ജയിക്കുമോ?, ഞാന് ജോത്സ്യം പഠിച്ചിട്ടില്ല എന്ന് പത്മജ വേണുഗോപാല്
കൊച്ചി: ജയിക്കുമോ എന്ന ചോദ്യത്തിന് താന് ജോത്സ്യം പഠിച്ചിട്ടില്ല എന്ന് പത്മജ. തൃശ്ശൂര് മണ്ഡലത്തിലെ യുഡിഎഫ് സ്ഥാനാര്ത്ഥിയായ പത്മജ വേണുഗോപാല് പനമ്പള്ളി നഗറില് വോട്ട് രേഖപ്പെടുത്തിയ ശേഷം മാധ്യമ പ്രവര്ത്തകരുടെ ചോദ്യത്തോട് ആദ്യം പ്രതികരിച്ചത് ഇങ്ങനെയാണ്
യു ഡി എഫ് കരുത്തോടെ ഈ ഭരണം തുടരും, യുഡിഎഫ് വീണ്ടും അധികാരത്തിലെത്തും എന്നും പത്മജ പറഞ്ഞു. പത്മജയും മരളീധരനും ഒരുമിച്ച് മത്സരിയ്ക്കുന്നുണ്ട്. രണ്ട് പേരും ജയിക്കുമോ എന്ന ചോദ്യത്തിനാണ് താന് ജോത്സ്യം പഠിച്ചിട്ടില്ല എന്ന മറുപടി പത്മജ നല്കിയത്.
കരുണാകരന്റെ മക്കളായ തങ്ങള് രണ്ട് പേരോടും നാട്ടുകാര്ക്ക് വാത്സല്യമാണെന്നും രണ്ട് പോരും ജയിക്കും എന്നും പിന്നീട് പത്മജു പറഞ്ഞു.
യു ഡി എഫിന്റെ വനിത സ്ഥാനാര്ത്ഥി എന്ന നിലയിലും ലീഡറുടെ മകള് എന്ന നിലയിലുമാണ് പത്മജ വേണുഗോപാല് ഈ തിരഞ്ഞെടുപ്പില് മത്സരിയ്ക്കുന്നത്.