എന്റെ ഹൃദയം വീണ്ടും അവിടെ എത്താൻ ആ​ഗ്രഹിക്കുന്നു; ദൈവം അനു​ഗ്രഹിച്ചാൽ സാധിക്കുമെന്ന് അമൃത സുരേഷ്

ഏറെ ആരാധകരുള്ള ​ഗായികയാണ് അമൃത സുരേഷ്. അമൃത വലിയൊരു ഈശ്വര വിശ്വാസിയാണ്. പലപ്പോഴും തന്റെ വിശ്വാസത്തെക്കുറിച്ച് അമൃത തന്നെ പറഞ്ഞിട്ടുണ്ട്. കടന്നുപോയ പ്രയാസങ്ങളിൽ നിന്നൊക്കെ പുറത്തുകടക്കാൻ ഭക്തി സഹായിച്ചിട്ടുണ്ടെന്നും അമൃത പറഞ്ഞിരുന്നു.

ഇപ്പോൾ ത്രിവേണി സം​ഗമത്തിന് പോകാനുള്ള ആ​ഗ്രഹം പങ്കുവെച്ചിരിക്കുകയാണ് അമൃത. കഴിഞ്ഞ വർഷം അമൃത ത്രിവേണി സം​ഗമത്തിന് പോയിരുന്നു,. ആ വീ‍ിഡിയോ അമൃത പങ്കുവെച്ചിട്ടുണ്ട്. ത്രിവേണി സം​ഗമത്തിലെ ദൈവിക വൈബ് മിസ് ചെയ്യുന്നുവെന്ന് അമൃത പറഞ്ഞു.

' ഹര ഹര മഹാ ദേവ, ഒരു വർ‌ഷം മുൻപ് ​ഗം​ഗയും യമുനയും നി​ഗൂഢമായ സരസ്വതിയും ചേർന്ന ദിവ്യ ജലം ലയിക്കുന്ന പ്രയാ​ഗ് രാജിലെ പുണ്യ ത്രിവേണി സം​ഗമത്തിൽ പുണ്യ സ്നാനം നടത്താൻ എനിക്ക് ഭാ​ഗ്യം ലഭിച്ചിരുന്നു. ആ നിമിഷം ശരിക്കും അദ്വീതിയമായിരുന്നു. ഭക്തിയുടെയും ശാന്തതയുടെയും ആത്മീയ ഉണർവിന്റെയും ഒരു അനുഭവം.

PC: FaceBook

ഇപ്പോൾ മഹാ കുംഭമേള നടക്കുന്നതിനാൽ എന്റെ ഹൃദയം വീണ്ടും അവിടെ എത്താൻ ആ​ഗ്രഹിക്കുന്നു. പക്ഷേ അമിതമായ ജനക്കൂട്ടവും. സമീപകാലത്തെ തിക്കിലും തിരക്കിലും പെട്ട സാഹചര്യങ്ങളും ഇത്തവണ അത് സാധ്യമാകുമോ എന്നതിനെക്കുറിച്ച് ചിന്തിപ്പിക്കുന്നു.

എന്നിരുന്നാലും ഞാൻ പ്രത്യാശയിൽ ഉറച്ച് നിൽക്കുന്നു. ദൈവം അനു​ഗ്രഹിക്കുകയാണെങ്കിൽ ഞാൻ വീണ്ടും ഈ പുണ്യ ജലത്തിലേക്ക തിരിച്ചെത്തും. ഈ വീഡിയോ പങ്കുവെയ്ക്കുന്നത് ആ ദിവ്യ നിമിഷത്തിന്റെ എല്ലാ ഓർമകളെയും അനു​ഗ്രഹങ്ങളെയും ഊർജ്ജത്തെയും തിരികെ കൊണ്ടുവരും. എനിക്ക് അവിടെ വീണ്ടും എത്താൻ കഴിയുന്നത് വരെ ഈ ഓർമയിലൂടെ അത് പുനരുജ്ജീവിപ്പിക്കും'- അമൃത സുരേഷ് കുറിച്ചു.

ഇന്ത്യയിലെ ഏറ്റവും വലിയ ഉത്സവങ്ങളിലൊന്നായ മഹാ കുംഭ മേള ഉത്തർ പ്രദേശിലെ പ്രയാ​ഗ് രാജിൽ നടക്കുകയാണ്. ജനുവരി 13 ന് ആരംഭിച്ച ചടങ്ങ് ഫെബ്രുവരി 26 ന് മനഹാ ശിവരാത്രി ദിവത്തിലാണ് അവസാനിക്കുക. ഒന്നര മാസത്തോളമാണ് മഹാ കുംഭ മേള. ഓരോ 12 വർഷം കൂടുമ്പോഴാണ് മഹാ കുംഭ മേള നടക്കുന്നത്. പ്രയാ​ഗ് രാജിലെ ത്രിവേണി സംഗമത്തിലാണ് കുംഭ മേള ആഘോഷിക്കുന്നത്. സരസ്വതി എന്നിവ കൂടിച്ചേരുന്ന സ്ഥലമാണ് ത്രിവേണി സംഗമം. വലിയ ഒരുക്കങ്ങളാണ് യു പി സർക്കാർ നടത്തിയിരിക്കുന്നത്.