പത്താനും ജവാനും സൂപ്പര്ഹിറ്റായത് ഷാരൂഖിന്റെ വീട്ടിലെ വാസ്തു കാരണം; 'രഹസ്യം' വെളിപ്പെടുത്തി ആനന്ദ് പണ്ഡിറ്റ്
നീണ്ട ഇടവേളയ്ക്ക് ശേഷം ഷാരൂഖ് ഖാന് ചിത്രങ്ങള് ഒന്നിന് പിറകെ ഒന്നായി സൂപ്പര്ഹിറ്റായ വര്ഷമായിരുന്നു 2023. ഷാരൂഖിന്റെ പത്താന്, ജവാന് എന്നീ ചിത്രങ്ങള് ബോളിവുഡിലെ കളക്ഷന് റെക്കോഡുകള് തകര്ത്തപ്പോള് ആ വര്ഷം അവസാനം ഇറങ്ങിയ ഡങ്കി മികച്ച നിരൂപക പ്രശംസയും നേടി. പത്താന്, ജവാന് എന്നീ ചിത്രങ്ങള് ആ വര്ഷത്തെ ഏറ്റവും കൂടുതല് കളക്ഷന് നേടിയ രണ്ട് ഇന്ത്യന് ചിത്രങ്ങളായി ഈ ചിത്രങ്ങളായി മാറി.
ഒരു നീണ്ട ഇടവേളയ്ക്ക് ശേഷം ഷാരൂഖ് വീണ്ടും ബിഗ് സ്ക്രീനിലേക്ക് തിരിച്ചെത്തിയ ചിത്രമാണ് പത്താന്. ദീപിക പദുക്കോണ്, ജോണ് എബ്രഹാം, ഡിംപിള് കപാഡിയ എന്നിവരും അഭിനയിച്ച ചിത്രം ലോകമെമ്പാടും 1,050 കോടി രൂപ വരുമാനം നേടി ബോക്സ് ഓഫീസ് റെക്കോര്ഡുകള് തകര്ത്തു. തുടര്ന്ന് ആറ്റ്ലി സംവിധാനം ചെയ്ത ജവാന് എന്ന ആക്ഷന് ഡ്രാമയുമായും അതേ വര്ഷം ഷാരൂഖ് എത്തി.
നയന്താര, ദീപിക പദുക്കോണ്, സന്യ മല്ഹോത്ര, പ്രിയാമണി, തുടങ്ങിയവരോടൊപ്പം ഷാരൂഖ് ഇരട്ട വേഷത്തില് അഭിനയിച്ച ഈ ചിത്രം ആഗോളതലത്തില് 1,160 കോടി രൂപ വരുമാനം നേടി അതിലും വലിയ വിജയമായി. ഇപ്പോഴിതാ ഈ ചിത്രങ്ങളുടെ സൂപ്പര്ഹിറ്റ് വിജയത്തിന് പിന്നിലെ 'രഹസ്യം' വെളിപ്പെടുത്തി രംഗത്തെത്തിയിരിക്കുകയാണ് ഷാരൂഖ് ഒരിക്കല് തന്റെ 'ആത്മീയ ഗുരു' എന്ന് വിളിച്ചിരുന്ന നിര്മ്മാതാവ് ആനന്ദ് പണ്ഡിറ്റ്.
ജവാനും പത്താനും റിലീസ് ചെയ്യുന്നതിന് മുമ്പ് ഷാരൂഖിന് താന് ചില വാസ്തു നുറുങ്ങുകള് നല്കിയതായി ആനന്ദ് പണ്ഡിറ്റ് വെളിപ്പെടുത്തി. വാസ്തു ഉപദേശത്തിനായി ഷാരൂഖ് തന്നെ സമീപിക്കുകയായിരുന്നു എന്നാണ് അദ്ദേഹം പറയുന്നത്. 'ഞങ്ങള് അടുത്തപ്പോള്, ഞാന് ചില കാര്യങ്ങളിലേക്ക് അദ്ദേഹത്തെ നയിക്കാന് തുടങ്ങി. ഊര്ജ്ജത്തെ അടിസ്ഥാനമാക്കിയുള്ള ഒരു പ്രത്യേക വാസ്തു ശാസ്ത്രമുണ്ട്.
അത് ഞാന് പരിശീലിക്കുന്നു. അദ്ദേഹത്തിന്റെ സ്ഥാനത്ത് ആവശ്യമായ ഊര്ജ്ജം ഞങ്ങള് ക്രമീകരിച്ചു. അത് അദ്ദേഹത്തിന് വേണ്ടി പ്രവര്ത്തിച്ചു. അദ്ദേഹം വളരെ എളിമയുള്ള മനുഷ്യനും മഹാനുമായ വ്യക്തിയാണ്, അദ്ദേഹം അത് പരസ്യമായി അംഗീകരിച്ചു, അതിന് ഞാന് നന്ദിയുള്ളവനാണ്', ആനന്ദ് പറഞ്ഞു. 2023 ല്, ആനന്ദ് പണ്ഡിറ്റിന്റെ 60-ാം പിറന്നാള് ആഘോഷത്തില് ഷാരൂഖ് ഖാന് പങ്കെടുത്തിരുന്നു.
അവിടെ വെച്ചാണ് അദ്ദേഹം ആനന്ദുമായുള്ള തന്റെ ബന്ധത്തെക്കുറിച്ച് സംസാരിച്ചത്. 'അദ്ദേഹവുമായുള്ള എന്റെ ബന്ധം അദ്ദേഹം എന്റെ ആത്മീയ ഗുരുവാണ് എന്നതാണ്. ലോട്ടസ് ഡെവലപ്പേഴ്സിന് കീഴിലുള്ള അദ്ദേഹത്തിന്റെ കെട്ടിടങ്ങള് ഹൈടെക്, ആധുനികമാണ്. ഈ കെട്ടിടങ്ങളില് കയറിക്കഴിഞ്ഞാല്, നിങ്ങള് ന്യൂയോര്ക്കിലോ ലണ്ടനിലോ ആണെന്ന് തോന്നും. അത് കണ്ടപ്പോള് ഞാന് അത്ഭുതപ്പെട്ടു.
അവ വളരെ ഉയര്ന്ന നിലവാരമുള്ളവയാണ്. ഒരു ഡെവലപ്പര് ആയതിനാല് അദ്ദേഹത്തിന് വാസ്തു നന്നായി അറിയാം. ഇടയ്ക്കിടെ ഞാന് അദ്ദേഹത്തെ വീട്ടിലേക്ക് വിളിച്ച് പറയാറുണ്ട്, സര്, എന്റെ അവസാന ചിത്രം വിജയിച്ചില്ല, ദയവായി എന്തെങ്കിലും ചെയ്യുക എന്ന്. ആനന്ദ് സര് ഒരു കണ്ണാടി (അല്ലെങ്കില് ശുഭകരമായ എന്തെങ്കിലും) സ്ഥാപിക്കാന് നിര്ദ്ദേശിക്കും. ഭാഗ്യവശാല്, എന്റെ സിനിമകള് വര്ക്കാകും', എന്നായിരുന്നു ഷാരൂഖ് പറഞ്ഞത്.
ടോട്ടല് ധമാല്, മിസ്സിംഗ്, സര്ക്കാര് 3, ഗ്രേറ്റ് ഗ്രാന്ഡ് മസ്തി തുടങ്ങിയ ബോളിവുഡ് ചിത്രങ്ങള് നിര്മ്മിച്ച് വിതരണം ചെയ്ത ആനന്ദ് പണ്ഡിറ്റ് മോഷന് പിക്ചേഴ്സിന്റെ ഉടമസ്ഥതയിലുള്ള ഒരു ഇന്ത്യന് ചലച്ചിത്ര നിര്മ്മാതാവും വിതരണക്കാരനുമാണ് ആനന്ദ്. താങ്ക് ഗോഡ്, ദി ബിഗ് ബുള്, ചെഹ്രെ എന്നിവയുള്പ്പെടെ നിരവധി ചിത്രങ്ങള് അദ്ദേഹം നിര്മ്മിച്ചിട്ടുണ്ട്. ആനന്ദ് ഒരു റിയല് എസ്റ്റേറ്റ് ഡെവലപ്പറും മുംബൈയില് ഉയര്ന്ന നിലവാരമുള്ള പ്രോപ്പര്ട്ടികള് വികസിപ്പിക്കുന്ന ലോട്ടസ് ഡെവലപ്പേഴ്സിന്റെ സ്ഥാപകനുമാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google