രണ്ടിടത്തും കണ്ട കുമ്പിടി, തലയുടെ തലയെടുപ്പ്, വധു ബൂത്തില്‍; ചില കൗതുക കാഴ്ച

By Aswini

Updated: Monday, May 16, 2016, 19:38 [IST]

പതിനാലാം കേരള നിയമസഭാ തിരഞ്ഞെടുപ്പിന്റെ പോളിങ് പൂര്‍ണമായി. 140 മണ്ഡലങ്ങളിലായി രണ്ടരക്കോടിയിലധികം വോട്ടര്‍മാര്‍ തങ്ങളുടെ വോട്ടവകാശം ഉപയോഗിച്ചു.

സെലിബ്രിറ്റികള്‍, സാധാരണക്കാര്‍ എന്നിങ്ങനെയുള്ള വേര്‍തിരിവുകളൊന്നും പോളിങ് ബൂത്തിലോ പരിസരത്തോ ഉണ്ടായിരുന്നില്ല. എല്ലാവരും ക്യൂ നിന്ന് വോട്ട് ചെയ്തു മടങ്ങി. അതിനിടയില്‍ കണ്ട ചില കൗതുക കാഴ്ചകളിലൂടെ.

വധു ബൂത്തില്‍

ക്രിസ്റ്റി ജോണിന്റെ വിവാഹവും തിരഞ്ഞെടുപ്പും ഒരു ദിവസമായിരുന്നു. എന്നാല്‍ വോട്ട് കഴിഞ്ഞിട്ട് മതി വിവാഹം എന്ന് വീട്ടുകാര്‍ തീരുമാനിച്ചതോടെ വിവാഹ വധുവിന്റെ വേഷത്തില്‍ പോളിങ് ബൂത്തിലെത്തി വോട്ട് ചെയ്തു. എറണാകുളം ജില്ലയിലെ ലിറ്റില്‍ ഫഌവര്‍ സ്‌കൂള്‍ ബൂത്തിലായിരുന്നു കാഴ്ച

സലിം കുമാറിന്റെ ഗെയിം

വോട്ട് ചെയ്യാന്‍ വേണ്ടി നിന്ന ക്യുവില്‍ നിന്ന്, നടന്‍ സലിം കുമാര്‍ തന്റെ മൊബൈല്‍ ഫോണില്‍ ഗെയിം കളിയ്ക്കുന്ന ഫോട്ടോ ആയിരുന്നു മറ്റൊരു കൗതുകം

ഇതാര് കുമ്പിടിയോ

ദുല്‍ഖര്‍ സല്‍മാന്‍ വോട്ട് ചെയ്തപ്പോള്‍ അദ്ദേഹത്തിന്റെ പിന്നിലായിരുന്നു, അത് കഴിഞ്ഞ് മമ്മൂട്ടി വോട്ട് ചെയ്യാന്‍ വന്നപ്പോള്‍ അദ്ദേഹത്തിന്റെ പിന്നിലും കണ്ടു.. ഇദ്ദേഹം കുമ്പിടിയായിരുന്നോ എന്ന ഫേസ്ബുക്ക് കണ്ടെത്തല്‍

അജിത്തിന്റെ തലയെടുപ്പ്

മഷിപുരട്ടുന്ന ആള്‍ അബദ്ധത്തില്‍ ചൂണ്ട് വിരലില്‍ മഷി പുരട്ടിയാല്‍ ആ വിരല്‍ മാത്രം ചിലര്‍ ഉയര്‍ത്തി പിടിയ്ക്കും. എന്നാല്‍ അജിത്ത് വേറിട്ടു നിന്നത് ഇങ്ങനെയാണ്.