'ലാലേട്ടാ, നിങ്ങളോടൊപ്പം പ്രവർത്തിക്കുന്നത് ഒരു ബഹുമതിയാണ്'; വൈകാരിക കുറിപ്പുമായി ശ്വേത മേനോൻ
കുറച്ച് ദിവസങ്ങളായി താര സംഘടനയായ അമ്മയിലെ തിരഞ്ഞെടുപ്പാണ് ചർച്ചാ വിഷയം. സെക്രട്ടറി സ്ഥാനത്ത് നിന്ന് ഇടവേള ബാബു സ്ഥാനമൊഴിഞ്ഞത് വലിയ ചർച്ചയായിരുന്നു. 25 വർഷത്തിന് ശേഷമാണ് ഇടവേള ബാബു സ്ഥാനമൊഴിഞ്ഞത്. പലരും തങ്ങളുടെ വിഷമം വ്യക്തമാക്കുകയും ചെയ്തിരുന്നു. അതേ സമയം മറ്റൊരു പ്രധാനപ്പെട്ട താരം കൂടി സ്ഥാനമൊഴിഞ്ഞിരുന്നു. അമ്മയുടെ ആദ്യ വനിതാ പ്രസിഡന്റ് ആയ ശ്വേത മേനോൻ ആണ് സ്ഥാനമൊഴിഞ്ഞത്. സ്ഥാനമൊഴിഞ്ഞതിന് പിന്നാലെ ശ്വേത സോഷ്യൽ മീഡിയയിൽ ഒരു കുറിപ്പ് പങ്കുവെച്ചു.
അമ്മയുടെ ആദ്യ വനിതാ പ്രസിഡന്റ് എന്ന നിലയിൽ കാലാവധി പൂർത്തിയാക്കി സ്ഥാനം ഒഴിയുമ്പോൾ അഭിമാനം തോന്നുന്നുവെന്ന് ശ്വേതാ മേനോൻ പറഞ്ഞു. എക്സിക്യൂട്ടീവ് കമ്മിറ്റിയിലെ അംഗങ്ങൾക്കും അമ്മയിലെ എല്ലാ അംഗങ്ങൾക്കും, പിന്തുണയ്ക്കും വിശ്വാസത്തിനും ഹൃദയം നിറഞ്ഞ നന്ദിയും ശ്വേത അറിയിച്ചു.
2021 മുതൽ 2024 വരെ അമ്മയെ സേവിക്കാൻ അവസരം ലഭിച്ചതിലും മോഹൻലാലിനൊപ്പം പ്രവർത്തിക്കാൻ കഴിഞ്ഞതിലും സന്തോഷമുണ്ടെന്നും കഴിഞ്ഞ 25 വർഷമായി മികച്ച സംഭാവനകൾ നൽകി അമ്മയെ ഒരു മഹത്തായ സംഘടനയാക്കി മാറ്റിയതിൽ ഇടവേള ബാബുവിന് വലിയ പങ്കുണ്ടെന്നും ശ്വേത പറയുന്നു. സോഷ്യൽ മീഡിയയിൽ പങ്കുവെച്ച കുറിപ്പിലാണ് ശ്വേത ഇക്കാര്യങ്ങൾ പറഞ്ഞത്.
ശ്വേതയുടെ കുറിപ്പ്;
അമ്മയുടെ ആദ്യ വനിതാ വൈസ് പ്രസിഡൻറ് എന്ന നിലയിൽ എന്റെ കാലാവധി അവസാനിക്കുമ്പോൾ ഞാൻ നന്ദിയും അഭിമാനവും കൊണ്ട് നിറഞ്ഞിരിക്കുന്നു. 2021 മുതൽ 2024 വരെയുള്ള വർഷങ്ങൾ നിരവധി ഉയരങ്ങളും വളരെ കുറച്ച് താഴ്ചകളുമുള്ള അവിശ്വസനീയമായ യാത്രയായിരുന്നു, ഞങ്ങളുടെ അമ്മയെ സേവിക്കാൻ എനിക്ക് അവസരം ലഭിച്ചതിൽ സന്തോഷമുണ്ട്.
ലാലേട്ടാ, നിങ്ങളോടൊപ്പം പ്രവർത്തിക്കുന്നത് ഒരു ബഹുമതിയാണ്. കഴിഞ്ഞ 25 വർഷമായി നിങ്ങൾ നൽകിയ മികച്ച സംഭാവനകൾക്ക് ഇടവേള ബാബു ഏട്ടന് പ്രത്യേക നന്ദി. നിങ്ങൾ കാരണം, അമ്മ ഇപ്പോൾ ഞങ്ങളുടെ സഹപ്രവർത്തകരുടെ ക്ഷേമത്തിനായി കൂടുതൽ അർത്ഥവത്തായ ഒരു സംഘടനയാണ്.
എക്സിക്യൂട്ടീവ് കമ്മിറ്റിയിലെ അംഗങ്ങൾക്കും അമ്മയിലെ എല്ലാ അംഗങ്ങൾക്കും, നിങ്ങളുടെ പിന്തുണയ്ക്കും വിശ്വാസത്തിനും ഹൃദയം നിറഞ്ഞ നന്ദി. നമ്മൾ ഒരുമിച്ച് വലിയ കാര്യങ്ങൾ ചെയ്യുകയും നമ്മുടെ ലക്ഷ്യത്തിൽ എത്തിച്ചേരുമെന്ന് ദൃഢനിശ്ചയമെടുക്കുകയും ചെയ്തു. പുതിയ കമിറ്റിക്കി കീഴിൽ അമ്മ കൂടുതൽ കരുത്തായി മുന്നേറുമെന്നും മലയാള സിനിമ പുതിയ ഉയരങ്ങളിൽ എത്തുമെന്നും എനിക്ക് ഉറപ്പുണ്ട്, ശ്വേത കുറിച്ചു.
അമ്മ സംഘടനയുടെ ആദ്യ വനിതാ വൈസ് പ്രസിഡന്റായിരുന്നു ശ്വേത. നിലവിൽ നടൻമാരായ ബാബുരാജ്, ജയൻ ചേർത്തല എന്നിവരാണ് വൈസ് പ്രസിഡന്റുമാർ
Click it and Unblock the Notifications
Sign in with Google