റോബിനും ആരതി പൊടി വിവാഹം കഴിക്കില്ലേ?; കൊച്ചി വിട്ട് തിരുവനന്തപുരത്തേക്ക് പോയി റോബിൻ
കൊച്ചി: ബിഗ് ബോസ് മലയാളം സീസണിന്റെ ചരിത്രത്തിൽ തന്നെ ഏറ്റവും കൂടുതൽ ആരാധകരെ സ്വന്തമാക്കിയ താരമാണ് റോബിൻ രാധാകൃഷ്ണൻ. ഷോയിൽ വെറും 70 ദിവസം മാത്രമായിരുന്നു റോബിൻ നിന്നതെങ്കിലും ഷോയിലെ വിജയിയെക്കാളും സ്വീകാര്യത നേടിയെടുക്കാൻ റോബിന് സാധിച്ചിരുന്നു. ഷോ അവസാനിച്ച ശേഷവും റോബിന്റെ പിന്തുണയ്ക്ക് യാതൊരു കുറവുമുണ്ടായിരുന്നില്ല.
റോബിനെ പോലെ തന്നെ ആരാധകർ ഏറെ ഇഷ്ടടത്തോടെയായിരുന്നു താരത്തിന്റെ പ്രതിശ്രുത വധുവായ ആരതി പൊടിയേയും സ്വീകരിച്ചത്. ഇരുവരുടേയും പ്രണയും സന്തോഷകരമായ നിമിഷങ്ങളുമെല്ലാം ആരാധകർ വളരെ അധികം ആഘോഷിക്കുകയും ചെയ്തിരുന്നു. കഴിഞ്ഞ വർഷമായിരുന്നു ഇരുവരും തമ്മിലുള്ള വിവാഹ നിശ്ചയം കഴിഞ്ഞത്. ഈ വർഷം ജുലൈയിൽ വിവാഹമുണ്ടാകുമെന്നും താരങ്ങൾ അറിയിച്ചിരുന്നു.
അതിനിടയിലാണ് പ്രേക്ഷകരെ ഞെട്ടിച്ച് ഇരുവരും പിരിഞ്ഞുവെന്ന തരത്തിലുള്ള അഭ്യൂഹങ്ങൾ കഴിഞ്ഞ ദിവസം സോഷ്യൽ മീഡിയയിൽ ചൂടുപിടിച്ചത്. റോബിനെ ആരതി പൊടി ഇൻസ്റ്റഗ്രാമിൽ അൺഫോളോ ചെയ്തതോടെയായിരുന്നു ചർച്ചകൾ. പിന്നീട് ആരതി പൊടിയുടെ സുഹൃത്തുക്കളിൽ ഒരാളായ ചെമ്പന് സ്റ്റീഫൻ ഇരുവരും തമ്മിൽ ചില പ്രശ്നങ്ങൾ ഉണ്ടെന്ന് തുറന്ന് സമ്മതികുകയും ചെയ്തു. എന്നാൽ എന്താണ് പ്രശ്നമെന്നോ ഇരുവരും ബ്രേക്കപ്പ് ആയോ എന്നൊന്നും സ്റ്റീഫൻ പറഞ്ഞില്ല. അതിലൊക്കെ വ്യക്തത വരുത്തേണ്ടത് ഇരുവരും തന്നെയാണെന്നായിരുന്നു സ്റ്റീഫൻ വ്യക്തമാക്കിയത്.
അഭ്യൂഹങ്ങൾ ചൂട് പിടിച്ചപ്പോഴും റോബിനോ ആരതിയോ ആരോപണങ്ങൾ തള്ളി രംഗത്തെത്തിയതുമില്ല. അതിനിടയിൽ കഴിഞ്ഞ ദിവസം എല്ലാ അഭ്യൂഹങ്ങളും അവസാനിപ്പിച്ച് റോബിനെ ആരതി വീണ്ടും ഫോളോ ചെയ്ത് തുടങ്ങി. പിന്നീട് ഇരുവരും പങ്കുവെച്ച തങ്ങളുടെ ഫോട്ടോകൾ പരസ്പരം ഇരുവരും ലൈക്ക് അടിക്കുകയും കമന്റായി ലൗ സ്മൈലി പങ്കുവെയ്ക്കുകയും ചെയ്യുന്നുണ്ട്. എന്നാൽ മറ്റൊരു കമന്റും ഇതുവരെ ഇവർ കുറിച്ചിട്ടില്ല. അതിനിയിൽ ഇപ്പോഴിതാ താൻ കൊച്ചിയിൽ നിന്നും തന്റെ സ്വന്തം നാടായ തിരുവനന്തപുരത്തേക്ക് മാറുകയാണെന്ന് പറഞ്ഞ് പോസ്റ്റ് പങ്കിട്ടിരിക്കുകയാണ് റോബിൻ. കമന്റ് സെക്ഷൻ ഓണാക്കാതെയായിരിന്നു പോസ്റ്റ് പങ്കുവെച്ചത്.
ബിഗ് ബോസിൽ നിന്നും ഇറങ്ങിയതിന് പിന്നാലെ തിരക്കേറിയപ്പോഴാണ് റോബിൻ കൊച്ചിയിലേക്ക് മാറിയത്. അവിടെ ഫ്ലാറ്റിലായിരുന്നു റോബിൻ കഴിഞ്ഞത്. ആരതിയും കൊച്ചിയിലായിരുന്നു. എന്നാൽ ഇപ്പോഴത്തെ പ്രശ്നങ്ങളെ തുടർന്നാണോ റോബിൻ കൊച്ചി വിടുന്നതെന്നാണ് പലരും ചോദിക്കുന്നത്. പ്രശ്നങ്ങളൊന്നും ഇല്ലെങ്കിൽ എന്തുകൊണ്ടാണ് റോബിനും ആരതിയും പോസ്റ്റുകളിൽ പരസ്പരം ലൈക്ക് മാത്രം ചെയ്യുന്നതെന്നാണ് പലരും കമൻറിലൂടെ ചോദിക്കുന്നത്.
റോബിൻ കമന്റ് ഇട്ടിരുന്നെങ്കിൽ സമാധാനമായേനെ , എന്തുകൊണ്ടാണ് ഇത്തരത്തിൽ കമ്മ്യൂണിക്കേഷൻ ഇല്ലാത്തത് പോലെ പ്രതികരിക്കുന്നതെന്നായിരുന്നു പലും കമന്റ് ചെയ്തത്. ഇരുവരുടേയും വിവാഹം ഇനി ഉണ്ടാകില്ലേയെന്ന് ചോദിക്കുന്നവരും കുറവല്ല.
Click it and Unblock the Notifications
Sign in with Google