പല രേഖകളിലും പലത്, ഒടുവില് നിത്യഹരിതനായകന്റെ യഥാര്ത്ഥ ജനനത്തിയതി കണ്ടെത്തി!
കൊച്ചി: മലയാളത്തിലെ എന്നല്ല ലോകസിനിമയിലെ തന്നെ അപൂര്വമായ പല റെക്കോഡുകളും സ്വന്തം പേരിലാക്കിയ താരമാണ് നിത്യഹരിതനായകന് പ്രേംനസീര്. ഏറ്റവും കൂടുതല് സിനിമയില് നായകനായി അഭിനയിച്ച താരം, ഒരേ നായികയുടെ കൂടെ കൂടുതല് ചിത്രങ്ങളില് അഭിനയിച്ച താരം, 93 നായികമാര്ക്കൊപ്പം അഭിനയിച്ച താരം, രണ്ട് വര്ഷം 30 സിനിമകളില് വീതം അഭിനയിച്ച താരം എന്നീ ലോകറെക്കോഡുകളെല്ലാം നസീറിന്റെ പേരിലാണ്.
ഇങ്ങനെയൊക്കെ ആണെങ്കിലും പ്രേംനസീറിന്റെ ജനനത്തിയതിയില് ഇത്രയും നാളായി ഒരു അവ്യക്തത നിലനിന്നിരുന്നു. ചരിത്രത്തിലും സര്ക്കാര് രേഖകളിലും പുസ്തകങ്ങളിലും വെബ്സൈറ്റുകളിലുമെല്ലാം പല തീയതികളില് ആയിരുന്നു നസീറിന്റെ ജനനത്തിയതി രേഖപ്പെടുത്തിയിരുന്നത്. വിക്കിപീഡിയ പ്രകാരം 1926 ഏപ്രില് 7 ആണ് നസീറിന്റെ ജനനത്തീയതി രേഖപ്പെടുത്തിയിരിക്കുന്നത്.
പ്രേംനസീര് ജീവിച്ചിരുന്നപ്പോള് പ്രസിദ്ധീകരിക്കുകയും അന്തരിച്ച് വര്ഷങ്ങള്ക്ക് ശേഷം പുനഃപ്രസിദ്ധീകരിക്കുകയും ചെയ്ത 'എന്റെ ജീവിതം' എന്ന ആത്മകഥയിലും നസീറിന്റെ മകള് ലൈല റഷീദും പി സക്കീര് ഹുസൈനും ചേര്ന്ന് എഴുതിയ 'ഇതിലേ പോയതു വസന്തം' എന്ന ഓര്മക്കുറിപ്പിലും ചേര്ത്തിട്ടുള്ള ജീവിതരേഖയില് 1927 ഏപ്രില് 7 എന്നാണ് നസീറിന്റെ ജനനത്തിയതിയായി കാണിച്ചിരിക്കുന്നത്.
എന്നാല് പ്രേംനസീര് ജീവിച്ചിരുന്ന കാലത്ത് 1984 ഓഗസ്റ്റിലെ സിനിമ മാസികയില് മിത്രന് നമ്പൂതിരിപ്പാട് എഴുതിയ പ്രേംനസീറിന്റെ ജാതകം പ്രകാരം ജനനത്തീയതി 1929 ഡിസംബര് 16 ആയിരുന്നു. എന്നാല് ചലച്ചിത്ര അക്കാദമിയില് മറ്റൊരു തീയതിയാണ്. ഈ ആശയക്കുഴപ്പമാണ് സംവിധായകന് ആര് ശരത്തും എഴുത്തുകാരന് വിനു ഏബ്രഹാമും പ്രേംനസീറിനെ കുറിച്ച് തയാറാക്കുന്ന ഇംഗ്ലീഷ് ഡോക്യുമെന്ററിക്ക് വേണ്ടി നടത്തിയ അന്വേഷണത്തില് പരിഹരിച്ചത്.
പ്രേനസീറിന്റെ മകള് റീത്തയുടെ കൈയില് അദ്ദേഹത്തിന്റെ പാസ്പോര്ട്ട് ഉണ്ടായിരുന്നു എന്നും അതില് ജനനവര്ഷം 1929 ആണെന്ന് രേഖപ്പെടുത്തിയിട്ടുണ്ടായിരുന്നു എന്നും ശരത്തും വിനു ഏബ്രഹാമും പറയുന്നു. നസീര് പഠിച്ച ചിറയിന്കീഴ് ശ്രീചിത്തിര ബോയ്സ് ഹൈസ്കൂളിലെ (ഇപ്പോള് നോബിള് ഗ്രൂപ്പ് ഓഫ് സ്കൂള്സ്) രജിസ്റ്ററിലും ചങ്ങനാശേരി എസ്ബി കോളജിലെ രജിസ്റ്ററിലും രേഖപ്പെടുത്തിയിരിക്കുന്നത് പേര് അബ്ദുള് ഖാദര്, ജനനത്തീയതി: 10.08.1104 എന്നായിരുന്നു.
പ്രേംനസീറിന്റെ യഥാര്ഥ പേര് അബ്ദുള് ഖാദര് എന്നായിരുന്നു. 10.08.1104 എന്നത് കൊല്ലവര്ഷമാണ്. കൊല്ലവര്ഷം 1104 മീനം 10 എന്ന് പറയുന്നത് 1929 മാര്ച്ച് 23 ആണ് എന്നും ഇരുവരും വ്യക്തമാക്കി. പ്രേംനസീറിന്റെ സഹായത്തോടെ പുതുക്കിപ്പണിത ചിറയിന്കീഴ് പ്രേംനസീര് മെമ്മോറിയല് ഗവ.എച്ച്എസിന് മുന്നിലെ സ്മാരകത്തിലും ഈ ജനന വര്ഷമാണ് കണ്ടത് എന്നും അതോടെ സംശയം മാറി എന്നും ഇരുവരും പറഞ്ഞു.
തീയതി കണക്കാക്കാന് കൊല്ലവര്ഷ പഞ്ചാംഗത്തിനു പ്രാധാന്യമുണ്ടായിരുന്ന അക്കാലത്ത് ഇംഗ്ലിഷ് കലണ്ടര് പ്രകാരമുള്ള ജനനത്തീയതി രേഖപ്പെടുത്തുന്ന പതിവുണ്ടായിരുന്നില്ല. ഇതാണ് പലയിടത്തും പലതായി നസീറിന്റെ ജനനത്തിയതി രേഖപ്പെടുത്താന് കാരണമായത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google