'ഗബ്രി ജാസ്മിന് ചേരുന്ന നല്ല ഒരുപയ്യനായിരുന്നു'; സന്തോഷ വാർ‌ത്തയുമായി ജാസ്മിൻ, പക്ഷേ നിരാശയിൽ ആരാധകർ

ബി​​ഗ് ബോസ് മലയാളം സീസൺ 6 ൽ ഏറ്റവും കൂടുതൽ വിമർ‌ശനം ലഭിച്ച ഒരു മത്സരാർത്ഥിയായിരുന്നു ജാസ്മിൻ‌ ജാഫർ. എന്നാൽ അവസാന ദിവസം വരെ നിൽ‌ക്കാൻ ജാസ്മിൻ സാധിച്ചിരുന്നു. മൂന്നാം സ്ഥാനമാണ് ജാസ്മിന് ലഭിച്ചത്. ബി​ഗ് ബോസിൽ ഏറ്റവും കൂടുതൽ കണ്ടന്റ് ഉണ്ടാക്കിയത് ജാസ്മിൻ - ​ഗബ്രി കോമ്പോയാണ്. എന്നാൽ ബി​ഗ് ബോസിന്റെ തുടക്കം തൊട്ട് ഈ കോമ്പോ വലിയ വിമർശനങ്ങൾ കേട്ടിരുന്നു.

കണ്ടന്റിന് വേണ്ടി മാത്രം ഉണ്ടാക്കിയ കോമ്പോയാണെന്നും ബി​ഗ് ബോസിന് പുറത്തിറങ്ങിയാൽ പിന്നീട് ഈ സൗഹൃദം ഉണ്ടാവില്ലെന്നുമൊക്കെ വിമർശനം ഉയർന്നിരുന്നു. എന്നാൽ ബി​ഗ് ബോസിന് പുറത്തിറങ്ങിയതിന് ശേഷവും ഇരുവരും തങ്ങളുടെ സൗഹൃദം തുടർന്നു. ട്രാവൽ ബ്ലോ​ഗ് ഉൾപ്പെടെ ഒരുമിച്ച് ചെയ്തു. എന്നാൽ‌ ജാസ്മിനും ​ഗബ്രിയും ഒരുമിച്ചെത്തുന്നത് വീഡിയോകൾ ഇപ്പോൾ‌ കുറവാണ്. രണ്ട് പേരും പിണങ്ങിയോ എന്ന ചോദ്യം ഉയർന്നുവന്നിട്ടുണ്ട്.

ഇപ്പോൾ ഇന്റർനാഷണൽ ട്രിപ്പിന് പോകാനുള്ള തയ്യാറെടുപ്പിന്റെ വീഡിയോ ആണ് ജാസ്മിൻ പങ്കുവെച്ചിരിക്കുന്നത് തായ്‌ലാന്റിലേക്കാണ് പോകുന്നത്. എന്നാൽ ഇത്തവണ ജാസ്മിന്റെ കൂടെ ​ഗബ്രിയില്ല. സാധാരണ ട്രിപ്പുകൾ പോകുമ്പോൾ തുടക്കം മുതൽ ​ഗബ്രിയും എല്ലാ കാര്യത്തിനും മുന്നിൽ തന്നെ ഉണ്ടാവാറുണ്ട്. എന്നാൽ ഇത്തവണ ജാസ്മിൻ മാത്രമാണ് ഉള്ളത്. കമന്റിൽ ​ഗബ്രിയെക്കുറിടച്ച് ചിലർ ചോ​ദിക്കുന്നുണ്ടെങ്കിലും ജാസ്മിൻ അതിന് മറുപടി നൽകിയിട്ടില്ല.

ഇത്തവണ വളരെ തമാശകലർന്ന തരത്തിലാണ് ജാസ്മിൻ വീഡിയോ ചെയ്തിരിക്കുന്നത്. എന്നാൽ ചിലർ ജാസ്മിൻ പക്വചതയോടെ പെരുമാറണം എന്ന തരത്തിൽ കമന്റ് ചെയ്തിട്ടുണ്ട്. എന്ത് വെ​ഗിളി പിടിച്ച സ്വഭാവം ആണ് ഇത് കുറച്ചു പക്വതയോടെയും പ്രായോഗിക ബുദ്ധിയോടെയും നന്നായി പോവുകയാണെങ്കിൽ ഒരു പക്ഷേ ഗബ്രി ഒരു നല്ല ലൈഫ് പാർട്ണർ ആയി വരുമായിരുന്നിരിക്കാം.

പക്ഷെ ഈ വട്ട് പിടിച്ച ചെറിയ കുട്ടിയാണെന്ന തരത്തിൽ ഈ പ്രായത്തിനു തക്ക വളർച്ചയില്ലാത്ത സ്വഭാവം കരുതി കൂട്ടി കാണിക്കുന്നത് കാരണം അത് നഷ്ടപ്പെട്ടു പോകും, ഗബ്രി ജാസ്മിന് ചേരുന്ന നല്ല ഒരുപയ്യൻ ആയിരുന്നു ജാസ്മിനെ മനസിലാക്കാൻ ഉള്ള കഴിവ് ആ പയ്യനുണ്ട്, ഹായ് ജാസൂ കുറെ ദിവസം ആയി കാത്തിരിക്കുന്നു നിങ്ങളെ കാണാൻ ഗബ്രി ഇല്ലെ എന്നിങ്ങനെ പോകുന്നു കമന്റുകൾ‌.