നോബ്ലസിന്റെ കവര് ഗേളായി ഗൗരി ഖാന്
താരങ്ങള് പ്രമുഖ മാഗസിനുകളില് മുഖചിത്രങ്ങളായി എത്തുകയെന്നത് പുതുമയുള്ള കാര്യങ്ങളല്ല. എന്നാല് താരങ്ങളുടെ ജീവിതപങ്കാളില് മാഗസിന് കവറുകളില് വരുകയെന്നത് അല്പം വലിയ കാര്യം തന്നെയാണ്. എല്ലാ താരങ്ങളുടെയും പങ്കാളികള്ക്ക് ഇതിനുള്ള അവസരങ്ങള് ലഭിയ്ക്കാറില്ല. എന്നാല് ഷാരൂഖ് ഖാന്റെ ഭാര്യ ഗൗരി ഖാന്റെ കാര്യം വ്യത്യസ്തമാണ്. അഭിനേത്രിയല്ലെങ്കിലും ഷാരൂഖിനെപ്പോലെതന്നെ പ്രശസ്തയാണ് ഗൗരി ഖാന്. പലപ്പോഴും ഗൗരി വാര്ത്തകളില് ഇടം നേടാറുമുണ്ട്. ഇപ്പോഴിതാ ഗൗരി ഒരിക്കല്ക്കൂടി മാഗസിന് മുഖമായി എത്തിയിരിക്കുകയാണ്.
നോബ്ലസ് ഇന്ത്യ മാഗസിന്റെ ഡിസംബര് ലക്കത്തിന്റെ കവര് പേജിലാണ് ഗൗരിയെ കാണാന് കഴിയുക. ഓഫ് വൈറ്റ് നിറത്തിലുള്ള വസ്ത്രമണിഞ്ഞ് മനോഹരമായിത്തന്നെയാണ് ഗൗരി കവറിനായി പോസ് ചെയ്തിരിക്കുന്നത്. ഭാര്യയുടെ കവര് ചിത്രത്തലെ കിങ് ഖാന് ട്വിറ്ററിലൂടെ പ്രശംസിച്ചിട്ടുണ്ട്. ചിത്രം ലളിതവും സുന്ദരവുമാണെന്നാണ് ഷാരൂഖ് പറഞ്ഞിരിക്കുന്നത്.
ഷാരൂഖിന്റെ വീടായ മന്നത്തില് വച്ചാണ് നോബ്ലസിന് വേണ്ടിയുള്ള ഫോട്ടോ ഷൂട്ട് നടന്നത്. ഇതിന് മുമ്പ് വോഗിന്റെ കവര് ചിത്രമായി ഗൗരി പ്രത്യക്ഷപ്പെട്ടിരുന്നു. ഷാരൂഖും ഗൗരിയും ചേര്ന്ന് പലമാഗസിനുകളുടെയും ഫോട്ടോഷൂട്ടില് വന്നിട്ടുണ്ട്. എന്നാല് ഗൗരി തനിച്ച് ആദ്യമായി കവര് മോഡലായത് വോഗിന് വേണ്ടിയായിരുന്നു. അതിനുശേഷം നോബ്ലസിലൂടെയാണ് ഗൗരി വീണ്ടും കവര് ഗേളായി എത്തിയിരിക്കുന്നത്.