മലബാര്‍ മഹോത്സവത്തിന് തുടക്കം

കോഴിക്കോട്: ഒരാഴ്ച നീളുന്ന മലബാര്‍ മഹോത്സവത്തിന് ഫിബ്രവരി 11 ബുധനാഴ്ച തിരിതെളിയും. ഇക്കുറി മതസൗഹാര്‍ദ്ദം എന്ന വികാരമുണര്‍ത്തുകയെന്ന ലക്ഷ്യത്തോടെയാണ് മലബാര്‍ മഹോത്സവം സംഘടിപ്പിയ്ക്കുന്നതെന്ന് കോഴിക്കോട് ജില്ലാ കളക്ടര്‍ ടി.ഒ. സൂരജ് പറഞ്ഞു.

ഫിബ്രവരി 11 മുതല്‍ 15 വരെയാണ് ഉത്സവം. പ്രധാന വേദിയായ കോഴിക്കോട് ഇന്‍ഡോര്‍ സ്റേഡിയത്തില്‍ ഫിബ്രവരി 11ന് നടന്‍ മോഹന്‍ലാല്‍ ഉത്സവം ഉദ്ഘാടനം ചെയ്യും. ഉദ്ഘാടനത്തിന് മുന്നോടിയായി ഒരു സാംസ്കാരിക ഘോഷയാത്ര നടക്കും. ഇതില്‍ ഇന്ത്യയിലെ എല്ലാ ഭാഗങ്ങളില്‍ നിന്നുമുള്ള കലാരൂപങ്ങള്‍ ഉണ്ടായിരിക്കും. ഇന്‍ഡോര്‍ സ്റേഡിയത്തിനടത്തുള്ള ബിഇഎം ഗേള്‍സ് ഹൈസ്കൂളില്‍ നിന്നാണ് സാംസ്കാരിക ഘോഷയാത്ര ആരംഭിയ്ക്കുക.

മലബാര്‍ മഹോത്സവത്തില്‍ ഇക്കുറി രാജ്യത്തെ വിവിധ ഭാഗങ്ങളില്‍ നിന്നുള്ള കലാകാരന്മാര്‍ പങ്കെടുക്കും.