സിദ്ധാര്ഥും അദിതി റാവുവും വിവാഹിതരായി; മുണ്ടിൽ തിളങ്ങി സിദ്ധാർഥ്, ലെഹങ്കയിൽ സുന്ദരിയായി അദിതി
നടൻ സിദ്ധാർത്ഥും നടി അദിതി റാവു ഹൈദരിയും വിവാഹിതരായി. അദിത് സോഷ്യൽ മീഡിയയിൽ വിവാഹച്ചടങ്ങുകളുടെ ചിത്രങ്ങൾ പങ്കുവെച്ചു. ' നീയാണെന്റെ സൂര്യൻ. എന്റെ ചന്ദ്രൻ, എന്റെ എല്ലാ നക്ഷത്രങ്ങളും മിസിസ് ആന്റ് മിസ്റ്റർ അദു - സിദ്ധു ' വിവാഹച്ചിത്രങ്ങൾ പങ്കുവെച്ച് അദിതി കുറിച്ചു. സിദ്ധാർഥും അദിതിയും ഏറെക്കാലമായി ലിവിംഗ് ടുഗദർ ആയിരുന്നു. 2021 ൽ മഹാമസുദ്രം എന്ന സിനിമയിൽ ഒരുമിച്ച് അഭിനയിക്കുമ്പോഴാണ് പ്രണയത്തിലാകുന്നത്.
രണ്ട് പേരുടെയും രണ്ടാം വിവാഹമാണ്. 2003 ൽ സിനിമയിലെ അരങ്ങേറ്റത്തിന് പിന്നാലെയാണ് സിദ്ധാർഥ് വിവാഹിതനായത്. തന്റെ ബാല്യകാല സുഹൃത്ത് മേഘ്നയായിരുന്നു വധു. ചെറുപ്പം മുതലുള്ള പ്രണയമാണ് വിവാഹത്തിലേക്ക് എത്തിയത്. എന്നാൽ അധികനാൾ ഈ ബന്ധം മുന്നോട്ട് പോയില്ല. രണ്ട് വർഷത്തോളം വേർപിരിഞ്ഞ് കഴിഞ്ഞ ശേഷമാണ് 2007 ൽ ഇരുവരും വിവാഹ മോചിതരായത്. ബോളിവുഡ് നടൻ സത്യദീപ് മിശ്രയാണ് അദിതിയുടെ ആദ്യ ഭർത്താവ്. 2002 ൽ ആയിരുന്നു വിവാഹം 2012 ൽ വേർപിരിഞ്ഞു.
ദക്ഷിണേന്ത്യൻ ആചാരപ്രകാരം അതിരാവിലെയായിരുന്നു വിവാഹ ചടങ്ങുകൾ. സ്വർണ നിറത്തിലുള്ള ടിഷ്യൂ ഓർഗൻസ ലെഹങ്ക ധരിച്ചാണ് അദിതി എത്തിയത്. മിനിമൽ മേയ്ക്ക്പ്പ് ആയിരുന്നു. സിദ്ധാഥ് വളരെ സിംപിൾ ലുക്കിലാണ് എത്തിയത് മുണ്ടായിരുന്നു ധരിച്ചത്.
Click it and Unblock the Notifications
Sign in with Google