉള്‍പ്പെടുത്തുക എന്നാണ് ഇപ്പോള്‍ പുറത്തുവന്നിരിക്കുന്ന റിപ്പോര്‍ട്ടുകള്‍. സാധാരണ ഫോട്ടോകള്‍ സേവ് ചെയ്യുന്നതുപോലെ വാട്ട്‌സ്ആപ്പില്‍ വരുന്ന ജിഫ് ഫയലുകള്‍ ഫോണിലേക്ക് സേവ് ചെയ്യാന്‍ കഴിയുമെന്നാണ് ലഭിക്കുന്ന വിവരം. ഇതിന് പുറമേ ജിഫ് ഫയലുകള്‍ സാധാരണ ഫോട്ടോകളാക്കി മാറ്റുന്നതിനുള്ള സൗകര്യവും ഫേസ്ബുക്കിന്റെ ഉടമസ്ഥതയിലുള്ള വാട്ട്‌സ്ആപ്പ് ഒരുക്കിയിട്ടുണ്ട്.

വാട്ട്‌സ്ആപ്പിന്റെ മാറ്റങ്ങള്‍ കൃത്യമായി അപ്‌ഡേറ്റ് ചെയ്യുന്ന @WABetaInfo, എന്ന ട്വിറ്റര്‍ അക്കൗണ്ടിലാണ് ആദ്യം ഈ വാര്‍ത്ത പ്രത്യക്ഷപ്പെട്ടത്. അടുത്ത് പുറത്തിറങ്ങുന്ന വാട്ട്‌സ്ആപ്പിന്റെ 2.16.7.1 എന്ന പതിപ്പിലാണ് പുതിയ അപ്‌ഡേഷന്‍ വരികയെന്നും വാട്ട്‌സ്ആപ്പ് വ്യക്തമാക്കുന്നു. ചാറ്റ് ആപ്ലിക്കേഷന്‍ രംഗത്ത് വാട്ട്‌സ്ആപ്പിന്റെ എതിരാളിയായ വൈബര്‍ ജിഫ് ഫയല്‍ ചാറ്റില്‍ ഉള്‍പ്പെടുത്തിയതിന് പിന്നാലെയാണ് വാട്ട്‌സ്ആപ്പിന്റെ ചുവടുവയ്പ്പ്. നേരത്തെ ഫേസ്ബുക്കും ഫേസ്ബുക്ക് മെസ്സഞ്ചറും ഈ സംവിധാനം ഏര്‍പ്പെടുത്തിയിരുന്നു.

whatsapp

വാട്ട്‌സ് ആപ് ഗോള്‍ഡ് ഡൗണ്‍ലോഡ് ചെയ്‌തോ? പണി കിട്ടും തീര്‍ച്ചവാട്ട്‌സ് ആപ് ഗോള്‍ഡ് ഡൗണ്‍ലോഡ് ചെയ്‌തോ? പണി കിട്ടും തീര്‍ച്ച

വാട്ട്‌സ്ആപ്പ് വീഡിയോ കോളിംഗ് ഏര്‍പ്പെടുത്തുന്നിവെന്ന് നേരത്തെ റിപ്പോര്‍ട്ടുകള്‍ പ്രചരിച്ചിരുന്നു. വീഡിയോ കോളിംഗ് ഓപ്ഷന്റെ സ്‌ക്രീന്‍ഷോട്ടുകള്‍ക്കൊപ്പമായിരുന്നു വാര്‍ത്ത പ്രചരിച്ചിരുന്നത്. ആന്‍ഡ്രോയ്ഡ് ബീറ്റാ പതിപ്പില്‍ വീഡിയോ കോളിംഗ് സംവിധാനം ഏര്‍പ്പെടുത്തിയിരുന്നുവെങ്കിലും വാട്ട്‌സ്ആപ്പ് ഉപയോക്താക്കള്‍ക്ക് ഈ സംവിധാനം ലഭ്യമായിക്കഴിഞ്ഞിട്ടില്ല. മറ്റ് ഭാഷകളിലുള്ള ചാറ്റുകള്‍ പരിഭാഷപ്പെടുത്താനുള്ള സൗകര്യവും വാട്ട്‌സ്ആപ്പ് ഉടന്‍ ഏര്‍പ്പെടുത്തുമെന്ന് വാട്ട്‌സ്ആപ്പ് അറിയിച്ചിരുന്നു. അടുത്ത് ഉള്‍പ്പെടുത്തിയ കാള്‍ബാക്ക് ബട്ടണ്‍, സിപ്പ് ഫയല്‍ ഷെയറിംഗ് സംവിധാനം എന്നിവക്ക് പിന്നാലെയാണ് ജിഫ് ഫയലുകള്‍ ഷെയര്‍ ചെയ്യാനുള്ള പദ്ധതി വാട്ട്‌സ്ആപ്പ് ഒരുക്കുന്നുണ്ടെന്ന വാര്‍ത്തകള്‍ പുറത്തുവന്നിട്ടുള്ളത്.

English summary
WhatsApp getting GIF support soon
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X